live now

Maharashtra APMC Election Result LIVE updates : राज्याच्या कल कोणाकडे? कोण राखणार सत्ता

पुणे बाजार समितीवर भाजपच्या पॅनलची सत्ता

पुणे कृषी उत्पन्न बाजार समितीवर राष्ट्रवादी बंडखोर आणि भाजपच्या पॅनलची सत्ता

भाजपच्या अण्णासाहेब मगर शेतकरी विकास आघाडीला 18 पैकी 13 जागा मिळाल्या आहेत तर 2 जागांवर राष्ट्रवादी पुरस्कृत अण्णासाहेब मगर सहकार पॅनल विजयी झाले आहेत. याशिवाय  3 जागावर अपक्ष उमेदवार विजयी झाले आहेत.

अशोक चव्हाणांनी गड राखला, भोकरमध्ये काँग्रेसची सत्ता कायम

माजी मुख्यमंत्री अशोक चव्हाणांनी आपला गड राखला आहे. भोकर कृषी उत्पन्न बाजार समितीत काँग्रेसची सत्ता कायम आहे.

१८ पैकी १५ जागांवर काँग्रेस-राष्ट्रवादी विजयी झाली आहे, त्यामध्ये काँग्रेस १३ तर २ जागांवर राष्ट्रवादी विजयी

अशोक चव्हाण गटाच्या विजयामुळे खासदार प्रताप पाटील चिखलीकर यांना धक्का बसला आहे. महाराष्ट्रात प्रवेश करायला तयारी करत असलेली बीआरएसला देखील काहीही यश आलं नाही.

उस्मानाबाद कृषी उत्पन्न बाजार समितीवर भाजपाचे वर्चस्व कायम

धाराशिव जिल्ह्यातील जिल्हा ठिकाणची प्रमुख अशी बाजार समिती भाजपा आमदार राणाजगजितसिंह पाटील यांच्या ताब्यात होती. या निवडणुकीत पक्षांतरानंतर आपलं वर्चस्व कायम राखण्यात आमदार राणा पाटील यांना यश मिळाले आहे.

आमदार राणा पाटील व शिवसेना उद्धव ठाकरे गटाचे खासदार ओमराजे निंबाळकर, आमदार कैलास घाडगे पाटील यांची प्रतिष्ठा पणाला लागली होती. महायुतीने १८ पैकी १७ जागा जिंकत राणा पाटील यांनी वर्चस्व कायम ठेवले, तर महाविकास आघाडीला व्यापारी मतदारसंघाची १ जागा मिळाली.

आमदार राजळे गटाचे १८ पैकी १५ जागेवर वर्चस्व

पाथर्डी कृषी उत्पन्न बाजार समिती मतमोजणी निकाल अपडेट

आमदार मोनिका राजळे गटाचे १८ पैकी १५ जागेवर वर्चस्व

गंगाखेड बाजार समिती महाविकास आघाडीच्या ताब्यात

परभणी जिल्हातील गंगाखेड कृषी उत्पन्न बाजार समिती महाविकास आघाडीच्या ताब्यात गेली आहे. राष्ट्रवादी काँग्रेसचे माजी आमदार डॉक्टर मधुसूदन केंद्रे यांच्या नेतृत्वाखालील पॅनलने जिंकल्या 18 पैकी 11 जागा जिंकल्या आहेत.

भाजपा आमदार रत्नाकर गुट्टे यांच्या पॅनलचा मधुसूदन केंद्रे यांच्या नेतृत्वाखालील पॅनलने पराभव केला आहे.

सांगलीमध्ये महाविकास आघाडीची सत्ता; जयंत पाटलांनी गड राखला

राजकीय दृष्ट्या महत्वाची असलेल्या सांगली कृषी उत्पन्न बाजार समितीमध्ये महाविकास आघाडीची सत्ता राखण्यात यश आलं आहे. एकूण १८ पैकी १७ जागांवर महाआघाडीच्या उमेदवारांचा विजयी झाला असून एका जागेवर अपक्ष उमेदवार विजयी झाला आहे.

पण सांगलीमध्ये भाजपला मोठा धक्का बसला आहे. सांगली निवडणुकीत मंत्री सुरेश खाडे, खासदार संजयकाका पाटील, माजी आमदार विलासराव जगताप यांची लागली होती प्रतिष्ठा पणाला लागली होती. पण त्यांना यात यश आलं नाही.

