प्रेम, लग्न अन् विश्वासघात…, पत्नीनेच काढला पतीचा ‘काटा’, सौरभ राजपूत हत्याकांडात धक्कादायक खुलासा

Meerut Saurabh Murder Case : उत्तर प्रदेशातील मेरठमधील इंदिरा नगरमध्ये एक धक्कादायक घटना घडली असून त्याची चर्चा संपूर्ण देशात होत आहे. येथे एका पत्नीने तिच्या प्रियकरासह (Meerut Saurabh Murder Case) मिळून पतीची निर्घृण हत्या केली. या प्रकरणात पोलिसांनी आरोपी पत्नी मुस्कान रस्तोगी (Muskaan Rastogi) आणि प्रियकर साहिल शुक्ला (Sahil Shukla) याला अटक केली आहे. मुस्कान आणि तिच्या प्रियकराने पती सौरभची चाकूने हत्या केली त्यानंतर त्याचे शरीराचे तुकडे करुन प्लास्टिकच्या ड्रममध्ये भरले आणि ड्रम सिमेंटने भरुन बंद केला. सौरभ आणि मुस्कानला 5 वर्षांची मुलगी देखील आहे.

माहितीनुसार, सौरभ राजपूत (Saurabh Rajput) आणि मुस्कान रस्तोगी यांची प्रेमकहाणी 2016 मध्ये लग्नापर्यंत पोहोचली मात्र या लग्नाला सौरभच्या कुटुंबियांकडून विरोध होता मात्र तरीही देखील सौरभने मुस्कानशी लग्न केले. त्यानंतर दोन्ही मेरठमधील इंदिरा नगरमध्ये भाड्याने राहू लागले. सौरभ आणि मुस्कान यांचा प्रेमविवाह काही वर्षे चांगला चालला पण त्यानंतर या नात्यात दुरावा येऊ लागला.

सौरभ मर्चंट नेवीमध्ये होता मात्र लग्नानंतर त्याने नोकरी सोडली आहे लंडन येथे काही काम करु लागला. याच काळात मुस्कानच्या आयुष्यात साहिल शुक्लाची एंट्री झाली. सुरुवातीला दोघात मैत्री झाली नंतरप्रेम. तर 26 फेब्रुवारी रोजी सौरभ मेरठला मुलीचा वाढदिवस साजरा करण्यासाठी आला. 28 फेब्रुवारी रोजी मुलीचा वाढदिवस साजरा केला. मात्र त्यापुर्वीच मुस्कान आणि साहिलने सौरभला मारण्याचा कट रचला होता.

4 मार्चच्या रात्री सौरभ झोपेत असताना रात्री 1 च्या सुमारास मुस्कानने साहिलला कॉल करुन घरी बोलवले आणि त्यानंतर दोघांनी मिळून सौरभवर चाकूने हल्ला केला. या हल्ल्यात सौरभचा मृत्यू झाला. यानंतर मुस्कान आणि साहिलने सौरभच्या मृतदेहाचे तुकडे केले आणि एका प्लास्टिकच्या ड्रममध्ये भरले आणि त्यावर सिमेंट टाकून ड्रम पूर्णपणे बंद केला.

489 दिवसांनी भारत जिंकला, सुनील छेत्रीचा शानदार ‘कमबॅक’, मालदीवचा 3-0 उडवला धुव्वा

हत्येनंतर शिमला गाठला

सौरभची हत्या केल्यानंतर मुस्कान तिच्या प्रियकार साहिल शुक्लासोबत शिमला पोहचली. यापूर्वी तिने शेजारच्या लोकांना पतीसोबत हिमाचलला जात असल्याची खोटी माहिती दिली . मात्र त्यानंतर घरी आल्यानंतर मुस्कानने तिच्या आईला घटनेबद्दल सांगितले. यानंतर 17 मार्च रोजी मुस्कानच्या पालकांनी पोलिसांना माहिती दिली. पोलिसांनी मुस्कान आणि साहिलला ताब्यात घेतले. चौकशीदरम्यान दोघांनीही आपला गुन्हा कबूल केला. पोलिस तपासात असे समोर आले आहे की, मुस्कान सौरभला घटस्फोट देऊ इच्छित होती, परंतु सौरभ यासाठी तयार नव्हता. त्यामुळे मुस्कान आणि साहिलने सौरभच्या हत्येता कट रचला.