Vidhansabha Election: मराठवाडा जिंकण्यासाठी भाजप छत्तीसगड पॅटर्न राबवणार, 26 हून अधिक नेत्यांवर खास जबाबदारी…

Vidhansabha Election :आगामी विधानसभा निवडणूकीसाठी (Vidhansabha Election) भाजपने (BJP) जोरदार कंबर कसली आहे. लोकसभा निवडणुकीत मराठवाड्यातून भाजपचा एकही खासदार विजयी झाला नाही. त्यामुळं आगामी विधानसभा निवडणुकीच्या पार्श्वभूमीवर भाजपने सावध पावले उचलण्यास सुरुवात केली आहे. मराठवाड्यातील आठही जिल्ह्यांमध्ये ‘छत्तीसगड पॅटर्न’नुसार प्रचार करत पक्ष संघटना मजबूत करण्यावर भर दिला जाणार आहे. छत्तीसगडमधील 26 हून अधिक नेते मराठवाड्यातील जागांचा आढावा घेणार आहेत.

‘लय पवार घरी यायला लागले आहेत, मात्र …’, बारामतीकरांना अजित पवारांची साद 

2019 च्या विधानसभा निवडणुकीत भाजपने मराठवाड्यातील 46 पैकी 25 जागा लढवल्या होत्या. त्यापैकी 16 जागा जिंकल्या. तर भाजपचा 9 जागांवर पराभव झाला. 2019 प्रमाणे यंदाही भाजप 25 जागांवर आपला दावा कायम ठेवणार आहे. दरम्यान, भापजची मराठवाड्यातील स्थिती सुधारण्यासाठी छत्तीसगडमधील दोन माजी खासदार आणि 9 माजी आमदारांसह 26 ज्येष्ठ नेत्यांची फौज शनिवारी छत्रपती संभाजीनगरमध्ये दाखल झाली होती. पक्षाच्या वरिष्ठ नेत्यांनी त्यांना या भागाची प्राथमिक माहिती देऊन पुढील रणनीतीबाबत मार्गदर्शन केले. या 26 नेत्यांवर आता मराठवाड्यात भाजपची स्थिती मजबूत करण्याची जबाबदारी असणार आहे.

शेतीच्या पायाभूत सुविधांसाठी केंद्राचे धडाकेबाज निर्णय; 14 हजार कोटी मंजूर 

भाजपच्या वाट्याला येणाऱ्या एकेका मतदारसंघाची जबाबदारी या छत्तीसगडमधील 26 नेत्यांकडे असणार आहे. 20 सप्टेंबरपासून ते दोन महिने जनसंपर्क करणार आहेत. हॉटेलमध्ये न राहता कार्यकर्त्यांच्या घरी त्यांच्या निवास, भोजनाची व्यवस्था असेल. ते या दोन महिन्याच्या काळात मतदारसंघाचा आढावा घेऊन आपला अहवाल देणार आहेत. कोणता मतदारसंघ अधिक मजबूत आहे? कुठे उमेदवार बदलण्याची गरज आहे. स्थानिक मुद्दे काय आहेत? या सगळ्याचा अहवाल हे नेते देणार आहेत. त्यानुसार उमेदवारांची निवड होण्याची शक्यता आहे.

नुकत्याच झालेल्या लोकसभा निवडणुकीत छत्तीसगडमधील 11 पैकी 10 जागांवर भाजपच्या उमेदवारांनी विजय मिळवला. यापूर्वी झालेल्या विधानसभा निवडणुकीत भाजपने 90 पैकी 54 जागांवर यश मिळवत काँग्रेसचा पराभव करून सत्ता मिळवली होती. त्यामुळे छत्तीसगड पॅटर्नची चर्चा जोरात सुरू होती. त्यामुळे मराठवाड्यातही याच पॅटर्ननुसार, रणनिती आखण्याचा भाजप पक्षश्रेष्टींचा मानस आहे.

संबंधित बातम्या