राष्ट्रवादी काँग्रेस प्रदेशाध्यक्ष जयंत पाटील, विश्वजीत कदम, अजित घोरपडे यांच्या नेतृत्वाखाली महाविकास आघाडीने दणदणीत विजय मिळवला आहे.

हवेली बाजार समितीत चुरस आणखी शिगेला

पुणे जिल्ह्याचे लक्ष लागून असलेल्या हवेली बाजार समितीच्या निवडणुकीत ग्रामपंचायत गटात धक्कादायक निकाल लागला आहे. सुरुवातीच्या निकालात ग्रामपंचायत गटातील चारपैकी दोन गटात भाजपने तर दोन गटामध्ये राष्ट्रवादी काँग्रेसने बाजी मारली आहे.

ग्रामपंचायत गटातून सर्वपक्षीय अण्णासाहेब मगर शेतकरी विकास आघाडी पॅनेलमधील सुदर्शन जयप्रकाश चौधरी व रवींद्र नारायणरावर कंद या दोघांनी बाजी मारली आहे. याच गटामध्ये राष्ट्रवादी काँग्रेसचे अण्णासाहेब मगर सहकार पॅनेलचे रामकृष्ण हेमचंद्र सातव व आबासाहेब कोंडीबा आबनावे हे दोन उमेदावर विजयी झाले आहेत.

Maharashtra APMC Election Result LIVE updates : राज्याच्या कल कोणाकडे? कोण राखणार सत्ता

बारामती राष्ट्रवादीकडेच

नुकत्याच आलेल्या निकालानुसार बारामतीचा गड राष्ट्रवादीने राखला आहे. सध्या चालू असलेल्या मतमोजणीनुसार राष्ट्रवादीचे १८ उमेदवार आघाडीवर आहेत. त्यामुळे सर्वच जागा जिंकत राष्ट्रवादीने भाजपला धक्का दिला आहे.

Maharashtra APMC Election Result LIVE updates : राज्याच्या कल कोणाकडे? कोण राखणार सत्ता

पारनेरमध्ये Sujay Vikhe गटाचा धुव्वा, लंके-औटी गटाने मारली बाजी

पारनेर मध्ये १८ पैकी १५ जागा महाविकास आघाडीला मिळाल्या आहेत. त्यामुळे या बाजार समितीवर महाविकास आघाडीची सत्ता आली आहे. तीन जागांची मतमोजणी सुरू असून, त्या ठिकाणी महाविकास आघाडीचे उमेदवार आघाडीवर आहेत.

पारनेरमध्ये Sujay Vikhe गटाचा धुव्वा, लंके-औटी गटाने सर्व जागा जिंकल्या

नगर कृषी उत्पन्न बाजार समिती : अठरा जागांपैकी बारा जागा कर्डिले गटाने जिंकल्या

नगर कृषी उत्पन्न बाजार समिती पुन्हा एकदा जिल्हा बँकेचे अध्यक्ष शिवाजी कर्डिले (shivaji kardile) यांच्या ताब्यात आली आहे. चौथ्यांदा कर्डिले गटाची सत्ता या बाजार समितीमध्ये आलेली आहे. आतापर्यंत झालेल्या मतमोजणीत अठरा जागांपैकी बारा जागा कर्डिले गटाने जिंकल्या आहेत. उर्वरित सहा जागांवर मतमोजणी सुरू आहे.

Shivaji Kardile यांनी मैदान मारले ! आमदार तनपुरे, लंके, गाडे ‘चितपट’

वडवणीत मविआची एकहाती सत्ता, पंकजा मुंडेंना धक्का

वडवणी कृषी उत्पन्न बाजार समिती निवडणुकीत आमदार प्रकाश दादा सोळंके यांच्या नेतृत्वात राष्ट्रवादी कॉंग्रेस व महाविकास आघाडीचे सर्व 18 सदस्य विजयी झाले.

या निवडणुकीमध्ये पंकज मुंडेना मोठा पराभव स्विकारावा लागला. कारण, भाजप प्रणित विरोधी पॅनलला इथे एकही जागा जिंकता आली नाही. महाविकास आघाडी (Mahavikas Aghadi) विरुध्द भाजपच्या (BJP) पॅनलमध्ये इथे थेट लढत होती.

