Ratan Tata LIVE : उद्योग’रत्न’ टाटा अनंतात विलीन; पोलिसांची मानवंदना, दिग्गजांच्या उपस्थितीत अंत्यसंस्कार
-
- Written By: Mukund Bhalerao Published:
Ratan Tata Death Live Updates : उद्योगरत्न रतन टाटा (Ratan Tata ) यांचं दीर्घ आजाराने काल निधन झालं. मुंबईतील वरळीमधील शासकीय इतमामात त्यांच्या पार्थिवावर अंत्यसंस्कार करण्यात आले आहेत. यावेळी केंद्रीय मंत्री अमित शाह, राज्याचे मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस, मंत्री रामदास आठवले, मंत्री उदय सामंत, पियुष गोयल, मंगलप्रभात लोढा उपस्थित होते. तर देशभरातील विविध राज्यांच्या मुख्यमंत्र्यांसह विविध क्षेत्रातील दिग्गजांनी हजेरी लावली होती. राजकीय क्षेत्रासह बॉलिवूड क्षेत्रातील दिग्गज कलाकारांनीही हजेरी लावली होती.
#WATCH | Last rites of veteran industrialist Ratan Tata, being performed with state honour at Worli crematorium in Mumbai pic.twitter.com/08G7gnahyS
— ANI (@ANI) October 10, 2024
टाटा मोठ्या मनाचे व्यक्तिमत्व – फडणवीस
रतन टाटा हे केवळ यशस्वी उद्योजक नव्हते तर ते मोठ्या मनाचे व्यक्ती होते, या शब्दांत उपमुख्यमंत्री देवेंद्र फडणवीस यांनी उद्योगरत्न रतन टाटा यांना श्रद्धांजली अर्पण केलीयं. दरम्यान, दीर्घ आजाराने रतन टाटा यांचे काल निधन झालं. मुंबईतील वरळीत आज त्यांच्या पार्थिवावर अंत्यसंस्कार पार पडत आहेत. या अंत्यसंस्कार विधीसाठी केंद्रीय मंत्री अमित शाह यांच्यासह राज्याचे दिग्गज नेते उपस्थित आहेत. यावेळी बोलताना फडणवीस म्हणाले, रतन टाटा हे केवळ यशस्वी उद्योजक नव्हते तर ते मोठ्या मनाचा व्यक्ती होता.
कळशीचा छावा अन् साखरगावची सुंदरी; ‘कलर्स मराठी’वर पाहायला मिळणार रांगडी प्रेमकहानी
भारताचा कोहिनूर हरपला – मुख्यमंत्री शिंदे
मुख्यमंत्री एकनाथ शिंदे यांनी रतन टाटा यांचा उल्लेख ‘भारताचा कोहिनूर हरपला’ या शब्दांत केलायं. शिंदे म्हणाले, रतन टाटांची बातमी ऐकून वेदना झाल्या, ही दुखद घटना आणि मनाला चटका देणारी आहे, एक अनमोल दुर्मिळ रत्न हरपलं असून भारताचा कोहिनूर हरपला असं म्हटलं तरी वावगं ठरणार नसल्याचं मुख्यमंत्री एकनाथ शिंदे यांनी म्हटलंय.
‘रतन टाटा उद्योगरत्न’ पुरस्काराची घोषणा..
उद्योगपती रतन टाटा यांच्या निधनानंतर राज्य सरकारने उद्योग रत्न पुरस्काराबद्दल मोठा निर्णय घेतला असून, येथून पुढे राज्य सरकारतर्फे देण्यात येणारा उद्योग रत्न पुरस्कार ‘रतन टाटा उद्योग रत्न पुरस्कार’ पुरस्कार म्हणून दिला जाणार आहे, अशी माहिती उद्योग मंत्री उदय सामंत यांनी दिली आहे.
