मुंबईतील उंच इमारतीला भीषण आग; घटनेत २ जणांचा दुर्दैवी मृत्यू, तर पाचजण गंभीर जखमी

Building fire in Mumbai : मुंबईतील एका उंच इमारतीत आग लागल्याची घटना घडली आहे. या घटनेत दोघांचा मृत्यू झाला तर पाच जण जखमी झाले आहेत. आज रविवारी सकाळी (fire ) वडगडी येथील इस्साजी स्ट्रीटवरील राम मंदिर, मस्जिद बंदरजवळील पन्न अली मॅन्शन या उंच इमारतीत आग लागली. यामुळे खळबळ उडाली होती.

मिळालेल्या माहितीनुसार, बृहन्मुंबई महानगरपालिकेच्या मुंबई अग्निशमन दलाला घटनेची माहिती मिळाली. त्यानंतर आपत्कालीन प्रतिसाद पथकांनी तातडीने मदत केली. ११ मजली इमारतीच्या तळमजल्यावरील इलेक्ट्रिक वायरिंग, कॉमन मीटर बॉक्समधील इन्स्टॉलेशन आणि कॉमन पॅसेजमधील इलेक्ट्रिक वायरिंगमध्ये आग लागली.

नागपूरमध्ये दारुगोळा निर्मिती कंपनीत मोठा स्फोट; दोन ठार, अनेकजण जखमी, घटनेचं कारण अस्पष्ट

धुरामुळे अनेक रहिवाशांना दुखापत झाली आणि त्यांना गुदमरल्यासारखे वाटले. पहिल्या मजल्यावरील दोन महिलांना हात आणि पायाला दुखापत झाली. धुरामुळे श्वास गुदमरला. त्यांना पोलिसांच्या मोबाईल व्हॅनमधून जेजे रुग्णालयात नेण्यात आले. सहाव्या मजल्यावरील एका पुरूष रहिवासीलाही धुराचा त्रास झाला, त्याला खाजगी वाहनातून रुग्णालयात नेण्यात आले.

तर आठव्या मजल्यावरील एका महिलेला खाजगी रुग्णवाहिकेतून जेजे रुग्णालयात हलविण्यात आले. सकाळी ६:३१ वाजता आग यशस्वीरित्या विझवण्यात आली. परिस्थिती हाताळण्यासाठी एमएफबी, पोलिस आणि बेस्ट कर्मचाऱ्यांसह आपत्कालीन सेवांना तैनात करण्यात आले. जीटी रुग्णालयातील डॉक्टरांच्या म्हणण्यानुसार, २० वर्षीय करीम शेखला गुदमरल्यामुळे दाखल करण्यात आले होते. त्याची प्रकृती स्थिर आहे.

जेजे रुग्णालयाने पुष्टी केली की आणखी तीन जणांना आणण्यात आले आहे. ज्यात ३० वर्षीय साजिया आलम शेख आणि २२ वर्षीय शाहीन शेख यांचा समावेश आहे, ज्यांवर उपचार सुरू आहेत. ४२ वर्षीय सबिला खातून शेख आणि २१ वर्षीय शाह जिया शेख यांना भाजल्यामुळे मृत घोषित करण्यात आले. यामुळे हळळ व्यक्त करण्यात येत आहे.

संबंधित बातम्या