Prashant Jagtap : “भाजपशी दोन हात करण्याची तयारी असलेल्या नेत्याची मला थेट ऑफर पण…”

राज्यातील आक्रमक चेहरा आणि भाजपशी दोन हात करण्याची तयारी असलेला नेता माझ्याशी फोनवर बोलला. त्यांनी माझ्या भावना समजवून घेतल्या.

Prashant Jagtap On New Party Offer : शरद पवारांच्या पक्षाला रामराम करत नव्या वाटेवर असणाऱ्या प्रशांत जगताप यांनी भाजपशी दोन हात करण्याची तयारी असलेला नेता माझ्याशी बोलला असे म्हणत ते नेमके कोणत्या पक्षात प्रवेश करणार आहेत याबद्दल  अजुनही सस्पेन्स कायम ठेवला आहे. पुढील आज मी माझ्या राजकीय जीवनाचा योग्य तो निर्णय घेईन. माझी लढाई ही संविधानासाठी आणि पुरोगामी चळवळीसाठी आहे. ती कुठल्याही एखादा नेता आणि पक्षाच्या विरोधातील आहे. त्यामुळे आज जे भाजप सरकारला आव्हान देऊ शकतात, महायुती सरकारला आव्हान देऊ शकता, अशा पक्षाची निवड करणार आहे असे सांगत जगताप यांनी मला उद्धव ठाकरेंचा फोन आल्याचे सांगितले. पण ते काँग्रेसमध्ये जाणार की, उद्धव ठाकरेंसोबत याबाबत त्यांनी स्पष्ट बोलण्यास नकार दिला.

ठरलं! 26 तारखेला ‘तुतारी’ जोरात वाजणार; अजितदादा कार्यकर्त्यांसाठी करणार मनोमिलनाची घोषणा

तुमचा योग्य तो सन्मान ठेवू, ठाकरेंची ऑफर

प्रशांत जगताप हे आज काँग्रेसमध्ये पक्षप्रवेश करणार असल्याची माहिती समोर आली आहे. प्रशांत जगताप आज काँग्रेसमध्ये पक्ष प्रवेश करणार आहेत. काँग्रेस प्रदेशाध्यक्ष हर्षवर्धन सपकाळ यांच्या उपस्थितीत जगतापांचा पक्षप्रवेश होणार आहे, दुपारी 12 वाजता टिळक भवनला पक्षप्रवेश होणार असल्याची माहिती समोर आली आहे. तर शिवसेना ठाकरे गटाकडून देखील प्रशांत जगताप यांना ऑफर असल्याची माहिती समोर आली आहे. शिवसेनेत या तुमचा योग्य सन्मान राखू. आम्ही भाजपा सोबत कदापी जाणार नाही, असं म्हणत उद्धव ठाकरे यांची प्रशांत जगताप यांना ऑफर दिल्याची माहिती समोर आली आहे.

अजित पवार तयार असतील तर त्यांना अटीशिवाय मविआत घेऊ; अंकुश काकडेंनी स्पष्टच सांगितलं

याबाबत एबीपी माझाशी बोलताना जगताप म्हणाले की, मी उद्धव ठाकरे आणि सचिन आहिर यांचे आभार मानतो. माझ्यासारख्या छोट्या कार्यकर्त्याशी बोलायला त्यांनी वेळ दिला. या राज्यातील आक्रमक चेहरा आणि भाजपशी दोन हात करण्याची तयारी असलेला नेता माझ्याशी फोनवर बोलला. त्यांनी माझ्या भावना समजवून घेतल्या. तुम्ही आमच्या पक्षात काम करु शकता, असे त्यांनी सांगितले. मी उद्धव साहेबांचा कायम ऋणी राहीन. पण, मी भाजप किंवा महायुतीमधील तिन्ही पक्षांमध्ये कुठेही जाणार नाही.

Pune Election : पुण्यात उद्धव ठाकरेंना धक्का…पृथ्वीराज सुतार आणि संजय भोसले भाजपात डेरेदाखल…

एकनाथ शिंदेंचाही जगतापांना फोन

एकनाथ शिंदे यांनी प्रशांत जगताप यांना काही वेळापूर्वीच फोन केल्याची माहिती समोर आली आहे.  मात्र प्रशांत जगताप यांनी शिंदेशी बोलणे टाळले असल्याचं समोर आलं आहे. शिवसेना पक्षात येण्याची एकनाथ शिंदे यांची प्रशांत जगताप यांना ऑफर होती का? अशी चर्चा राजकीय वर्तुळात रंगली आहे.

संबंधित बातम्या