गायकवाडांनी जलीलांचं आव्हान स्वीकारल; करारनामा लिहला, म्हणाले, आमच्या लढाईत तिसरं कुणी..

Sanjay Gaikwad vs Imtiaz Jalil : शिळं अन्न दिल्याने कँन्टीन चालकाला मारहाण करणारे आमदार संजय गायकवाड यांनी आता एमआयएमचे माजी खासदार इम्तियाज जलील यांच्याशी आपली लढाई होणार असल्याचं जाहीर केलय. (Jalil) इतकंच नाही तर त्यांनी थेट करारनामा स्टॅम्प पेपरवर लिहून देत आणखी नवा वाद निर्माण केला आहे. माजी खासदार इम्तियाज जलील यांनी मी जर कॅन्टीन चालक असतो तर संजय गायकवाड यांना चांगली अद्दल घडवली असती असं वक्तव्य केलं होत. त्यानंतर हा वाद चिघळला.

आमदार निवासातील कॅन्टीनमध्ये शिळे अन्न दिल्यानंतर संतापलेल्या शिवसेना आमदार संजय गायकवाड यांनी या कॅण्टीन चालकाला बेदम मारहाण केली होती. त्यांनी टॉवेलवर येऊन कॅण्टीन चालकाला ठोसे लगावतानाचे व्हिडीओ व्हायरल झाल्यानंतर सर्वत्र त्यांच्यावर टीका झाली होती. त्यानंतर संजय गायकवाड यांच्यावर मरीन ड्राईव्ह पोलीस ठाण्यात गुन्हा दाखल झाला होता. तर कॅण्टीन चालकावर देखील कारवाई होत त्याचा परवना रद्द झाला होता.

विट्स हॉटेल ते पैशांनी भरलेली बॅग; संजय शिरसाट अन् भानगडींचा इतिहास एकदा वाचाच…

दरम्यान छत्रपती संभाजीनगरचे एमआयएम पक्षाचे माजी खासदार इम्तियाज जलील यांनी मी जर त्या कॅण्टीन चालकाच्या जागी असतो तर संजय गायकवाड यांची धुलाई केली असते असं वक्तव्य केलं होतं. त्यानंतर संजय गायकवाड यांनी कॅण्टीन मालक जरी जलील असते तर त्यांनाही चोपले असतं असं वक्तव्य केलं होतं. त्यानंतर जग तेरी, दिन तेरा, वक्त भी तेरा आजा कहा लढना हे असा प्रति आव्हान जलील यांनी दिले होते.

आता माजी खासदार इम्तियाज जलील यांचं आव्हान स्वीकारत शिवसेना आमदार संजय गायकवाड यांनी स्टॅम्प पेपरवर करारनामा लिहून दिला आहे. त्यात त्यांनी जलील आणि माझ्या लढाई होईल. यात दगड धोंडे, वा इतर शस्रांचा वापर होणार नाही अशीही हमी गायकवाड यांनी लिहून दिली आहे. आमच्या लढाईत तिसरा येणार नाही जे काही होईल याची दक्षता पोलीस घेतील असेही त्यांनी म्हटलं आहे. या लढाईत काही बरेवाईट झाल्यास जबाबदारी आमच्या दोघांची राहील असंही गायकवाड यांनी म्हटलं आहे. या लढाईची तारीख, वेळ आणि स्थळ जलील यांनी ठरवावे असंही आव्हान गायकवाड यांनी दिलं आहे.

संबंधित बातम्या