Box Office : ‘कल्की 2898 एडी’ची सुसाट घोडेदौड, पठाणला टाकले मागे, 9व्या दिवशी केली इतकी कमाई

Kalki 2898 AD Box Office Collection Day 9: प्रभासचा (Prabhas) नवीनतम रिलीज चित्रपट ‘कल्की 2898 एडी’ (Kalki 2898 AD) 27 जून रोजी सर्वात मोठ्या प्री-सेल रेकॉर्डसह पाच भाषांमध्ये रिलीज झाला. या चित्रपटाला प्रेक्षकांचा उदंड प्रतिसाद मिळत आहे. रिलीजच्या पहिल्या दिवसापासूनच या चित्रपटाने बॉक्स ऑफिसवर (Box Office) मोठी कमाई केली असून अनेक विक्रमही आपल्या नावावर केले आहेत. आता दुसऱ्या आठवड्यात प्रवेश केला आहे. ‘कल्की 2898 एडी’ने रिलीजच्या 9व्या दिवशी म्हणजेच दुसऱ्या शुक्रवारी किती कलेक्शन केले चला तर मग जाणून घेऊया?

 

View this post on Instagram

 

A post shared by Prabhas (@actorprabhas)

रिलीजच्या 9व्या दिवशी किती कमाई केली?

प्रभास स्टारर ‘कल्की 2898 एडी’ या वर्षातील सर्वाधिक कमाई करणारा चित्रपट ठरला आहे. या बिग बजेट चित्रपटाचा ज्वर प्रेक्षकांमध्ये जोरात सुरू असून यासोबतच ‘कल्की 2898 एडी’ पाहण्यासाठी चित्रपटगृहांमध्ये प्रेक्षकांची मोठी गर्दी पाहायला मिळत आहे. पहिल्या वीकेंडला चित्रपटाने भरपूर कमाई केली होती, तर वीकेंडलाही ‘कल्की 2898 एडी’ने दररोज 20 कोटींहून अधिक कमाई केली आहे. पहिल्या आठवड्यात तिकिटांची संख्या उडाल्यानंतर आता हा चित्रपट रिलीजच्या दुसऱ्या आठवड्यात पोहोचला आहे.

चित्रपटाच्या कमाईबद्दल बोलायचे झाल्यास, ‘कल्की 2898 एडी’ने देशभरात 95.3 कोटी रुपयांचे खाते उघडले आहे. चित्रपटाने दुसऱ्या दिवशी 59.3 कोटींची कमाई केली होती. तिसऱ्या दिवशी ‘कल्की 2898 एडी’ने 66.2 कोटींची कमाई केली. चौथ्या दिवशी चित्रपटाने 88.2 कोटी रुपयांची कमाई केली, तर पाचव्या दिवशी ‘कल्की 2898 एडी’ची कमाई 34.15 कोटी रुपये होती. सहाव्या दिवशी 27.05 कोटी रुपये आणि सातव्या दिवशी कमाई 22.25 कोटी रुपये होती. यासोबतच चित्रपटाने एका आठवड्यात 414.85 कोटींची कमाई केली आहे.

सॅकनिकच्या सुरुवातीच्या ट्रेंड रिपोर्टनुसार, ‘कल्की 2898 AD’ ने रिलीजच्या 9व्या दिवशी 17.25 कोटी रुपये कमवले आहेत, ज्यापैकी चित्रपटाने तेलुगूमध्ये 6 कोटी रुपये, तमिळमध्ये 1 कोटी रुपये, हिंदीमध्ये 9.35 कोटी रुपये कमवले आहेत. कन्नडमध्ये 0.2 कोटी रुपये, मल्याळममध्ये 0.2 कोटी रुपये जमा झाले आहेत. यासह, कल्की 2898 एडीची 9 दिवसांची एकूण कमाई आता 432.1 कोटी रुपये झाली आहे. या चित्रपटाने 9 दिवसांत तेलगूमध्ये 218.25 कोटी रुपये, तामिळमध्ये 24.1 कोटी रुपये, हिंदीमध्ये 171.85 कोटी रुपये, कन्नडमध्ये 3 कोटी रुपये आणि मल्याळममध्ये 14.9 कोटी रुपयांची कमाई केली आहे.

‘कल्की 2898 एडी’ने बाहुबलीचा रेकॉर्ड मोडला
नवव्या दिवशी ‘कल्की 2898 एडी’च्या कमाईत घट झाली आहे, पण या चित्रपटाने प्रभासच्या 2015 मध्ये रिलीज झालेल्या बाहुबली 2 (421 कोटी) चा रेकॉर्ड मोडला आहे. यासह, ‘कल्की 2898 एडी’ सर्वाधिक कमाई करणाऱ्या भारतीय चित्रपटांच्या यादीत 8 व्या स्थानावर आला आहे. त्याचबरोबर ‘कल्की 2898 एडी’ने पठाणच्या नवव्या दिवसाच्या कलेक्शनचा विक्रमही मोडला आहे. ‘कल्की 2898 एडी’ने नवव्या दिवशी 17 कोटींहून अधिक कमाई केली आहे, तर पठाणची नवव्या दिवशी कमाई 15 कोटी रुपये होती.

Kalki 2898 AD : ‘कल्की 2898 एडी’च्या सिक्वेलची चर्चा होताच दिग्दर्शकांनी थेटच सांगितले, म्हणाला

‘कल्की 2898 एडी’ स्टार कास्ट
600 कोटी रुपयांच्या बजेटमध्ये बनलेल्या ‘कल्की 2898 एडी’चे दिग्दर्शन नाग अश्विनने केले आहे. प्रभासशिवाय अमिताभ बच्चन, दीपिका पदुकोण, कमल हासन आणि दिशा पटानी यांच्यासह अनेक कलाकारांनी चित्रपटात दमदार भूमिका साकारल्या आहेत.

संबंधित बातम्या