18 पैकी 18 उमदेवार विजयी, वडवणीत मविआची एकहाती सत्ता, पंकजा मुंडेंना धक्का

अकोला बाजार समितीवर सर्वपक्षीय सहकार आघाडीची सत्ता

कोला बाजार समितीचा निकाल हाती आला आहे. यामध्ये काँग्रेस, राष्ट्रवादी, ठाकरे गट आणि भाजपप्रणीत सहकार आघाडीची सत्ता आली आहे. सर्व १८ जागांवर एकतर्फी विजय मिळाला असून वंचित समर्थित पॅनलला पराभवाचा धक्का बसला आहे.

Maharashtra APMC Election Result LIVE updates : राज्याच्या कल कोणाकडे? कोण राखणार सत्ता

छत्रपती संभाजीनगर बाजार समितीत भाजप-शिंदे गटाच्या ताब्यात

छत्रपती संभाजीनगर बाजार समितीच्या एकूण 15 पैकी 11 जागा भाजप-शिंदे गटाने जिंकल्या आहेत. तर महाविकास आघाडीला फक्त 4 जागांवर विजय मिळवता आला आहे.

सविस्तर बातमीसाठी

APMC Election छत्रपती संभाजीनगर बाजार समितीत भाजप-शिंदे गटाच्या ताब्यात, महाविकास आघाडीला धक्का

छत्रपती संभाजीनगर बाजार समिती भाजप- शिंदे गटाच्या ताब्यात

छत्रपती संभाजीनगर बाजार समिती भाजप- शिंदे गटाच्या ताब्यात

18 पैकी 11 सदस्य भाजप-शिवसेनेचे विजयी

अंबाजोगाई बाजार समितीवर धनंजय मुंडे यांचे वर्चस्व

अंबाजोगाई बाजार समितीवर धनंजय मुंडे यांचे वर्चस्व

अंबाजोगाई कृषी उत्पन्न बाजार समितीच्या १८ पैकी १५ जागावर महाविकास आघाडीचे उमेदवार विजय

भाजपला फक्त ३ जागा जिंकता आल्या आहेत.

अंबाजोगाई हे परळी आणि केज विधानसभा मतदारसंघ अंतर्गत संयुक्त आहे

श्रीगोंद्यात जगताप गटाला आतापर्यंत पाच जागा

श्रीगोंद्यात राष्ट्रवादी काँग्रेसचे माजी आमदार राहुल जगताप गटाला आतापर्यंत पाच जागा

काँग्रेस जिल्हाध्यक्ष राजेंद्र नागवडे-भाजपचे आमदार बबनराव पाचपुते गटाचे खातेही उघडले नाही.

विखे थोरातांच्या लढतीत अपक्षांची बाजी

नगर जिल्हातील मात्तबर नेते असलेल्या विखे थोरातांच्या लढतीत अपक्ष उमेद्वारांनी बाजी मारली आहे.

संगमनेर कृषी बाजार समितीत अपक्षाने बाजी मारत दोन्ही पॅनलच्या उमेदवारांचा केला पराभव केला आहे.

हमाल मापाडी संघात अपक्ष उमेदवार विजयी सचिन कर्पे यांनी विजय मिळवला आहे. 147 पैकी 90 मते घेत मिळवला विजय. पण निवडून आल्यानंतर महाविकासआघाडीला पाठिंबा दिला आहे.

कर्जतमध्ये राम शिंदे व आमदार रोहित पवार यांच्यात अटीतटीची लढत

कर्जतमध्ये आमदार राम शिंदे व आमदार रोहित पवार यांच्यात गटात अटीतटीची लढत.

एक जागा भाजपला, दोन जागा काँग्रेस-राष्ट्रवादीला

Latur APMC Election मध्ये देशमुखांचा बोलबाला

लातूर कृषी उत्पन्न बाजार समितीमध्ये देशमुखंचा बोलबाला आहे. कॉंग्रेसच्या कृषी विकास पॅनलचे सर्व 18 उमेदवार मोठ्या मताधिक्याने विजयी झाले. याठिकाणी विलासराव देशमुखांचे चिरंजीव देशमुख बंधू आणि भाजपचे संभाजी पाटील निलंगेकर यांच्यात चुरशीची लढत झाली.

मात्र या लढतीमध्ये कॉंग्रेसचा आणि देशमुख बंधुंचा बोलबाला राहिल्याचं पाहायाला मिळालं. तर भाजपला मात्र दारूण पराभवाला सामेर जावं लागलं आहे. कारण कॉंग्रेसच्या कृषी विकास पॅनलचे सर्व 18 उमेदवार मोठ्या मताधिक्याने विजयी झाले. तर भाजपच्या पॅनलचे सर्वचे सर्व 18 उमेदवार पराभूत झाले आहेत.

