राघव चढ्ढाची दृष्टी जाणार होती, दिल्लीच्या मंत्र्याने सोडलं मौन, म्हणाले…

Saurabh Bharadwaj On Raghav Chadha: दिल्लीतील आम आदमी पक्षाचे (Aam Aadmi Party) सरकार कायम चर्चेत असते. एकीकडे मुख्यमंत्री अरविंद केजरीवाल (Arvind Kejriwal) तुरुंगात आहेत, तर दुसरीकडे उच्च न्यायालय एकापाठोपाठ एक आप सरकारला फटकारत आहे. दरम्यान राजकीय वर्तुळात सर्वात मोठी चर्चा आम आदमी पक्षाचे राज्यसभा खासदार राघव चढ्ढा (Raghav Chadha) यांची आहे. त्याचे कारण म्हणजे केजरीवाल यांच्या अटकेपासून ते लोकसभा निवडणुकीचे (Lok Sabha Election ) दोन टप्पे पूर्ण होईपर्यंत ते निवडणुकीच्या रिंगणातून गायब झाल्याचे पाहायला मिळाले आहे. यावर काही भाजपचे नेतेही प्रश्न उपस्थित करताना दिसत आहेत.

दरम्यान राघव चढ्ढा यांच्यावर ब्रिटनमध्ये डोळ्याची मोठी शस्त्रक्रिया झाली असून त्यांना बरे वाटल्यानंतर ते पक्षाच्या लोकसभा निवडणुकीच्या प्रचारात सहभागी होणार असल्याचं आम आदमी पक्षाकडून सांगण्यात आले आहे. दिल्लीचे आरोग्य मंत्री सौरभ भारद्वाज यांनी मंगळवारी एका वृत्तसंस्थेशी बोलताना सांगितले की, राघव सध्या ब्रिटनमध्ये आहे. रेटिनल डिटेचमेंट टाळण्यासाठी चड्ढा यांच्यावर विट्रेक्टोमी शस्त्रक्रिया करण्यात आली. रेटिनल डिटेचमेंट हा डोळ्यांचा गंभीर आजार आहे. यामध्ये रेटिनामध्ये लहान छिद्रे तयार होतात आणि त्यामुळे डोळ्यांच्या दृष्टीला धोका निर्माण होतो. यातून तो लवकरच बरा होऊन निवडणूक प्रचारात उतरणार असल्याचे सांगण्यात आले आहे.

यापूर्वी पंजाबचे मुख्यमंत्री भगवंत मान यांनीही राघव चढ्ढा निवडणुकीत पक्षाचा प्रचार करणार असल्याचे सांगितले होते. तो नक्कीच प्रचार करेल. तिहार तुरुंगात दिल्लीच्या मुख्यमंत्र्यांसोबत झालेल्या बैठकीनंतर पत्रकारांशी बोलताना मान म्हणाले होते की, “क्रिकेटमध्ये 11 खेळाडू आहेत. त्यानंतर कोचिंग स्टाफ, नेटमध्ये गोलंदाजी आणि फलंदाजी करणारे लोक आणि चार अतिरिक्त खेळाडू आहेत. प्रत्येकाचे स्वतःचे आहे. अशी आमची भूमिका आहे, आणि ज्याला जबाबदारी सोपवली जाणार आहे. तो 4 जून रोजी एक मजबूत राजकीय शक्ती म्हणून उदयास येणार आहे.

दिल्लीत शाळांना बॉम्बने उडवण्याची धमकी; विद्यार्थ्यांना शाळांमधून बाहेर काढलं

चढ्ढा ‘या’ आजारावर ऑपरेशन करण्यासाठी ब्रिटनला

आम आदमी पक्षाचे राज्यसभा खासदार राघव चढ्ढा डोळ्याच्या शस्त्रक्रियेसाठी ब्रिटनमध्ये आहेत. मिळालेल्या माहितीनुसार, रेटिनल डिटेचमेंट टाळण्यासाठी चड्ढा यांच्यावर विट्रेक्टोमी शस्त्रक्रिया करण्यात आली. रेटिनल डिटेचमेंट हा डोळ्यांचा गंभीर आजार आहे. यामध्ये रेटिनामध्ये लहान छिद्रे तयार होतात आणि त्यामुळे डोळ्यांच्या दृष्टीला मोठा धोका निर्माण होतो. हे थांबवण्यासाठी, त्वरित शस्त्रक्रिया आवश्यक आहे. रेटिनल डिटेचमेंट झाल्यास, डोळ्याच्या मागील बाजूस असलेला नाजूक थर, ज्याला आपण रेटिना म्हणतो, त्याच्या जागेपासून वेगळे होऊ लागते. त्यामुळे दृष्टी गमावण्याची भीती निर्माण होते. यावर लवकर उपचार न केल्यास, डोळयातील पडदामधील ही लहान छिद्रे झपाट्याने वाढू शकतात, ज्यामुळे दृष्टी नष्ट होते.

संबंधित बातम्या