IPL Schedule 2023 : ‘या’ तारखेपासून उडणार आयपीएलचा धुराळा; पहिल्या सामन्यात पांड्या धोनीला भिडणार!
- Written By: Digambar Jadhav Published:
IPL Schedule 2023 : इंडियन प्रीमियर लीगच्या (IPL ) १६ व्या हंगामाचे वेळापत्रक जाहीर करण्यात आले आहे. भारतीय क्रिकेट नियामक मंडळाने (BCCI) शुक्रवारी (१७ फेब्रुवारी) माहिती दिली, पहिला सामना ३१ मार्च रोजी गतविजेता गुजरात टायटन्स आणि ४ वेळेस विजेता ठरलेला चेन्नई सुपर किंग्ज यांच्यात होणार आहे. याचाच अर्थ युवा स्टार हार्दिक पांड्याला (Hardik Pandya) पहिल्याच सामन्यात अनुभवी महेंद्रसिंग धोनीचे (Mahendra Singh Dhoni) आव्हान असणार आहे. २८ मे रोजी अंतिम सामना होणार आहे.
५२ दिवसांत १० संघात ७० लीग सामने खेळवले जाणार आहेत. यानंतर ४ प्लेऑफ सामने खेळवले जाणार आहेत. अशा प्रकारे या स्पर्धेत एकूण ७४ सामने होणार आहेत. १८ डबल हेडर राहणार (एका दिवसात दोन सामने). हे सर्व सामने देशभरात एकूण १२ ठिकाणच्या मैदानावर खेळवले जाणार आहेत. साखळी फेरीत एक संघ आपल्या घरच्या मैदानावर ७ सामने आणि विरोधी संघाच्या मैदानावर ७ सामने खेळणार आहेत. मागील वेळेस गुजरात टायटन्सने अंतिम फेरीत राजस्थान रॉयल्सचा पराभव करून विजेतेपद पटकावले होते. तो प्रथमच आयपीएलमध्ये खेळणार आहे. पहिल्याच प्रयत्नात तो यशस्वी झाला होता.
IPL २०१९ नंतर प्रथमच सर्व संघांच्या घरच्या मैदानावर हा सामना खेळवला जाणार आहे. कोरोना साथीच्या रोगामुळे २०२० मध्ये यूएईमध्ये ही स्पर्धा आयोजित करण्यात आली होती. त्यावेळी, २०२१ मध्ये भारतात काही मैदानांवर सामने खेळवले गेले होते, परंतु कोरोना महामारीने ते मध्यभागी थांबवले गेले आणि यूएईमध्ये पूर्ण झाले. २०२२ मध्ये ही स्पर्धा भारतात खेळली गेली, परंतु मुंबई- पुणे येथे लीग सामने आणि अहमदाबाद- कोलकता येथी मैदानात प्लेऑफ सामने खेळले गेले.
Full schedule of IPL 2023! Starts from 31st of March #IPL2023 #IPLSCHEDULE pic.twitter.com/KqE5cQTaTn
— Aniket Wani (@aniket_wani) February 17, 2023
सर्व संघाला १४- १४ सामने खेळावे लागणार
सर्व १० संघांची दोन गटात विभागणी करण्यात आली. ग्रुप स्टेजमध्ये प्रत्येक संघ १४- १४ सामने खेळावे लागणार आहे. या दरम्यान, प्रत्येक संघाला त्यांच्या घरी ७ सामने खेळावे लागणार आहेत, तर उर्वरित ७ सामने विरोधी संघाच्या मैदानावर खेळावे लागणार आहेत. अशा प्रकारे प्रत्येक संघ ७ होम आणि ७ अवे सामने खेळणार आहे.
आयपीएल २०२३
संघ -अ: मुंबई इंडियन्स, कोलकाता नाइट रायडर्स, राजस्थान रॉयल्स, दिल्ली कॅपिटल्स, लखनौ सुपर जायंट्स.
संघ -ब: चेन्नई सुपर किंग्ज, पंजाब किंग्ज, सनरायझर्स हैदराबाद, रॉयल चॅलेंजर्स बंगळुरू, गुजरात टायटन्स.
१२ ठिकाणी सामने
IPL २०२३ मध्ये एकूण १२ सामने १२ ठिकाणी खेळवले जाणार आहेत. यावेळी गुवाहाटी, धर्मशाला येथेही आयपीएल सामने आयोजित करण्याची संधी मिळणार आहे. यावेळी अहमदाबाद, मोहाली, लखनऊ, हैदराबाद, बंगळुरू, चेन्नई, दिल्ली, कोलकाता, जयपूर, मुंबई, गुवाहाटी, धर्मशाला या स्टेडियमवर सामने खेळवले जाणार आहेत.
