Lok Sabha Election Results: सिंधुदुर्गमध्ये नारायण राणे 12 हजार मतांनी पुढे, विनायक राऊतांची पिछाडी कायम
- Written By: Digambar Jadhav Published:
Ratnagiri Sindhudurg Lok Sabha Election Results 2024: महाराष्ट्रातील रत्नागिरी सिंधुदुर्ग लोकसभा मतदारसंघ चर्चेत आहे. कारण भाजपने येथून केंद्रीय मंत्री आणि राज्याचे माजी मुख्यमंत्री नारायण राणे (Narayan Rane) यांना उमेदवारी दिली आहे. राणे यांचा सामना उद्धव ठाकरे यांच्या नेतृत्वाखालील शिवसेनेचे (यूबीटी) उमेदवार विनायक राऊत (Vinayak Raut) यांच्याशी झाली आहे. सध्या सिंधुदुर्गमध्ये भाजपचे नारायण राणे 12 हजार मतांनी आघाडीवर आहेत. राणे आणि विनायक राऊत यांना 1,35,721 मते पडले आहेत. दोघांच सध्या काटे की टक्कर पाहायला मिळत आहे.
विनायक राऊत 2014 पासून सातत्याने येथून खासदार आहेत आणि तिसऱ्यांदा विजयाची हॅट्ट्रिक करण्यासाठी ते इच्छुक आहेत. ही जागा नारायण राणेंमुळे चर्चेत आहे. राऊत यांनी 2019 च्या लोकसभा निवडणुकीत महाराष्ट्र स्वाभिमान पक्षाचे उमेदवार नीलेश नारायण राणे यांचा पराभव केला होता, जे नारायण राणे यांचे पुत्र आहेत. निलेश राणे हे 2009 ते 2014 पर्यंत काँग्रेसचे खासदार होते. 2008 पूर्वी ही लोकसभा जागा राजापूर लोकसभा मतदारसंघांतर्गत येत होती. या लोकसभा मतदारसंघांतर्गत विधानसभेच्या 6 जागा असून त्यात चिपळूण, रत्नागिरी, राजापूर, कुडाळ, सावंतवाडी आणि कणकवली यांचा समावेश आहे.
2008 च्या पूर्वी रत्नागिरी-सिंधुदुर्ग लोकसभा मतदारसंघ राजापूर लोकसभा मतदारसंघांतर्गत येत होता. शिवसेनेचे सुरेश प्रभू हे राजापूर लोकसभा मतदारसंघातून चार वेळा विजयी झाले होते, तर प्रसिद्ध समाजवादी नेते मधु दंडवते पाचवेळा विजयी होऊन लोकसभेत पोहोचले होते. लोकसभा निवडणुकीच्या तिसऱ्या टप्प्यात 7 मे रोजी येथे मतदान झाले होते. रत्नागिरी-सिंधुदुर्ग मतदारसंघात 53.75 टक्के मतदारांनी मतदानाचा हक्क बजावला.
Tags
संबंधित बातम्या
राऊत की जयंत पाटील? शरद पवार, काँग्रेसचं नक्की पण, ठाकरेंचे पत्ते बंद; विधानपरिषदेत डाव कुणाचा?