टाटांना मरणोत्तर भारतरत्न द्या – राज ठाकरे
भारतातील उद्योग क्षेत्रातील उद्योगरत्न रतन टाटा यांच्या निधनानंतर किमान त्यांना मरणोत्तर ‘भारतरत्न’ घोषित व्हायला हवा, अशी मागणी मनसे अध्यक्ष राज ठाकरे यांनी पंतप्रधान मोदींकडे केलीयं. यासंदर्भात राज ठाकरे यांनी एक्सवर पोस्ट शेअर केलीयं.
LIVE NEWS & UPDATES
-
Ratan Tata : यशस्वी उद्योजक नाही तर मोठ्या मनाचा माणूस; देवेंद्र फडणवीसांकडून श्रद्धांजली
Ratan Tata : रतन टाटा (Ratan Tata) हे केवळ यशस्वी उद्योजक नव्हते तर ते मोठ्या मनाचे व्यक्ती होते, या शब्दांत उपमुख्यमंत्री देवेंद्र फडणवीस (Devendra Fadanavis) यांनी उद्योगरत्न रतन टाटा यांना श्रद्धांजली अर्पण केलीयं. दरम्यान, दीर्घ आजाराने रतन टाटा यांचे काल निधन झालं. मुंबईतील वरळीत आज त्यांच्या पार्थिवावर अंत्यसंस्कार पार पडत आहेत. या अंत्यसंस्कार विधीसाठी केंद्रीय मंत्री अमित शाह यांच्यासह राज्याचे दिग्गज नेते उपस्थित आहेत. यावेळी बोलताना फडणवीस म्हणाले, रतन टाटा हे केवळ यशस्वी उद्योजक नव्हते तर ते मोठ्या मनाचा व्यक्ती होता. त्यांनी देशात उद्योग उभे केले सोबतच विश्वासार्हता उभी केली. टाटा हा ब्रॅंड रतन टाटांनी ग्लोबल केला. त्यांनी आपली संपत्ती टाटा ट्रस्टच्या विश्वस्तामध्ये ठेवली, त्यातून विविध क्षेत्रात समाजोपयोगी केलेलं काम पथदर्शी असल्याचं देवेंद्र फडणवीस म्हणाले आहेत.
-
Ratan Tata : भारताता कोहिनूर हरपला! मुख्यमंत्री एकनाथ शिंदे हळहळले...
Ratan Tata : भारतातील उद्योग क्षेत्रातील उद्योगरत्न रतन टाटा (Ratan Tata) यांचं दीर्घ आजाराने निधन झालं. मुंबईतील वरळीतील शासकीय इतमामात त्यांच्या पार्थिवावर अंत्यसंस्कार पार पडत आहेत. अंत्यसंस्कार विधीसाठी मुख्यमंत्री एकनाथ शिंदे यांच्यासह अनेक दिग्गज नेत्यांनी हजेरी लावली असून यावेळी बोलताना मुख्यमंत्री एकनाथ शिंदे (Eknath Shinde) यांनी रतन टाटा यांचा उल्लेख 'भारताचा कोहिनूर हरपला' या शब्दांत केलायं. शिंदे म्हणाले, रतन टाटांची बातमी ऐकून वेदना झाल्या, ही दुखद घटना आणि मनाला चटका देणारी आहे, एक अनमोल दुर्मिळ रत्न हरपलं असून भारताचा कोहिनूर हरपला असं म्हटलं तरी वावगं ठरणार नसल्याचं मुख्यमंत्री एकनाथ शिंदे यांनी म्हटलंय.
-
Ratan Tata : टाटांना अखेरचा निरोप देण्यासाठी लाडका 'गोवा' दाखल!
