भाजप शिवसेनेचा युतीबाबत मोठा निर्णय, निवडणूक जाहीर होताच फडणवीसांची घोषणा

महायुती आणि महाविकास आघाडी या दोन्ही बाजूने महत्चाचे तीन पक्ष आहेत. दरम्यान, महायुतीबाबत मुख्यमंत्री फडणवीस यांनी मोठी घोषणा केली आहे.

राज्यातील महानगरपालिका निवडणुका आज जाहीर झाल्या आहेत. (Election) आजपासून निवडणूक रणधुमाळी सुरू झाली आहे. दरम्यान, तीन पक्षांमध्ये कोण कुणाबरोबर असणार अशी मोठी चर्चा राज्यात रंगलेली आहे. महायुती आणि महाविकास आघाडी या दोन्ही बाजूने महत्चाचे तीन पक्ष आहेत. दरम्यान, महायुतीबाबत मुख्यमंत्री फडणवीस यांनी मोठी घोषणा केली आहे.

राज्यामध्ये महायुती विरुद्ध महाविकास आघाडी अशी लढत विधानसभेला झाली असली, तरी महापालिका निवडणुकीवर स्थानिक पातळीवर लढती होणार आहेत. मुख्यमंत्री देवेंद्र फडणवीस यांनी स्पष्टपणे याबाबत सुतोवाच केले आहेत. पुणे आणि पिंपरी चिंचवडमध्ये थेट भाजप आणि राष्ट्रवादी विरोधात सामना होणार असल्याचे मुख्यमंत्र्यांनी स्पष्ट केलं. या ठिकाणी जर भाजप आणि राष्ट्रवादी एकत्र लढण्यास विरोधकांचा फायदा होईल, या दृष्टिकोनातून हा निर्णय घेतल्याचं फडणवीस यांनी म्हटलं आहे.

ब्रेकिंग : राज्यात पालिका निवडणुकांचं बिगुल वाजलं; 15 जानेवारीला मतदान 16 जानेवारीला मतमोजणी

तर, दुसरीकडं उपमुख्यमंत्री शिंदे यांचा बालेकिल्ला असलेल्या ठाण्यामध्ये तसेच अत्यंत महत्त्वाची असलेल्या मुंबई महानगरपालिकेमध्ये महायुती म्हणून निवडणूक लढवणार असल्याचे फडणवीस यांनी स्पष्ट केलं. मुंबईमध्ये दोन्ही ठाकरे बंधू एकत्र आले किंवा त्यांना काँग्रेसने साथ दिली तरीही महायुतीला मुंबईकर साथ देतील असा विश्वास फडणवीस यांनी व्यक्त केला.

जवळपास सर्वच महानगरपालिकांमध्ये शिवसेना आणि भाजप एकत्रित निवडणूक लढवेल असंही फडणवीस यांनी म्हटलं आहे. त्यामुळे नगरपालिका आणि नगरपरिषद निवडणुकीमध्ये दोन्ही पक्ष एकमेकांसमोर आले होते. दोन्हीकडून जहरी टीका सुद्धा झाली होती. या पार्श्वभूमीवर आता दोन्ही पक्षांनी एकत्र येण्याचा निर्णय घेतला आहे, त्याचा काय परिणाम होतो हे पाहण महत्वाचं ठरणार आहे.

संबंधित बातम्या