दिल्लीच्या बैठकीत शेवटच्या रांगेत बसण्यावरुन राजकारण! शरद पवार बनले ठाकरेंसाठी ढाल, विरोधकांवर बरसले

Sharad Pawar Reaction On Uddhav Thackeray : उद्धव ठाकरे यांच्या दिल्ली दौऱ्याची जोरदार चर्चा सुरू (India Aghadi Meeting) आहे. विशेषतः त्यांच्या शेवटच्या रांगेत बसण्यावरुन सत्ताधारी पक्षांनी टीकेची झोड उठवली आहे. गुरुवारी लोकसभेतील विरोधी पक्षनेते राहुल गांधी यांनी इंडिया आघाडीच्या नेत्यांसाठी डिनरचे आयोजन केले होते. या कार्यक्रमाला उद्धव ठाकरे (Uddhav Thackeray) कुटुंबासह उपस्थित होते. यावर शरद पवार (Sharad Pawar) यांनी प्रतिक्रिया दिली आहे.

फोटो व्हायरल

यावेळी राहुल गांधी यांनी मत चोरीच्या विषयावर प्रेझेंटेशन सादर (Maharashtra Politics) केले. त्या वेळी उद्धव ठाकरे सहाव्या रांगेत, त्यांच्या शेजारी आदित्य ठाकरे आणि संजय राऊत बसलेले दिसले. हा फोटो व्हायरल झाल्यानंतर भाजप आणि शिवसेनेच्या नेत्यांनी ठाकरे ब्रँडची खिल्ली उडवत प्रश्न उपस्थित केले.

“मतचोरीच्या आरोपावर आयोगाने उत्तर द्यावं, भाजपने नाही”, शरद पवारांची राहुल गांधींना भक्कम साथ

कोणी पहिल्या रांगेत बसत नाही…

दरम्यान, नागपुरात झालेल्या पत्रकार परिषदेत राष्ट्रवादी काँग्रेसचे अध्यक्ष शरद पवार यांनी उद्धव ठाकरे यांचा बचाव केला. ते म्हणाले, काल दिल्लीत राहुल गांधींच्या पत्रकार परिषदेला मी उपस्थित होतो. पावर पॉइंट प्रेझेंटेशन सुरू असताना मी स्वतः आणि फारुख अब्दुल्ला शेवटच्या रांगेत बसलो होतो. आमच्याजवळच उद्धव ठाकरे आणि कर्नाटकचे मुख्यमंत्री होते. जसे सिनेमा बघताना कोणी पहिल्या रांगेत बसत नाही, तसेच प्रेझेंटेशनदरम्यानही पुढे बसत नाही. उद्धव ठाकरे कुठे बसले हा मुद्दा बनवण्याचे काही कारण नाही.

मुंबई जिंकण्यासाठी ठाकरे बंधू एकत्र! राऊतांचं सूचक विधान, मविआची समीकरणं बदलणार?

बसून चर्चा करू

त्यांनी पुढे स्पष्ट केले की, पत्रकार परिषदेत अतिशय मेहनतीने आणि सखोल अभ्यास करून महत्त्वाचे मुद्दे मांडण्यात आले. दरम्यान, बीएमसी निवडणुकीत उद्धव ठाकरे आणि राज ठाकरे एकत्र आले तर महाविकास आघाडीवर त्याचा परिणाम होईल, अशी चर्चा राजकीय वर्तुळात सुरू आहे. या बाबत विचारले असता पवार म्हणाले, नगरपालिका, जिल्हा परिषद आणि महापालिकांच्या निवडणुकीवर अद्याप आम्ही एकत्र बसून चर्चा केलेली नाही. एखाद्या पक्षाने मत व्यक्त केले असतील तरी मी त्यावर सध्या भाष्य करणार नाही. आम्ही बसून चर्चा करून एकवाक्यता साधण्याचा प्रयत्न करू.

संबंधित बातम्या