Ratan Tata : उद्योजक रतन टाटा (Ratan Tata) यांच्या पार्थिवावर मुंबईतील वरळीत इथल्या शासकीय इतमामात अंत्यसंस्कार पार पडत आहेत. रतन टाटा यांचा लाडका श्वान 'गोवा' देखील शासकीय इतमामात दाखल झाला आहे. यावेळी लाडका गोवाने रतन टाटा यांना अखेरचा निरोप दिलायं. अंत्यसंस्कारासाठी बॉलिवूड, राजकीय अशा विविध क्षेत्रातील दिग्गजांनी हजेरी लावलीयं. तर पोलिसांकडून रतन टाटा यांना मानवंदना देण्यात आलीयं.
रतन टाटांना अखेरचा निरोप देण्यासाठी लाडका 'गोवा'ही दाखल
#RatanTataPassedAway #RatanTata #Goa pic.twitter.com/dycPlbcAvT— Ankita Shantinath Khane (@KhaneAnkita) October 10, 2024
-
...किमान मरणोत्तर 'भारतरत्न' द्या; रतन टाटांसाठी राज ठाकरे भावनिक, मोदींना पत्र धाडलं
Ratan Tata : भारतातील उद्योग क्षेत्रातील उद्योगरत्न रतन टाटा (Ratan Tata) यांच्या निधनानंतर किमान त्यांना मरणोत्तर 'भारतरत्न' घोषित व्हायला हवा, अशी मागणी मनसे अध्यक्ष राज ठाकरे यांनी पंतप्रधान मोदींकडे केलीयं. यासंदर्भात राज ठाकरे यांनी एक्सवर पोस्ट शेअर केलीयं. मुंबईतील रुग्णालयात रतन टाटा यांनी काल अखेरचा श्वास घेतला. टाटा यांच्या पार्थिवावर आज वरळीतील शासकीय इतमामात अंत्यसंस्कार करण्यात येणार आहे. यावेळी राज्याचे मुख्यमंत्री एकनाथ शिंदे यांच्यासह देशातील विविध राज्यांचे मुख्यमंत्री आणि विविध क्षेत्रातील दिग्गज उपस्थित आहेत.
प्रति,
आदरणीय पंतप्रधान श्री. नरेंद्र मोदीजी,सस्नेह जय महाराष्ट्र,
ज्येष्ठ उद्योगपती आणि गेल्या ३ दशकांत भारतीय उद्योगजगताला आकार देणारे रतन टाटा यांचं निधन झालं. रतन टाटांना तुम्ही पण जवळून ओळखायचात, आणि त्यातून तुमच्याही लक्षात आलं असेल की, कुठल्याही मानसन्मानाची अपेक्षा… pic.twitter.com/R78wpWUnCm
— Raj Thackeray (@RajThackeray) October 10, 2024
-
Ratan Tata : टाटांच्या पार्थिवावर थोड्याच वेळात अंत्यसंस्कार, अमित शहा, शिंदे-फडणवीसांची हजेरी
Ratan Tata : उद्योगरत्न रतन टाटा (Ratan Tata ) यांचं दीर्घ आजाराने काल निधन झालं. त्यांच्या निधनानंतर राज्यात दुखवटा पाळला जात आहे. मुंबईतील वरळी येथील शासकीय इतमामात त्यांच्या पार्थिवावर थोड्याच वेळात अंत्यसंस्कार होणार आहेत. केंद्रीय मंत्री अमित शहा यांच्यासह मुख्यमंत्री एकनाथ शिंदे, उपमुख्यमंत्री देवेंद्र फडणवीस अंत्यसंस्कारासाठी उपस्थित आहेत. यावेळी देशभरातील विविध राज्यांच्या मुख्यमंत्र्यांसह विविध क्षेत्रातील दिग्गजांनी हजेरी लावली आहे. तर शासकीय इतमामात मोजक्याच व्यक्तींच्या उपस्थितीत रतन टाटा यांच्यावर अंत्यसंस्कार पार पडत आहे.
