Video : संयमाने घ्या म्हणजे धमकी देता काय?, तुमच्या नरडीचा घोट घेऊ, जरांगे पाटील आक्रमक

तुम्ही सगळे मिळून जरी आले तरी मला आणि मराठा समाजारा फरक पडत नाही अशा भाषेत उपोषणाला बसलेले मनोज जरांगे पाटील यांनी सरकारला इशारा दिला आहे.

तुमच्यासाठी तुमचा नेता सगळ काही आहे तर माझ्यासाठी माझा समाज सगळं काही आहे आणि हाच तुमच्यात आणि माझ्यात फरक आहे. (Jarange) तुम्ही सगळे मिळून जरी आले तरी मला आणि मराठा समाजारा फरक पडत नाही अशा भाषेत उपोषणाला बसलेले मनोज जरांगे पाटील यांनी सरकारला इशारा दिला आहे. त्यांनी यावेळी मंत्री राधाकृष्ण विखे पाटील, मंत्री उदय सामंत, मंत्री संजय शिरसाट यांच्यासह उपमुख्यमंत्री एकनाथ शिंदे यांच्यावर जहरी भाषेत टीका केली आहे. ते पत्रकार परिषदेत बोलत होते.

शिष्टमंडळाने छत्रपती संभाजी नगरमध्ये बसून दंगल घडवण्याचं षडयंत्र रचलय. एकनाथ शिंदे यांना मराठ्यांमध्ये मारामाऱ्या घडवून आणायच्या आहेत. दंगल करायची आहे. या आंदोलनात ते होणार आहे. आणि या सर्व गोष्टीला एकनाथ शिंदेच जबाबदार असणार आहे, असा खळबळजनक आरोप जरांगे पाटील यांनी केला आहे. दरम्यान, तुम्ही सर्व मंत्री एकत्र आले तरी आमच्या मराठ्यांचं वाकडं करू शकत नाही. तुम्हाला वाटत असेल तुमच्याकडं पैसा आहे. आमदार आणि मंत्र्यांकडं गुंडांची फौज आहे. तुम्हाला वाटत असेल आमदार आणि मंत्री एक होऊन याला दाखवू. पण तुम्ही आमचं वाकडंच करू शकत नाही, अशी जहरी टीकाही त्यांनी केली.

सात पिढ्या राजकारणात असल्या तरी मी जरांगे आहे, उखडून टाकू; विखे पाटलांना जरांगेंचा थेट इशारा

हे आजूबाजूच्या लोकांचं ऐकून वागतात आसा आरोप उद्योग मंत्री उदय सामंत यांनी केला होता. त्यावरही त्यांनी पलटवार केला. तुमच्या आजूबाजूला कोण, आमच्या आजूबाजूला कोण हे आरोप आधीही झाले आहेत. आतापर्यंत आम्ही चांगले होतो का? प्रसाद लाड आणि उदय सामंत यांना आतापर्यंत सर्व चांगले वाटत होते का? आमच्यासोबत चहा पिताना चांगलं वाटत होतं का? मराठ्यांना संपवायचं, ही तुमची भूमिका आहे. संभाजीनगरला येऊन तुम्ही षडयंत्र करत आहात. तुम्हाला आमचं आंदोलन मोडीत काढायचं आहे. तुम्ही हरला आहात. तुम्ही नाकर्तेपणा करत आहात. फडणवीसांना मराठ्यांना आरक्षण द्यायचं नाही हे तुम्ही सांगितलं पाहिजे. तुम्ही सपशेल हरला आहात, असं जरांगे म्हणाले.

जरांगे पाटील यांनी देसाई यांना घेरलं. तुम्हाला रुचलं नसेल. मराठा समाजाला रुचलं आहे. तुमच्या अंगाला लागलेल्या वळाची किंमत आम्हाला होती. एकनाथ शिंदेंना नव्हती आणि कुणालाही नव्हती. तुम्ही मराठ्यांचा वाटोळं केलं आहे. एकनाथ शिंदेंवर टीका करायची नाही म्हणता, मग शिरसाटांकडून शिंदेंनी मराठ्यांची प्रमाणपत्रे रद्द करून घेतली, तेव्हा कुठं गेला होता तुम्ही? आता जास्त दिवस चालणरा नाही. तुमचे दिवस भरत आले आहेत, असा इशाराही त्यांनी दिला आहे. त्याचवेळी आपली भाषणा बदलणार नाही असंही जरांगे यावेळी म्हणाले.

संबंधित बातम्या