गौतम अदानींच्या अडचणीत वाढ, हिंडेनबर्ग रिपोर्टनंतर अमेरिकेतही चौकशी होणार

Adani Group Stocks: प्रसिद्ध उद्योगपती गौतम अदानी (Gautam Adani) यांच्या अदानी समूहाच्या अडचणी पुन्हा एकदा वाढू शकतात. सर्वोच्च न्यायालयाच्या आदेशानंतर भारतातील शेअर बाजाराची नियामक सेबी आधीच अदानी समूहाविरुद्ध चौकशी करत आहे. शॉर्ट सेलर हिंडेनबर्ग रिसर्च रिपोर्ट (Hindenburg report) समोर आल्यानंतर, अमेरिकन एजन्सी अदानी ग्रुपमध्ये गुंतवणूक करणाऱ्या अमेरिकन गुंतवणूकदारांना डिस्क्लोजर मध्ये समूहाने कोणती माहिती शेअर केली आहे हे शोधण्याचा प्रयत्न करत आहेत. हिंडेनबर्गने अदानी समूहावर विदेशी कंपन्यांच्या माध्यमातून समूह कंपन्यांच्या समभागांच्या किमतींमध्ये फेरफार केल्याचा आरोप केला.

ब्लूमबर्गच्या अहवालानुसार, न्यूयॉर्कमधील ब्रुकलिन येथील यूएस अॅटर्नीच्या कार्यालयाने अलीकडच्या काही महिन्यांत अदानी समूहाच्या शेअर्समध्ये मोठ्या प्रमाणात गुंतवणूक केलेल्या संस्थात्मक गुंतवणूकदारांना माहिती देण्यास सांगितले आहे. या संस्थात्मक गुंतवणूकदारांना विचारण्यात आले आहे की अदानी समूहाने गुंतवणूकदारांना डिस्क्लोजर करताना कोणती माहिती दिली आहे.

Video : PM मोदींच्या भाषणावेळी 15 वेळा उभे राहिले खासदार, 79 वेळा झाला टाळ्यांचा कडकडाट

त्याच धर्तीवर अमेरिकेचे सुरक्षा आणि विनिमय आयोगही तपास करत आहे. मात्र, या तपासाचा अर्थ कोणत्याही प्रकारचा दिवाणी किंवा फौजदारी गुन्हा दाखल करून कारवाई सुरू केली जाईल, असे नाही. अनेक वेळा कायदेशीर एजन्सी केवळ त्यांच्या वतीने तपास करतात ज्यामध्ये कोणतीही कारवाई केली जात नाही. ही बातमी समोर आल्यानंतर हिंडेनबर्ग रिसर्चचे नॅट अँडरसन यांनी ट्विट केले की, दोन्ही अमेरिकन एजन्सी अदानी समूहाच्या गुंतवणूकदारांनी केलेल्या खुलाशांची चौकशी करत आहेत.

Major development: The U.S. Department of Justice and the SEC are probing Adani, according to Bloomberg.

Both agencies are said to be scrutinizing Adani's disclosures to investors. https://t.co/A8REaguNq4

— Nate Anderson (@NateHindenburg) June 22, 2023

हिंडेनबर्ग संशोधन अहवालात अदानी समूहावर आरोप झाल्यानंतर अमेरिकन एजन्सींकडून अदानी समूहाबाबत गोळा करण्यात येत असलेली माहिती या समूहाविरुद्ध वाढत्या पाळत ठेवण्याकडे इशारा करत आहे. पंतप्रधान नरेंद्र मोदी हे अमेरिकेच्या दौऱ्यावर असताना आणि तिथे त्यांचे जल्लोषात स्वागत होत असताना अदानी समूहाविरुद्ध अमेरिकन एजन्सीकडून चौकशी सुरू असल्याची बातमी आली आहे.