#WATCH मुंबई, महाराष्ट्र: केंद्रीय मंत्री रामदास अठावले दिग्गज उद्योगपति रतन टाटा के अंतिम संस्कार के लिए वर्ली श्मशान घाट पहुंचे। pic.twitter.com/K4O41K0SY6
— ANI_HindiNews (@AHindinews) October 10, 2024
-
अमिर खान, भूपेंद्र हुड्डा यांनी वाहिली श्रद्धांजली...
उद्योगरत्न रतन टाटा यांच्या निधनानंतर अभिनेता अमिर खानसह राजकीय क्षेत्रातील अनेक दिग्गज नेत्यांनी त्यांना श्रद्धांजली वाहिलीयं. यामध्ये हरियाणाचे माजी मुख्यमंत्री भुपेंद्र हुड्डा, आंध्र प्रदेशचे मुख्यमंत्री चंद्राबाबू नायडू यांनी रतन टाटा यांना श्रद्धांजली वाहिलीयं. तर भारताच्या औद्योगिक क्रांतीचे महानायक रतन टाटा यांचे निधन दुर्भाग्यपूर्ण असून भारतात उद्योगांचं निर्माण आणि लाखो बेरोजगारांना रोजगार टाटा परिवाराने दिला असल्याची भावना केंद्रीय मंत्री जी किशन रेड्डी यांनी व्यक्त केलीयं.
#WATCH अभिनेता आमिर खान और निर्देशक किरण राव ने मुंबई में रतन टाटा को अंतिम श्रद्धांजलि अर्पित की। pic.twitter.com/20KlKfUZFy
— ANI_HindiNews (@AHindinews) October 10, 2024
-
उद्धव ठाकरे, अदित्य ठाकरेंकडून रतन टाटांना श्रद्धांजली
शिवसेना (UBT) नेते उद्धव ठाकरे यांच्यासह आदित्य ठाकरे, अनिल देसाई आणि अरविंद सावंत यांनी मुंबईत रतन टाटा यांना अखेरची श्रद्धांजली वाहिली
#WATCH | Shiv Sena (UBT) leader Uddhav Thackeray along with Aadtiya Thackeray, Anil Desai and Arvind Sawant pays last tributes to Ratan Tata in Mumbai pic.twitter.com/tyznXnvfd0
— ANI (@ANI) October 10, 2024
-
उद्योगातील खरा 'रत्न'; भारताचा शेजारी राष्ट्रही हळहळला
नेपाळचे पंतप्रधान केपी शर्मा ओली यांनी रतन टाटा यांच्या निधनावर शोक व्यक्त केला आहे. त्यांनी रतन टाटा यांच्या दूरदृष्टीचे कौतुक केले आणि त्यांचा प्रभाव केवळ भारतापुरता मर्यादित नसून जगभरात पसरला असल्याचे सांगितले. त्यांचा वारसा आणि समाजावर त्यांचा सकारात्मक प्रभाव कायम स्मरणात राहील.
Deeply saddened by the passing of Ratan Tata, a true titan of industry. His visionary leadership in business as well as philanthropy touched a vast number of lives, reaching far beyond India. His legacy and the positive impact on society will be cherished. #RatanTata pic.twitter.com/DA7Ij2v2H3
— K P Sharma Oli (@kpsharmaoli) October 10, 2024
-
साधन संपत्ती आल्यानंतर सुद्धा नीतिमत्ता सोडली नाही
एक व्यक्तिमत्व ज्याने साधन संपत्ती आल्यानंतर सुद्धा नीतिमत्ता सोडली नाही आणि राष्ट्रीय भूमिकेला प्राधान्य देणारा उद्योगपती कसा असावा याचा उदाहरण रतन टाटा यांनी घालून दिला. व्यक्तिगत संपत्ती पेक्षा त्यांनी नेहमीच राष्ट्रीय हिताला महत्त्व दिलं. रतन टाटा यांचे हेच गुण अत्यंत महत्त्वाचे होते त्यांच्या जाण्यामुळे उद्योग विश्वावर त्यांच्या असल्याने जो अंकुश राहत होता तो नाहीसा झाला आहे.. असा व्यक्तिमत्व निघून जाणे भरून न निघणारा तोटा आहे अशा भावना प्रकाश आंबेडकर यांनी व्यक्त केल्या आहेत.
