बिहार निवडणूक दुसऱ्या टप्प्यातील मतदान सुरु ; तब्बल 1,302 उमेदवार निवडणुकीच्या रिंगणात

Bihar Election 2nd Phase Voting : संपूर्ण देशाचे लक्ष लागून असलेल्या बिहार विधानसभा निवडणूक 2025  साठी आज दुसऱ्या टप्प्यातील मतदार

Bihar Election 2nd Phase Voting : संपूर्ण देशाचे लक्ष लागून असलेल्या बिहार विधानसभा निवडणूक 2025  साठी आज दुसऱ्या टप्प्यातील मतदार सुरु झाले आहे. 20 जिल्ह्यांमधील 122 जागांसाठी सकाळी 7 वाजता मतदान सुरू झाले आणि ते संध्याकाळी 6 वाजेपर्यंत चालेल. बिहारमधील 37 दशलक्ष मतदार 1,302 उमेदवारांचे भवितव्य ठरवतील. मतदानासाठी 45,399 मतदान केंद्रे स्थापन करण्यात आली आहेत, त्यापैकी 4,109 संवेदनशील मतदान केंद्रे आहेत.

6 नोव्हेंबर रोजी पहिल्या टप्प्यात विक्रमी 65.08 टक्के मतदान झाले, जे बिहारच्या निवडणूक इतिहासातील सर्वाधिक मतदान आहे. मतमोजणी 14 नोव्हेंबर रोजी होणार आहे.

Bihar Election 2025 Electors Data:
Total Electors – 7.42 Crore
Male – 3.93 Crore
Female – 3.51 Crore#BiharElection2025 pic.twitter.com/pVgVvefjKZ

— Bihar Election Data (@BiharAE_Data) November 11, 2025

12  मंत्र्यांचे भवितव्य पणाला लागले

बिहार निवडणुकीच्या दुसऱ्या टप्प्यात (Bihar Election 2nd Phase Voting) 1,302 उमेदवार निवडणूक लढवत आहेत, ज्यात सध्याच्या नितीश कुमार सरकारमधील 12 मंत्र्यांचा समावेश आहे. यापैकी 1,165 पुरुष, 135 महिला आणि एक तृतीयपंथी उमेदवार आहे. दुसऱ्या टप्प्यात या 12 मंत्र्यांचे भवितव्य ठरणार आहे.  सिकंदरमधून बिजेंद्र प्रसाद यादव, झांझरपूरमधून नितीश मिश्रा, फुलपारसमधून शीला मंडल, छटापूरमधून नीरज कुमार सिंह बबलू, हरसिद्धीमधून कृष्णानंद पासवान, सिक्टीमधून विजय कुमार मंडल, लेसी कुमार मंडल, जयपूरमधून अमर्या सिंह, जयपूरमधून डॉ. नगर, चकई येथील सुमित कुमार सिंग, चैनपूर येथील जामा खान आणि बेतिया येथील रेणू देवी यांचा समावेश आहे.

उत्पन्नाचे नवीन स्रोत निर्माण होणार अन्…, जाणून घ्या 12 राशीसाठी 11 नोव्हेंबर कसा राहील?

या 20 जिल्ह्यांमध्ये आज मतदान

दुसऱ्या टप्प्यात, पश्चिम चंपारण, पूर्व चंपारण, शिवहार, सीतामढी, मधुबनी, सुपौल, अररिया, किशनगंज, पूर्णिया, कटिहार, भागलपूर, बांका, जमुई, नवादा, गया, जहानाबाद, अरवल, औरंगाबाद, रोहतास आणि कैमूर जिल्ह्यातील 122 विधानसभा जागांसाठी आज मतदान होणार आहे, ज्यांची मतमोजणी 14 नोव्हेंबर रोजी होणार आहे. दरम्यान, निवडणुकीच्या पार्श्वभूमीवर, भारत-नेपाळ सीमेवर पाळत वाढवण्यात आली आहे आणि 11 नोव्हेंबरच्या रात्रीपर्यंत सीमा सील करण्यात आली आहे.

संबंधित बातम्या