Latur APMC Election मध्ये देशमुखांचा बोलबाला, भाजपचा पत्ता झाला कट

पारनेर कृषी उत्पन्न बाजार समितीमध्ये महाविकास आघाडीच्या बाजूने कौल.

पारनेर कृषी उत्पन्न बाजार समितीमध्ये महाविकास आघाडीच्या बाजूने कौल.

आमदार निलेश लंके व माजी आमदार विजय औटी गटाला आतापर्यंत सात जागा

खासदार सुजय विखे गटाने खातेही उघडले नाही.

संगमनेर कृषी बाजार समितीत पहिल्या फेरीत कॉग्रेस नेते बाळासाहेब थोरातांच्या पॅनलची आघाडी

संगमनेर कृषी बाजार समितीत पहिल्या फेरीत कॉग्रेस नेते बाळासाहेब थोरातांच्या पॅनलची आघाडी

18 पैकी 4 जागांचा निकाल जाहीर

4 ही जागा महाविकास आघाडीला मिळाल्या

भूम बाजार समितीमध्ये तानाजी सावंत यांच्या पॅनलची आघाडी

धाराशिव जिल्ह्यातील भूम बाजार समितीत 18 पैकी 11 जागेवर मंत्री तानाजी सावंत यांच्या पॅनलचे उमेदवार विजयी

नगर बाजार समिती : ग्रामपंचायत २ जागांवर भाजपचा विजय जवळपास निश्चित

ग्रामपंचायत २ जागांवर भाजपचा विजय जवळपास निश्चित
हरिभाऊ कर्डिले व भाऊसाहेब विजयी

हरिभाऊ कर्डिले- ५४४
भाऊसाहेब बोठे-५३६
अंकुश शेळके -४५७

भोरमध्ये आमदार संग्राम थोपटेंनी गड राखला

पुणे जिल्हातील भोर कृषी उत्पन्न बाजार निकाल हाती आला आहे. या बाजार समितीवर पुन्हा एकदा काँग्रेसचा झेंडा फडकला आहे.

काँग्रेस आमदार संग्राम थोपटे यांनी आपला गड राखला आहे. भोरमध्ये काँग्रेस विरुद्ध भाजप, राष्ट्रवादी, शिवसेना पक्ष एकत्र लढूनही काँग्रेसचं वरचढ ठरली आहे.

पाथर्डीमध्ये आमदार राजळे गटाच्या सात उमेदवार आघाडीवर

पाथर्डी बाजार समितीमध्ये आमदार मोनिका राजळे गटाचे सात उमेदवार आघाडीवर आहेत.

नगर बाजार समितीमध्ये जिल्हा बँकेचे अध्यक्ष शिवाजी कर्डिले गटाने खाते उघडले आहे. या ठिकाणी कर्डिले गटाने दोन जागा जिंकल्या आहेत. इतर जागांवर उमेदवार आघाडीवर आहे. या ठिकाणी महाविकास आघाडीला झटका मानला जात आहे.

कर्जत बाजार समितीमध्ये आमदार राम शिंदे व आमदार रोहित पवार यांच्या गटात जोरदार चुरस दिसून येत आहे.

नगरमध्ये तीन ठिकाणी भाजप, संगमनेरमध्ये थोरात गट आघाडीवर

पाथर्डी, नगर, कर्जत बाजार समितीमध्ये भाजपचा गट आघाडीवर आहेत. तर संगमनेर कृषी उत्पन्न बाजार समिती पुन्हा बाळासाहेब थोरात राखतील असा कल आहे. थोरात गटाने चार जागा जिंकल्या आहेत. महसूलमंत्री राधाकृष्ण विखे यांनी अद्याप येथे खातेही उघडलेले नाही.

दोन ठिकाणी भाजप, संगमनेरमध्ये थोरात गट आघाडीवर

तिवसा बाजार समितीत काँग्रेस-ठाकरे गटाची सत्ता

अमरावती जिल्ह्यातील तिवसा कृषी उत्पन्न बाजार समितीचा समावेश आहे. तेथे काँग्रेस आघाडीच्या मंडळाने एकहाती सत्ता मिळवली आहे. येथे पुन्हा एकदा माजी मंत्री व आमदार यशोमती ठाकूर यांचे सर्वस्व कायम असल्याचे पाहायला मिळाले.

राष्ट्रवादीत खरंच भाकरी फिरली का?