-
रतन टाटांना भारतरत्न द्या! राज्य सरकार केंद्राला विनंती करणार
ज्येष्ठ उद्योगपती पद्मविभूषण रतन टाटा यांना आज राज्य मंत्रिमंडळाच्या बैठकीत श्रद्धांजली अर्पण करण्यात आली. मुख्यमंत्री एकनाथ शिंदे यांनी याबाबतचा शोकप्रस्ताव बैठकीत मांडला. त्यानंतर रतन टाटा यांचे कार्यकर्तृत्व लक्षात घेऊन त्यांना भारतरत्न देण्याची केंद्राला विनंती करणारा प्रस्तावही संमत करण्यात आला आहे.
ज्येष्ठ उद्योगपती, पद्मविभूषण #रतन_टाटा यांना आज राज्य मंत्रिमंडळाच्या बैठकीत श्रद्धांजली अर्पण करण्यात आली.
मुख्यमंत्री @mieknathshinde यांनी बैठकीत शोकप्रस्ताव मांडला आणि त्यांच्या कार्यकर्तृत्वाचा गौरव केला. रतन टाटा यांना #भारतरत्न देण्याची विनंती केंद्र सरकारला करण्याचा… pic.twitter.com/9ru8zxhtOR— CMO Maharashtra (@CMOMaharashtra) October 10, 2024
-
रतन टाटांचं जाणं हे माझं वैयक्तिक नुकसान - सुधा मूर्ती
माझ्या आयुष्यात मी रतन टाटांसारखा दुसरा माणूस पाहिला नाही. रतन टाटांचं एक युग होतं आणि आता त्या युगाचा अंत झाला आहे. त्यांच्या जाण्यामुळे माझ्या आयुष्यात एक पोकळी निर्माण झाल्याचे सुधा मूर्ती यांनी म्हटले आहे.
#WATCH | Bengaluru, Karnataka | On the demise of Ratan Tata, author-philanthropist and Rajya Sabha MP Sudha Murty says, "... In my life, I met him (Ratan Tata), a man of integrity, and simplicity, always caring for others and compassionate... I really miss him... I don't think in… pic.twitter.com/hDb6Qbfhau
— ANI (@ANI) October 10, 2024
-
मुंबईच्या गरब्यातील सळसळती पावलं रतन टाटांसाठी थांबतात तेव्हा...
राज्यासह मुंबईत सध्या नवरात्रौत्सव सुरु असून, ठिकठिकाणी संध्याकाळच्या सुमारास गरब्याचा आनंद लुटला जात आहे. त्यात मुंबईतील गोरेगावच्या नेस्को मैदानावरचा गरबा अनेकांच्या आकर्षणाचा विषय असतो. मात्र, बुधवारी (दि.9) रात्री रतन टाटा यांच्या निधनाचे वृत्त समोर आल्यानंतर नेस्कोच्या मैदानावरील गरब्यात देहभान विसरुन थिरकरणारी पावले थांबली. टाटा यांच्या निधनाचे वृत्त समोर आल्यानंतर याठिकाणी मौन बाळगून रतन टाटा यांना श्रद्धांजली वाहण्यात आली. हा व्हिडीओ सध्या सोशल मीडियावर व्हायरल होत आहे.
View this post on Instagram
-
NCPA लॉनमध्ये सर्वधर्मीय प्रार्थना
रतन टाटा यांचे पार्थिव ज्या एनसीपीए लॉनमध्ये ठेवण्यात आले आहे तेथे शीख, हिंदू, मुस्लिम धर्मगुरूंकडून प्रार्थना केली जात आहे. सर्व धर्माच्या गुरुंकडून एक एक करून शांती प्रार्थना केली जात आहे.
