Government Schemes : सागरी मत्स्य व्यवसाय 6 महिन्याचे प्रशिक्षण योजनेचा लाभ कोणाला अन् कसा घेता येईल?

Government Schemes : नौकांचे यांत्रिकीकरणाद्वारे प्रगत मच्छिमारी तंत्राचा (Fishing techniques)अवलंब करून सागरी मत्स्योत्पादन (Marine Fisheries)कसे वाढवावे? याचे मच्छिमार युवकांना सर्वांगिण प्रशिक्षण देण्याच्या उद्देशाने महाराष्ट्र शासनाने सातपाटी व वसई (ठाणे), वर्सोवा (मुंबई)(Mumbai), आलिबाग (रायगड), रत्नागिरी (रत्नागिरी) व मालवण (सिंधुदूर्ग) येथे मत्स्यव्यवसाय प्रशिक्षण केंद्रे स्थापन केली आहेत. या केंन्द्रात सागरी मत्सव्यवसाय नौकानयन, सागरी मासेमारी पध्दती, नौका इंजिनाची देखभाल व परिरक्षण आदीचे प्रशिक्षण देण्यात येते.

मोठी बातमी : पुढील आदेशापर्यंत NEET UG समुपदेशन पोस्टपोन; SC च्या निकालानंतर निर्णय

योजनेच्या प्रमुख अटी :
– प्रशिक्षणार्थी क्रियाशील मच्छिमार असावा.
– प्रशिक्षणार्थीस मासेमारीचा किमान वर्षाचा अनुभव असावा.
– प्रशिक्षणार्थी १८ ते ३५ वयोगटातील असावा.
– प्रशिक्षणार्थीने शाळा सोडल्याचा दाखला सादर करणे आवश्यक.
– प्रशिक्षणार्थी किमान ४ थी पास असावा व लिहिता वाचता येणे आवश्यक.
– प्रशिक्षणार्थीस पोहता येणे आवश्यक.
– प्रशिक्षणार्थीस मच्छिमार सहकारी संस्थेची शिफारस आवश्यक.

विश्व विजेता टीम इंडिया भिडणार झिम्बाब्वेशी, जाणून घ्या कधी आणि कुठे पाहता येणार सामना

आवश्यक कागदपत्रे : पात्रतेसंदर्भातील कागदपत्रे.

लाभाचे स्वरूप असे :
– प्रशिक्षण कालावधी – ६ महिने.
– प्रशिक्षण सत्रे – २ सत्रे (१ जानेवारी ते ३० जून व १ जुलै ते ३१ डिसेंबर).
– प्रशिक्षणार्थी क्षमता – २२ प्रशिक्षणार्थी प्रति सत्र प्रशिक्षणार्थी

प्रशिक्षणार्थी शुल्क– दारिद्र्य रेषेखालील प्रशिक्षणार्थीस दरमहा १०० रुपये /-
दारिद्रय रेषेवरील प्रशिक्षणार्थीस दरमहा ४५० रुपये /-

या ठिकाणी संपर्क साधावा : संबंधित जिल्ह्याचे सहाय्यक आयुक्त, मत्स्यव्यवसाय.

(टीप : वरील योजनेच्या नियमात किंवा आणखी काही बाबींमध्ये बदल असू शकतात. वाचकांच्या माहितीकरिता सदर माहिती संकलित करण्यात आली आहे. तरी काही त्रुटी वाटल्यास वाचकांनी पुनश्च एकवार खात्री करून घ्यावी.)

संबंधित बातम्या