‘गोवा निवडणुकीसाठी ‘आप’ला 45 कोटी; केजरीवालच दारू घोटाळ्याचे ‘किंगपिन’; ED चा दावा
- Written By: Mukund Bhalerao Published:
Arvind Kejriwal Arrest Live : दिल्लीतील कथित मद्य घोटाळ्यात मुख्यमंत्री अरविंद केजरीवाल यांना काल (Arvind Kejriwal Arrest) ईडीने अटक केली. या कारवाईमुळे आम आदमी पार्टीचे कार्यकर्ते चांगलेच भडकले आहेत. राजधानी दिल्लीत आज या अटकेविरोधात आप कार्यकर्त्यांनी पक्ष कार्यालयासमोर आंदोलन केले. एकूणच या कारवाईविरोधात देशभरातून संताप व्यक्त केला जात आहे. यानंतर केजरीवाल यांना न्यायालयात हजर करण्यात आले. यावेळी सुनावणीत ईडीने कोर्टात सांगितले की, दोन वेळेस पैशांचे हस्तांतरण झाले. दारू घोटाळ्यातील आरोपी विजय नायर हा अरविंद केजरीवाल यांच्यासाठी काम करत होता. अरविंद केजरीवाल हेच दिल्ली मद्य घोटाळ्याचे प्रमुख आहेत.
अरविंद केजरीवाल यांच्या अटकेची रिस्क भाजपला फायद्याची की तोट्याची?
ईडीने न्यायालयाला सांगितले की दारू घोटाळ्यात भारत राष्ट्र समितीच्या आमदार के. कविता यांचेही जबाब घेण्यात आले. या जबाबांनुसार केजरीवाल आणि कविता यांची भेट झाली होती. दिल्ली अबकारी धोरणात एकत्र काम करायला हवे असे त्यांनी सांगितले. राउज अॅव्हेन्यू कोर्टात सुनावणीदरम्यान ईडीने सांगितले की दिल्ली दारू धोरण ठरवण्यात अरविंद केजरीवाल यांचा सहभाग होता. या माध्यमातून मिळालेल्या पैशांचा वापर आम आदमी पार्टीने गोव्यातील निवडणुकांसाठी केला.
ईडीच्यावतीने अॅडिशनस सॉलिसिटर जनरल एस. व्ही. राजू यांनी सांगितले की हा गुन्हा फक्त 100 कोटी रुपयांचा नाही. 45 कोटी रुपयांच्या हवालाचीही माहिती समोर आली आहे. या पैशांचा उपयोग गोव्यातील निवडणुकांसाठी केला गेला. गोव्यात चार मार्गांनी पाठवला जात होता. या आरोपांना गोव्यातील एका उमेदवारानेही दुजोरा दिला आहे.
ईडीच्यावतीने एएसजी राजू यांनी सांगितले की अरविंद केजरीवाल आम आदमी पार्टीचे प्रमुख आहेत. अबकारी धोरण केजरीवाल, मनिष सिसोदिया आणि संजय सिंह यांच्या माध्यमातून लागू करण्यात आले होते. यामध्ये विजय नायर केजरीवाल यांच्यासाठी काम करत होता. या प्रकरणी मनिष सिसोदिया यांचेही महत्वाचे योगदान होते. सिसोदिया यांचा जामीन अर्ज सर्वोच्च न्यायालयाने फेटाळला होता. साऊथ लॉबीच्या माध्यमातून आम आदमी पार्टीला 45 कोटी रुपये मिळाले होते. मनिष सिसोदिया यांनी विजय नायरला केजरीवाल यांच्या घरी बोलावले होते आणि अबकारी धोरणासंबंधीचे कागदपत्र दिले होते. विजय नायर अरविंद केजरीवाल आणि के. कविता यांच्यासाठी काम करत असल्याचे ईडीच्या वकिलांनी सांगितले.
Arvind Kejriwal : अरविंद केजरीवालांना लवकरच अटक होणार; ‘आप’ नेत्याच्या दाव्याने खळबळ!
संबंधित बातम्या
“सर, मला काहीच येत नाही” म्हणणाऱ्या सुधा मुर्तींचं दमदार भाषण; दोन मागण्यांकडे वेधलं लक्ष