-
रतन टाटा यांच्या अंत्यदर्शनासाठी अमित शहा मुंबईत येणार
रतन टाटा यांच्या अंत्यदर्शनासाठी केंद्रीय गृहमंत्री अमित शहा मुंबईत येणार
-
शरद पवारांनी वाहिली रतन टाटांना श्रद्धांजली
राष्ट्रवादी शरद पवार गटाचे अध्यक्ष शरद पवार यांनी ज्येष्ठ उद्योगपती रतन टाटा यांच्या पार्थिवाचे दर्शन घेत श्रद्धांजली वाहिली. यावेळी खासदार सुप्रिया सुळे या देखील उपस्थित होत्या. पवारांशिवाय राज्याचे उपमुख्यमंत्री अजित पवार आणि राष्ट्रवादीचे नेते प्रफुल्ल पटेल यांनीदेखील रतन टाटांच्या पार्थिवाचे दर्शन घेत श्रद्धांजली वाहिली.
#WATCH | NCP-SCP chief Sharad Pawar and Supriya Sule pay last respects to Ratan Tata at NCPA grounds in Mumbai pic.twitter.com/euNCRNRLq1
— ANI (@ANI) October 10, 2024
-
मंत्रिमंडळ बैठकीत मांडला जाणार शोक प्रस्ताव
ज्येष्ठ उद्योगपती रतन टाटा यांच्या निधनानंतर राज्य सरकारने एक दिवसाचा दुखवटा जाहीर केला आहे. मात्र, असे असले तरी, महायुतीची नियोजित मंत्रिमंडळाची बैठक पार पडणार असून, रतन टाटा यांना आदरांजली वाहण्याकरिता बैठकीत शोक प्रस्ताव मांडला जाणार आहे.
-
रतन टाटा दयाळू आणि विलक्षण व्यक्ती होते - मोदी
रतन टाटा यांच्या निधनाचे वृत्त समजताच पंतप्रधान नरेंद्र मोदींनी X (ट्विटर) वरून त्यांना श्रद्धांजली वाहिली आहे. आत मोदींनी ‘श्री रतन टाटा हे एक दूरदर्शी बिझनेस लीडर, दयाळू आणि विलक्षण व्यक्ती होते असे म्हणत श्रद्धांजली वाहिली आहे. नम्रता, दयाळूपणा आणि आपल्या समाजाला अधिक चांगले बनवण्याच्या अतूट बांधिलकीमुळे ते लोकप्रिय ठरले.
Shri Ratan Tata Ji was a visionary business leader, a compassionate soul and an extraordinary human being. He provided stable leadership to one of India’s oldest and most prestigious business houses. At the same time, his contribution went far beyond the boardroom. He endeared… pic.twitter.com/p5NPcpBbBD
— Narendra Modi (@narendramodi) October 9, 2024
-
Ratan tata News Today : सचिन तेंडुलकरची रतन टाटांना श्रद्धांजली
रतन टाटा यांच्या निधनानंतर माजी क्रिकेटपटू सचिन तेंडुलकरने श्रद्धांजली वाहिली आहे. रतन टाटांनी त्यांच्या आयुष्यात देशात एक मोठा बदल घडवला. त्यांच्यासोबत काही काळ घालवायला मिळाला हे मी माझं नशीब समजतो. पण लाखो लोकांनी ही संधी मिळाली नाही. मला आज तेच दुःख होत आहे. त्यांचं प्राण्यांबद्दलचं प्रेम, परोपकारी वृत्ती यातून त्यांनी दाखवून दिलं आहे की ज्यांच्याकडे स्वतःची काळजी घेण्याइतपत साधनं नाहीत त्या लोकांची तुम्ही काळजी घेता. रतन टाटा तुमच्या आत्म्यास शांती लाभो..
