अखिल भारतीय नाट्य परिषदेकडून व्यावसायिक व प्रायोगिक नाटकांसाठीचे पुरस्कार जाहीर

Akhil Bharatiy Marathi Natya Parishad: अखिल भारतीय मराठी नाट्य परिषद (Akhil Bharatiy Marathi Natya Parishad) दरवर्षी 14 जून रोजी गो.ब. देवल स्मृति पुरस्काराचे आयोजन करण्यात येते. (Professional Award) या पुरस्कारांसोबतच प्रतीवर्षी व्यावसायिक व प्रायोगिक मराठी रंगभूमीवरील सर्व विभागातील कलावंत, तंत्रज्ञ यांना पुरस्कार देऊन सन्मानित करण्यात येते.

यंदाही व्यावसायिक मराठी रंगभूमीवरील सर्वोत्कृष्ट लेखकाचा पुरस्कार संकर्षण कऱ्हाडेला तर मराठी रंगभूमीवरील व्यावसायिक दिग्दर्शकाचा पुरस्कार चंद्रकांत कुलकर्णीला नेपथ्यकार विभागाचा पुरस्कार संदेश बेंद्रे, तर प्रकाश योजना पुरस्कार अमोघ फडके (नाटक- जर तर ची गोष्ट), पार्श्वसंगीतकार पुरस्कार सौरभ भालेराव (नाटक – आजीबाई जोरात), रंगभूमीवरील रंगभूषाकार पुरस्कार उल्लेश खंदारे (नाटक – कुर्र ) या नाटकास देण्यात आला आहे.

यावर्षी मराठी रंगभूमीवरील सर्वोत्कृष्ट व्यावसायिक नाटक म्हणून ‘नियम व अटी लागू’ या नाटकास पुरस्कार जाहीर करण्यात आला. व्यावसायिक रंगभूमीवरील सर्वोत्कृष्ट अभिनेता म्हणून संकर्षण कऱ्हाडे (नाटक -नियम व अटी लागू) यांना तर सर्वोत्कृष्ट विनोदी अभिनेता म्हणून मयुरेश पेम (नाटक -ऑल द बेस्ट), सर्वोत्कृष्ट सहाय्यक अभिनेता पुरस्कार आशुतोष गोखले (नाटक – जर तर ची गोष्ट) या नाटकासाठी देण्यात आला आहे.

मराठी रंगभूमीवरील सर्वोत्कृष्ट अभिनेत्री म्हणून यावर्षी श्रीमती लीना भागवत (नाटक – इवलेसे रोप) यांना जाहीर करण्यात आला. तर सर्वोत्कृष्ट विनोदी अभिनेत्री म्हणून शलाका पवार (नाटक- हीच तर फॅमिलीची गंम्मत) तर सहाय्यक अभिनेत्री पुरस्कार पर्ण पेठे (नाटक – चार चौघी), तसेच मराठी रंगभूमीवरील सर्वोत्कृष्ट व्यावसायिक संगीत नाटक म्हणून रंगशारदा प्रतिष्ठान या संस्थेच्या ‘डबल लाईफ’ या नाटकाची निवड करण्यात आली.

‘Pushpa 2’ मध्ये राष्ट्रीय पुरस्कार विजेते संगीतकार DSP आणि श्रेया घोषाल गाणार एकत्र गाणं

तसेच प्रायोगिक, हौशी रंगभूमीवर कार्य करणाऱ्या संस्था व कलावंतांना प्रतीवर्षी पुरस्कार देऊन गौरविण्यात येते. यावर्षी प्रायोगिक रंगभूमीवरील सर्वोत्कृष्ट संगीत नाटक पुरस्कार, परस्पर सहाय्यक मंडळ (वाघांबे) मुंबई या संस्थेच्या ‘संगीत जय जय गौरीशंकर’ नाटकास जाहीर करण्यात आला आहे. तर सर्वोत्कृष्ट प्रायोगिक नाटक पुरस्कार नवी मुंबईच्या शिव रणभूमी प्रशांत प्रतिष्ठान, नवीमुंबई या संस्थेच्या ‘i m पुंगळ्या शारूक्या आगीमहूळ’ या नाटकास जाहीर करण्यात आला.

प्रायोगिक नाटक सर्वोत्कृष्ट दिग्दर्शक पुरस्कार विवेक बेळे यांना, तर प्रायोगिक नाटकातील सर्वोत्कृष्ट पुरुष कलाकार म्हणून प्रशांत निगडे तर प्रायोगिक नाटकातील सर्वोत्कृष्ट अभिनेत्री म्हणून बकुळ धवने (नाटक – दि फिअर फॅक्टर) यांना, तर सर्वोत्कृष्ट प्रायोगिक संगीत नाटकातील सर्वोत्कृष्ट गायक अभिनेता म्हणून विशारद गुरव (नाटक – संगीत जय जय गौरीशंकर) यांना, तर प्रायोगिक संगीत नाटकातील सर्वोत्कृष्ट गायक अभिनेत्री म्हणून शारदा शेटकर (नाटक -संन्यस्त खड्ग) , तर प्रायोगिक रंगभूमीवरील सर्वोत्कृष्ट लेखक पुरस्कार इरफान मुजावर यांना जाहीर करण्यात आला आहे. सर्व पुरस्कार प्राप्त कलावंतांना 14 जून 2024 रोजी यशवंतराव चव्हाण नाट्यसंकुल मनमाला टँक रोड मांटुगा – माहीम मुंबई येथे पुरस्कार प्रदान करण्यात येणार असल्याची माहिती नाट्य परिषदेचे अध्यक्ष प्रशांत दामले यांनी दिली.

संबंधित बातम्या