फक्त नेहरु मेमोरियलच नाही तर मोदींच्या काळात यांचीही नावे बदलली; वाचा यादी
- Written By: saurabh gondhali Published:
PM Modi Tenure : दिल्लीतील नेहरू स्मारकाचे नामकरण करण्यात आले आहे. आता नेहरू स्मारक पीएम मेमोरियल म्हणून ओळखले जाईल. नामांतरावरून काँग्रेसने सरकारवर हल्लाबोल केला आहे. नावातील बदल हा सूडभावना आणि संकोचवादाचा परिणाम असल्याचे काँग्रेसने म्हटले आहे. नेहरू मेमोरियल म्युझियम आणि लायब्ररी आता पंतप्रधानांचे संग्रहालय आणि सोसायटी म्हणून ओळखली जाईल.
अशा प्रकारे एखाद्या ठिकाणाचे नाव बदलण्याची ही पहिलीच वेळ नाही. गेल्या नऊ वर्षांत अनेक शासकीय योजना, चिन्हे, ठिकाणे, रस्ते, पुरस्कारांची नावेही बदलण्यात आली आहेत. गेल्या वर्षीच इंडिया गेटवर अमर जवान ज्योतीऐवजी केंद्र सरकारने सुभाषचंद्र बोस यांचा पुतळा बसवला. एवढेच नाही तर भाजपशासित राज्यांमध्ये अनेक जिल्ह्यांची नावेही बदलली आहेत. जाणून घेऊया या सगळ्यांबद्दल…
1. राजीव गांधी खेलरत्न: हा भारतातील क्रीडा जगतातील सर्वोच्च पुरस्कार आहे. 6 ऑगस्ट 2021 रोजी या पुरस्काराचे नाव बदलून ‘मेजर ध्यानचंद खेलरत्न’ असे करण्यात आले आहे. राजीव गांधी खेलरत्न हे माजी पंतप्रधान राजीव गांधी यांच्या नावावर ठेवण्यात आले होते.
2. इंदिरा आवास योजना: गरिबांसाठी मोफत घरे योजना. 2016 मध्ये ती प्रधानमंत्री आवास योजनेत बदलण्यात आली.
3. इंदिरा गांधी मातृत्व सहयोग योजना: इंदिरा गांधी मातृत्व सहयोग योजना 1 जानेवारी 2017 रोजी प्रधानमंत्री मातृत्व वंदना योजनेत बदलण्यात आली. या योजनेत माता व बालकांना पुरेसा पोषण आहार देण्याच्या अनुषंगाने आर्थिक मदतीची रक्कम दिली जाते.
4. राजीव ग्रामीण विद्युतीकरण योजना: 23 जुलै 2015 रोजी या योजनेचे नाव बदलून दीनदयाळ उपाध्याय ग्राम ज्योती योजना असे करण्यात आले. देशातील ग्रामीण भागात वीज पुरवठा करता यावा यासाठी ही योजना सुरू करण्यात आली आहे.
5. राजीव आवास योजना: तिचे नाव आता सरदार पटेल राष्ट्रीय शहरी गृहनिर्माण अभियान असे झाले आहे. 2016 मध्ये सरकारने यात बदल केला.
6. जवाहरलाल नेहरू राष्ट्रीय नागरी नूतनीकरण अभियान: आता ही योजना प्रधानमंत्री आवास योजना (शहरी) पुनर्जीवन – शहरी परिवर्तन अटल मिशनमध्ये बदलण्यात आली आहे.
Manipur Violence: मणिपूरमध्ये जमाव हिंसक, केंद्रीय मंत्र्यांच्या घराला लावली आग
7. राजीव गांधी पंचायत सक्षमीकरण योजना: आता या योजनेतून राजीव गांधींचे नाव काढून टाकण्यात आले आहे. ती पंचायत सक्षमीकरण योजनेच्या नावानेच ओळखली जाईल.
8. राजीव गांधी फेलोशिप योजना: 2016 मध्ये यामधून राजीव गांधींचे नावही काढून टाकण्यात आले होते. आता फक्त याला नेशनल फेलोशिप फॉर स्टूडेंट्स विद डिसैबिलिटीज नावाने ओळखले जाईल.
9. राजपथाचे नाव बदलून कर्तव्यपथ: दिल्लीचा ऐतिहासिक राजपथ आता कर्तव्य पथ म्हणून ओळखला जातो. गेल्या वर्षी ८ सप्टेंबर रोजी पंतप्रधान नरेंद्र मोदी यांनी कर्तव्यपथाचे उद्घाटन केले होते.
10. मुघल गार्डनलाही मिळालं नवीन नाव : राष्ट्रपती भवनात असलेल्या मुघल गार्डनलाही यंदा नवीन नाव मिळालं आहे. आता ते अमृत उद्यान म्हणून ओळखले जाते. अमृत महोत्सवाअंतर्गत मुघल गार्डनचे नाव बदलण्यात आल्याचे सांगण्यात येत आहे.
11. इंग्लंडमध्ये सुरू असलेल्या केंद्राचे नाव बदलले: 2017 मध्ये, केंद्र सरकारने इंग्लंडच्या ऑक्सफर्ड विद्यापीठातील माजी पंतप्रधान इंदिरा गांधी सेंटर ऑफ सस्टेनेबल डेव्हलपमेंटचे नाव बदलून ऑक्सफर्ड इंडिया सेंटर सस्टेनेबल डेव्हलपमेंट केले आहे.
12. अनेक शहरांची नावे बदलली : केंद्रात भाजपचे सरकार आल्यानंतर देशातील अनेक राज्यांतील राज्य सरकारांनीही जिल्ह्यांची नावे बदलली आहेत. विशेषत: ज्या राज्यांमध्ये भाजपचे सरकार आहे. उदाहरणार्थ, अलाहाबादचे बदलून प्रयागराज, फैजाबादचे बदलून अयोध्या, होशंगाबादचे बदलून नर्मदापुरम, औरंगाबादचे छत्रपती संभाजीनगर, उस्मानाबादचे धाराशिव करण्यात आले आहे.