In his life, and demise, Mr Ratan Tata has moved the nation.
I was fortunate to spend time with him, but millions, who have never met him, feel the same grief that I feel today. Such is his impact.
From his love for animals to philanthropy, he showed that true progress can… pic.twitter.com/SBc7cdWbGe
— Sachin Tendulkar (@sachin_rt) October 10, 2024
-
Ratan Tata Death News : राज्यात एक दिवसाचा दुखवटा जाहीर
रतन टाटांच्या निधनानंतर देशभरात शोककळा पसरली आहे. महाराष्ट्र सरकारने आज एक दिवसाचा दुखवटा जाहीर केला आहे. आजच्या दिवशी होणारे सर्व कार्यक्रम रद्द करण्यात आले आहेत.
-
मी एक ज्येष्ठ मित्र गमावला याचं दुःख : राज ठाकरे
उद्योगपती रतन टाटा यांच्या निधनाने राजकीय वर्तुळातही शोककळा पसरली आहे. महाराष्ट्र नवनिर्माण सेनेचे अध्यक्ष राज ठाकरे यांनी मी एक ज्येष्ठ मित्र गमावला याचं दुःख आहे अशा शब्दांत रतन टाटांना श्रद्धांजली वाहिली.
रतन टाटा यांचं निधन झालं. जवळपास १५६ वर्षांची परंपरा असलेल्या एका उद्योग समूहाला ज्यांनी खऱ्या अर्थाने एकविसाव्या शतकांत आणलं आणि 'टाटा' ही नाममुद्रा ज्यांनी जगभर नेली ती रतन टाटांनी.
बरं, हे सगळं करताना एखाद्या योगी माणसाची स्थितप्रज्ञताच ठेवायची ही टाटा समूहाची शिकवण पूर्णपणे… pic.twitter.com/q0kpqMlabW— Raj Thackeray (@RajThackeray) October 10, 2024
-
Ratan Tata : भारतरत्नसाठी रतन टाटांच्या नावाचा प्रस्ताव द्या : शिवसेनेची मागणी
शिवसेना नेते राहुल कनाल यांनी राज्याचे मुख्यमंत्री एकनाथ शिंदेंना पत्र लिहिलं. भारत सरकारकडून देण्यात येणारा सर्वोच्च नागरी पुरस्कार भारतरत्न रतन टाटांना देण्यात यावा अशी विनंती राहुल कनाल यांनी पत्राद्वारे मुख्यमंत्री एकनाथ शिंदे यांच्याकडे केली आहे. भारतरत्न पुरस्कारासाठी रतन टाटांच्या नावाचा प्रस्ताव केंद्र सरकारला पाठवावा अशी विनंती या पत्रात करण्यात आली आहे.
-
Ratan Tata Live : रतन टाटांचं पार्थिव एनसीपीएकडे रवाना...
प्रसिद्ध उद्योगपती रतन टाटा यांचे काल मुंबईतील ब्रीच कँडी रुग्णालयात निधन झालं. त्यानंतर आज सकाळी 10 ते दुपारी 4 या वेळेत त्यांचे पार्थिव शरीर मुंबईतील एनसीपीएत ठेवण्यात येणार आहे. रतन टाटांचे पार्थिव एनसीपीएकडे रवाना करण्यात आले.
VIDEO | Visuals from outside Late Ratan Tata’s residence in Mumbai from where his mortal remains are being taken to NCPA Lawns.
His mortal remains will be kept at NCPA Lawns from 10:00 am to 3:30 pm for the public to pay their last respects.#RatanTata
(Full video available on… pic.twitter.com/Os9a6HzsAC— Press Trust of India (@PTI_News) October 10, 2024
संबंधित बातम्या
Mumbai : मंत्रालयात प्रवेशासाठीचे डीजी ॲपचे 10 हजार कार्ड गहाळ?
