दिल्लीत मुख्यमंत्रीपदासाठी रेखा गुप्ता की परवेश वर्मा, RSS अन् भाजप नेतृत्व कुणाला देणार पसंती ?

Delhi New CM : नुकतंच झालेल्या दिल्ली विधानसभा निवडणुकीमध्ये (Delhi Assembly) भाजपने (BJP) आम आदमी पक्षाला (AAP) मोठा धक्का देत 70 पैकी 48 जागांवर विजय मिळवला आहे. त्यामुळे आता भाजप हायकमांड दिल्लीची कमान कोणाकडे देणार याकडे सर्वांचे लक्ष लागून आहे. यातच एक मोठी बातमी समोर आली आहे. या बातमीनुसार दिल्लीच्या नवीन मुख्यमंत्र्यांची घोषणा आज संध्याकाळपर्यंत होऊ शकते. भाजप विधिमंडळ पक्षाची बैठक 19 फेब्रुवारी रोजी संध्याकाळी 7 वाजता दिल्लीत होणार आहे. या बैठकीत विधिमंडळ पक्षाच्या नेत्याची निवड केली जाणार आहे.

माहितीनुसार, मुख्यमंत्रीपदासाठी ज्या नावांची सर्वाधिक चर्चा होत आहे, त्यात रेखा गुप्ता (Rekha Gupta) यांचे नाव आघाडीवर आहे. शालीमार बाग मतदारसंघातून विजयी होऊन रेखा गुप्ता विधानसभेत पोहोचल्या आहेत. दिल्ली विधानसभा निवडणुकीतील विजयानंतर सर्वांच्या नजरा नवीन मुख्यमंत्र्यांकडे लागल्या आहेत.

भाजप मोठी जबाबदारी सोपवू शकते

रेखा गुप्ता वैश्य समुदायाच्या आहेत. दिल्लीत या समुदायाची चांगली मतपेढी आहे. वैश्य समुदाय हा भाजपचा प्रमुख मतदार मानला जातो. त्यामुळेच भाजप नवीन मुख्यमंत्री म्हणून रेखा गुप्ता यांचे नाव जाहीर करू शकते. भाजपकडे सध्या देशात एकही महिला मुख्यमंत्री नाही. सूत्रांच्या माहितीनुसार, रेखा गुप्ता यांचा मुख्यमंत्रीपदाचा दावा इतर नेत्यांपेक्षा जास्त आहे. त्यांचा राजकीय अनुभव आणि लोकप्रियता लक्षात घेता, भाजप त्यांना जबाबदारी देऊ शकते.

रामलीला मैदानावर शपथविधी सोहळा

दिल्लीच्या मुख्यमंत्रीपदाचा शपथविधी समारंभ 20 फेब्रुवारी रोजी सकाळी 11 वाजता रामलीला मैदानावर होत आहे. यासाठी रामलीला मैदानात जोरदार तयारी सुरू आहे. मैदान भाजपच्या झेंड्यांनी भरले आहे. खुर्च्या बसवण्यात आल्या आहेत. पंतप्रधान नरेंद्र मोदी आणि गृहमंत्री अमित शहा यांच्यासह भाजपचे वरिष्ठ नेते शपथविधी सोहळ्याला उपस्थित राहणार असल्याचे समजते. या कार्यक्रमात मोठ्या संख्येने भाजप समर्थक उपस्थित राहण्याची अपेक्षा आहे. शपथविधीच्या दिवशी रामलीला मैदानात आणि आजूबाजूला 5000 हून अधिक सुरक्षा कर्मचारी तैनात केले जातील.  दिवसभर कायदा आणि सुव्यवस्था आणि वाहतूक व्यवस्थापन राखण्यासाठी निमलष्करी दलांच्या 10 हून अधिक कंपन्या देखील तैनात केल्या जातील.

बाप-लेकाची जोडी करणार धमाल, प्रसाद खांडेकर आणि श्लोक खांडेकर ‘चिकी चिकी बुबूम बुम’ चित्रपटात एकत्र

मुख्यमंत्रीपदाच्या शर्यतीत ही नावे आहेत

दिल्लीच्या मुख्यमंत्रीपदासाठी अनेक नावे चर्चेत आहेत. त्यापैकी रेखा गुप्ता यांच्यासह परवेश वर्मा, विजेंद्र गुप्ता, सतीश उपाध्याय, पवन शर्मा, आशिष सूद, शिखा राय, रवींद्र इंद्रराज सिंह, मंजिसिंदर सिंह सिरसा आणि कैलाश गंगवाल यांच्या नावांची चर्चा सुरू आहे.

संबंधित बातम्या