टीव्हीची ‘पार्वती’ परतली! साक्षी तंवर पुन्हा छोट्या पडद्यावर, एका एपिसोडसाठी तब्बल 14 लाखांची फी

भारतीय दूरदर्शनवरील सर्वाधिक लोकप्रिय अभिनेत्रींपैकी एक असलेल्या साक्षी तंवर पुन्हा एकदा प्रेक्षकांच्या भेटीला येत आहेत.

Sakshi Tanwar Charges Rs 14 Lakh For Episode : भारतीय दूरदर्शनवरील सर्वाधिक लोकप्रिय अभिनेत्रींपैकी एक असलेल्या साक्षी तंवर पुन्हा एकदा प्रेक्षकांच्या भेटीला येत आहेत. पण यावेळी त्या आपल्या जुन्या आणि लाडक्या पात्रात ‘पार्वती’ पुन्हा झळकणार आहे. मात्र गंमत अशी की, पार्वतीची ही पुनरागमन कथा “क्योंकि सास भी कभी बहू थी” या एकता कपूरच्या सुपरहिट शोमध्ये होणार आहे! दोन दिग्गज सिरियल्सचा हा अनपेक्षित क्रॉसओव्हर सध्या प्रेक्षकांमध्ये प्रचंड उत्सुकता निर्माण करत आहे.

कोणतीही तडजोड न करता

एकता कपूरच्या प्रॉडक्शन टीममधील सूत्रांच्या माहितीनुसार, साक्षी तंवर (Sakshi Tanwar) या त्यांच्या या खास कॅमियो रोलसाठी तब्बल 12 ते 14 लाख रुपये प्रति एपिसोड इतकी मोठी फी घेणार आहेत. निर्मात्यांनी सांगितले, साक्षी तंवर हे असे नाव आहे जे लगेचच नॉस्टॅल्जियाची भावना (Kyunki Saas Bhi Kabhi Bahu) जागवते. त्यामुळे त्यांच्या उपस्थितीमुळे शोला पुन्हा एकदा त्या सुवर्णकाळाची झलक मिळणार (Entertainment News) आहे. म्हणूनच एकता कपूर यांनी कोणतीही तडजोड न करता त्यांना पुन्हा पडद्यावर आणण्याचा निर्णय घेतला.

तुलसीच्या जगात एक नवा ट्विस्ट

पार्वतीच्या प्रवेशामुळे तुलसीच्या जगात एक नवा ट्विस्ट येणार आहे. स्मृती इराणी उर्फ तुलसी आणि साक्षी तंवर उर्फ पार्वती हे दोघेही एका फ्रेममध्ये दिसणार आहेत — आणि हे दृश्य म्हणजे 2 हजारच्या दशकातील टीव्हीच्या चाहत्यांसाठी एक स्वप्नवत क्षण ठरणार आहे. कथानकातील हा भाग अद्याप गुप्त ठेवण्यात आला असला तरी, चर्चा अशी आहे की हा सीक्वेन्स शोच्या नव्या रिबूट प्लॉटचा एक महत्त्वाचा टर्निंग पॉइंट ठरेल.

क्लासिक युगाची आठवण

दरम्यान, “क्योंकि सास भी कभी बहू थी” हा नवा सीझन 18 ते 20 ऑक्टोबरदरम्यान दररोज रात्री 10:30 वाजता स्टार प्लसवर प्रसारित होणार आहे. साक्षी तंवरच्या पुनरागमनाने एकदा पुन्हा भारतीय टीव्हीच्या क्लासिक युगाची आठवण जागी होणार आहे. प्रेक्षकांसाठी हा अनुभव म्हणजे खरी दिवाळीची भेट ठरणार आहे.

संबंधित बातम्या