एनडीएची उद्या बैठक : अजित पवार दिल्लीत तर शरद पवार बंगळुरूला?

NDA Meeting: नवी दिल्लीत राष्ट्रीय लोकशाही आघाडीची (NDA) महत्त्वाची बैठक बोलावण्यात आली आहे. राष्ट्रवादी काँग्रेस पक्षाचे (अजित गट) आमदार आणि उपमुख्यमंत्री अजित पवार दिल्लीत होणाऱ्या एनडीएच्या बैठकीला उपस्थित राहणार आहेत. खासदार प्रफुल्ल पटेल यांनी सांगितले की, अजित पवार एनडीएच्या 38 पक्षांच्या बैठकीला उपस्थित राहण्यासाठी दिल्लीला जाणार आहेत.

दुसरीकडे, राष्ट्रवादी काँग्रेसचे अध्यक्ष शरद पवार आणि शिवसेना (उद्धव गट) पक्षप्रमुख उद्धव ठाकरे आणि आमदार आदित्य ठाकरे हे बंगळुरूमध्ये विरोधी पक्षांच्या बैठकीला उपस्थित राहणार आहेत. आगामी लोकसभा निवडणुकीच्या तयारीच्या दृष्टीने एनडीए आणि विरोधकांची ही बैठक महत्त्वाची मानली जात आहे. खरे तर सत्ताधारी पक्ष आणि विरोधकांनी एकाच दिवशी बैठक घेऊन कोण बलाढ्य आहे हे दाखवायचे आहे.

आगामी लोकसभा निवडणुकीपूर्वी राष्ट्रीय पातळीवर आघाडी स्थापन करण्याच्या प्रक्रियेला वेग आला आहे. देशातील 26 विरोधी पक्षांची बैठक बेंगळुरू येथे होत आहे. मंगळवारी (18 जुलै) नवी दिल्लीत राष्ट्रीय लोकशाही आघाडीची (NDA) महत्त्वाची बैठक बोलावण्यात आली आहे. एनडीएच्या नेतृत्वाखाली होणाऱ्या बैठकीत 38 पक्ष सहभागी होतील, अशी घोषणा भाजपचे प्रमुख जेपी नड्डा यांनी केली.

एनडीएविरोधात दोन दिवसांच्या विचारमंथनासाठी विरोधी पक्षांचे नेते बेंगळुरूमध्ये दाखल झाले आहेत. विरोधी पक्षांच्या बैठकीत दोन डझनहून अधिक पक्षांचे नेते आहेत. लोकसभा निवडणुकीत भाजपविरोधात ताकद दाखवण्यासाठी विरोधी पक्ष बिगर-भाजप पक्षांसाठी एक व्यासपीठ तयार करत आहेत. विरोधकांच्या एकजुटीला प्रत्युत्तर म्हणून एनडीएची बैठक बोलावण्यात आली आहे.

‘गदर’ला अख्ख्या बॉलिवूडचा विरोध, सनी देओलचा मोठा खुलासा…

नवी दिल्लीत होणाऱ्या एनडीएच्या मेगा बैठकीत भाजपच्या सर्व मित्रपक्षांना निमंत्रित करण्यात आले आहे. उत्तर प्रदेशातील समाजवादी पक्षाला सोडून ओम प्रकाश राजभर पुन्हा एनडीएचा भाग बनले आहेत. 2019 मध्ये राजभर यांनी योगी मंत्रिमंडळाचा राजीनामा दिला होता. या बैठकीत सहभागी होण्यासाठी भाजपने बिहारमधील अनेक पक्षांनाही आमंत्रित केले आहे.

एनडीएला बिहारमध्ये मिळाला नवा भिडू; अमित शहा यांच्या भेटीनंतर निर्णय

रामविलास पासवान यांचा मुलगा चिराग पासवान त्यांच्या पक्षाच्या वतीने सामील होणार आहे, तर नितीश कुमार सरकारपासून फारकत घेतलेले हिंदुस्थान अवाम पक्षाचे नेते जीतन राम मांझी हे देखील एनडीएचा एक भाग म्हणून येणार आहेत. व्हीआयपी पक्षाचे मुकेश साहनीही बिहारमधून एनडीएच्या बैठकीला पोहोचणार आहेत.

संबंधित बातम्या