..तर मला ते आठवत नाही; डॉक्टर तरुणीच्या फोन कॉलबाबत रणजीतसिंह निंबाळकरांनी काय दिल स्पष्टीकरण?

मृत डॉक्टर तरुणीने सुसाईड नोटमध्ये जो खुलासा केला आहे, त्यामध्ये खासदार महोदयांचा फोन आला, अशी माहिती आहे.

माजी खासदार रणजीतसिंह नाईक निंबाळकर यांच्याशी फलटण (Nimbalkar) उपजिल्हा रुग्णालयातील डॉक्टर तरुणीच्या आत्महत्या प्रकरणाचं कनेक्शन जोडलं जात आहे. त्यावर आता स्वत: रणजितसिंह नाईक निंबाळकर यांनी स्पष्टीकरण दिलं आहे.

मृत डॉक्टर तरुणीने सुसाईड नोटमध्ये जो खुलासा केला आहे, त्यामध्ये खासदार महोदयांचा फोन आला, अशी माहिती आहे. दैनंदिन जीवनात मी अनेकांना फोन करतो. पण महिला डॉक्टरने तिच्या चॅटमध्ये असं कुठंही म्हटलेलं नाही की, खासदारांनी मला दम दिला, रणजितसिंह नाईक निंबाळकरांनी दम दिला किंवा खासदारांच्या पीएने दम दिला. खासदारांनी केवळ माहिती घेतली एवढंच या तरुणीने आपल्या पत्रात म्हटले आहे. मात्र, काही लोकांनी अफवा पसरवल्या असं निंबळकर म्हणाले आहेत.

त्याचबरोबर उद्या फलटणमध्ये देवेंद्र फडणवीस यांचा कार्यक्रम आहे. आम्ही कृतज्ञता सोहळा आयोजित केला आहे. डॉक्टर महिलेने आत्महत्येपूर्वी तिच्या आत्महत्येसाठी कोण दोषी होतं आणि काय घडलं हे सगळं पत्रात नमूद केलं होतं.फलटणमध्ये काहीही झालं तरी आमचं नाव बदनाम केलं जाते. मात्र, पत्रात नसलेल्या गोष्टींचा संबंध राजकारण करणे फलटणला नवीन नाही, असंही रणजीतसिंह नाईक निंबाळकर यांनी म्हटलं आहे.

Phaltan Case : खासदार असो किंवा दबाव टाकणारे त्यांचे पीए सर्वांना… फलटण प्रकरणात धसांची एन्ट्री

मी कधीही त्या मुलीला फोन केला नाही. त्यासाठीच मी काल सीडीआर तपासण्याची मागणी केली. मृत डॉक्टर महिलेने स्वत:दोन आरोपींची नाव घेतली आहेत. मी दररोज तालुक्यातील सगळ्या अधिकाऱ्यांशी बोलत असतो. पण त्या मुलीशी बोलल्याचं मला आठवत नाही. दिवसभरात अनेकांशी वेगवेगळ्या विषयांवर बोलत असल्याने कधी डॉक्टर महिलेशी फोन झाला असेल तर मला आठवत नाही. पण तरुणीने म्हटल्याप्रमाणे, खासदारांनी तिला पोलिसांची तुमच्याविषयी तक्रार आहे का? असे विचारले जरी असेल तर यामध्ये गैर काय आहे? पण मला असा कोणताही फोन झाल्याचे आठवत नाही असंही ते म्हणाले.

तरुणीने आपल्या पत्रात स्पष्ट म्हटलं आहे की, खासदारांनी मला विचारलं आणि मी माहिती दिली. मात्र, विरोधकांनी माझ्या पीए आणि मी मुलीला दम दिला, असा गैरप्रचार केला. उद्या फलटणमध्ये होणाऱ्या देवेंद्र फडणवीस यांच्या कार्यक्रमाला गालबोट लावण्याचा हा प्रकार आहे. मुलीचे कुटुंबीय म्हणतात की, कोणीतरी हिरवे नावाचा पीए होता. पण माझ्याकडे कधीच हिरवे नावाचा व्यक्ती स्वीय सहाय्यक म्हणून नव्हता. किंबहुना फलटण तालुक्यात हिरवे नावाचा व्यक्तीच नाही, असं रणजितसिंह नाईक निंबाळकर यांनी सांगितलं आहे.

संबंधित बातम्या