AI नोकरी घेणार नाही वाचवणार! ‘या’ 9 सेक्टर्सना जास्त धोका, स्वतः अपस्किल व्हा अन् जॉब सेफ करा
- Written By: Mukund Bhalerao Published:
Artificial Intelligence : मायक्रोसॉफ्टनं सहा हजार कर्मचाऱ्यांना नारळ दिला.. मेटाने तब्बल 3 हजार कर्मचाऱ्यांना घरचा रस्ता दाखवण्याची तयारी केली.. मोठ्या कंपन्यांतील अशा आतल्या बातम्या धडकी भरवणाऱ्या आहेत. नोकऱ्यांवर गंडांतर येण्याचं कारण काय तर AI. असंच बहुतेकांचं म्हणणं आहे. यात काही तथ्यही आहे. एआयमुळे (Artificial Intelligence) रोजगारावर परिणाम झाला ही गोष्ट नाकारता येणार नाही. पण याच एआयने तितक्याच नव्या संधीही निर्माण केल्या आहेत. क्रिएटिव, स्ट्रॅटेजिक आणि ह्यूमन टच असणाऱ्या रोजगारांना मागणी वाढली आहे.
जाणकार सांगतात की स्वतःला अपस्किल करा. थोडा आत्मविश्वास जागवा आणि AI शीच मैत्री करा. हा मंत्र जपा म्हणजे मार्केटमध्ये तुम्ही हमखास टिकून राहताल. आता हे कोडं कसं सुटणार चला तर मग जाणून घेऊ काही खास गोष्टी..
सर्वात आधी पाहू या एआयने कोणत्या क्षेत्रात किती प्रमाणात रोजगारावर परिणाम केला आहे.
मागील वर्षात केलेल्या एका अभ्यासात म्हटले आहे की कस्टमर सर्व्हिस (Customer Service) क्षेत्रात 60 टक्के जॉब्सवर AI चा परिणाम झाला आहे. बेसिक डिजिटल मार्केटिंग रोल्स धोक्यात आहेत. पण क्रिएटिव्ह कॅम्पेन स्ट्रॅटेजी माणसांकडे सेफ आहे.
AI टूल्स डायग्नोस्टिक्स आणि रेकॉर्ड किपिंगला ऑटोमेट करत आहेत. AI ट्यूटर्स आणि ऑटोमेटेड ग्रेडिंग सिस्टम्स बेसिक टिचिंग असिस्टंटचं काम करत आहेत. कॉन्ट्रॅक्ट अॅनालिसिस आणि बेसिक रिसर्चवरही AI चा परिणाम जाणवत आहे.
डिजिटल डिटॉक्स म्हणजे काय, नवीन नाही जुन्याच गोष्टी.. अमलात आणा अन् राहा कूल
ज्यूनियर जर्नलिस्ट्स आणि कॉपी एडिटर्स या दोन घटकांवर AI चा सर्वाधिक परिणाम झाला आहे. सोशल मीडिया मॉनिटरींग, कंटेंट मॉडरेशन आणि बेसिक फॅक्ट चेकिंगचं कामही AI करत आहे. मॅनेजमेंट क्षेत्रात AI मिड लेवल आणि ऑपरेशनल जॉब्स प्रभावित होत आहेत. रिज्यूमे स्क्रिनिंग, इंटरव्यू शेड्यूलिंग आणि परफॉर्मन्स ट्रॅकिंग AI द्वारेच होत आहे.
फायनान्स क्षेत्रात बेसिक अकाउंटिंग आणि बजेट अॅनालिसिस या दोन गोष्टी अनेक ठिकाणी AI टूल्स पाहत आहेत. सॉफ्टवेअरमध्ये कोडिंगमध्ये 40 टक्क्यांपर्यंत कनिष्ठ पातळीवर नोकऱ्या कमी झाल्या आहेत. डेटा क्लिनिंग आणि बेसिक अॅनालिटिक्स सुद्धा AI करत आहे.
आता या गोष्टी पाहिल्यानंतर दडपण येणं सहाजिकच आहे. पण, थोडं शांत राहून विचार केला आणि स्वतःमध्येच काही स्किल डेव्हलप केल्या तर नक्कीच फायद्याचं ठरेल. पण ते कसं पाहू यात..
स्वतःला अपस्किल कसं कराल
AI रिपिटिटिव काम करतो हे आधी लक्षात घ्या. क्रिएटिव सॉल्यूशन्स, इमोशनल इंटेलिजन्स आणि ह्यूमन टच या गोष्टी AI च्या हातात नाहीत. ह्यूमन कनेक्शन अजूनही गरजेचं आहे. त्यामुळे तुमच्या फिल्डमधील लोकांच्या संपर्कात राहत चला. मेंटर्सचा शोध घेत राहा. इंडस्ट्री ट्रेंड्सचाही कानोसा घेत राहा. पत्रकार असाल तर डेटा जर्नालिजम, AI बेस्ड रिसर्च टूल्स, मल्टिमीडिया स्टोरीटेलिंग, इमोशनल स्टोरीटेलिंग शिकून घ्या.
स्ट्रॅटेजिक मॅनेजमेंट, लिडरशीप आणि ह्यूमन इंटरेक्शन्स या गोष्टीही AI च्या आवाक्यात नाहीत. जर मॅनेजमेंट क्षेत्रात काम करत असा तर डेटा ड्रिवन डिसीजन मेकिंग आणि AI टूल्स कसे वापरतात याची माहिती घ्या. इमोशनल इंटेलिजन्स आणि कम्युनिकेशन या गोष्टी अधिक अचूक बनवा.
15 वर्षांची प्रतिक्षा संपली! WhatsApp अखेर iPad वर… ‘ही’ खास वैशिष्ट्ये
सॉफ्टवेअर क्षेत्रात सिनियर डेव्हलपर्स, सिस्टम आर्किटेक्ट्स आणि मशीन लर्निंग स्पेशालिस्ट्स यांसारखे जॉब अजूनही सेफ आहेत. कॉम्प्लेक्स प्रॉब्लम सॉल्व्हिंग, क्रिएटिविटी आणि स्ट्रॅटेजिक थिंकिंग यांसारखी कामं करण्यास AI समर्थ नाही. क्लाउड, सायबर सिक्युरिटी किंवा AI डेव्हलपमेंट शिकून मार्केटमध्ये तुम्ही तग धरू शकता.
टीमवर्क, कल्पकता अन् AI शी मैत्री..
एचआर आणि स्ट्रेस मॅनेजमेंट काउंसलर संजय कुमार यांनी सांगितले की रोज पुनरावृत्ती होणारी कामे AI कडून करुन घ्या. जेणेकरून तुमच्या वेळेत बचत होईल. यामाध्यमातून तुमची कल्पकता आणि उत्पादकता वाढवा. AI सगळी कामं करू शकतो. पण माणसांतील समज, टीमवर्क, नेतृत्व, कल्पकता या गोष्टी AI आणू शकत नाही. यात स्वतःला अपस्किल करा. वेळेनुसार लहान लहान कोर्स करत राहा. AI टूल्स रोजच्या कामांसाठी वापरत चला. तुम्ही स्वतः क्रिएटिव आणि स्पेशल प्रोजेक्टसाठी झोकून द्या. ज्या क्षेत्रात काम करत आहात तिथे प्रमुख AI टूल्सचा वापर जरूर करा.
संबंधित बातम्या
काय, तुमचा फोन तुमची प्रत्येक गोष्ट ऐकतोय? सावध व्हा, ‘या’ टिप्सने रोखा फोनची हेरगिरी
