कर चुकवल्याप्रकरणी जो बायडेन यांचा मुलगा हंटर अडचणीत; विरोधकांनी चांगलच घेरलं
- Written By: Amol Bhingardive Published:
Joe Biden : अमेरिकेत अध्यक्षीय निवडणुकीपूर्वी राष्ट्राध्यक्ष जो बायडन (Joe Biden) यांच्यावर सध्या जोरदार टीका होत आहे. राष्ट्राध्यक्ष बायडन यांचा मुलगा हंटर बायडनवर (Hunter Biden) कर चुकवल्याचा आरोप ठेवण्यात आला आहे. 2018 साली डेलावेयरमध्ये बंदुकांची अवैध खरेदीसह दहशत पसरविल्याचे तीन अभद्र व्यवहार केल्याचा आरोप करण्यात आले आहेत. जो बायडन यांचा मुलगा हंटने कायद्याचं उल्लंघन केल्याने अडचणीत सापडला आहे.
‘मेक इन इंडिया’च्या धर्तीवर ‘वेड इन इंडिया’ चळवळ सुरु करा; PM मोदींचा कानमंत्र
विशेष वकील डेव्हिड वेस यांनी एका निवेदनात म्हटले, हंटर बायडेनने आपल्या कराची बिले भरण्याऐवजी दैनंदिन व्यवहारांसाठी लाखो डॉलर्स खर्च केले आहेत. हंटर बिडेन यांच्यावर 2016 ते 2019 दरम्यान हा आरोप ठेवण्यात आला होता. किमान US$1.4 दशलक्ष कर थकबाकी असल्याचं समोर आलं होतं. या काळात हंटरने अंमली पदार्थांचं व्यसन करत असल्याची पुष्टी केली होती.
‘मलिक कोणत्या गटात माहित नाही, पत्राचं काय करायचं ते मी करीन’; फडणवीसांच्या पत्रावर अजितदादांचा भडका
वेस म्हणाले की, हंटर दोषी ठरल्यास 17 वर्षांपर्यंत तुरुंगवास भोगावा लागू शकतो. तसेच विशेष तपास सुरूच राहणार असल्याचे त्यांनी सांगितले. बचाव पक्षाचे वकील अ‍ॅबे लोवेल यांनी या प्रकरणात रिपब्लिकन पक्षाच्या दबावापुढे झुकण्याचा आरोप वेसवर केला आहे.
इथेनॉल निर्मितीवरील बंदीमुळे राजू शेट्टी आक्रमक; शेलक्या शब्दात सरकावर बरसले
तथ्ये आणि कायद्याच्या आधारे, जर हंटरचे आडनाव बायडेन व्यतिरिक्त दुसरे काही असते तर त्याच्यावर डेलावेअर आणि आता कॅलिफोर्नियामध्ये आरोप लावले गेले नसते. लॉवेल यांनी एका निवेदनात म्हटले आहे. व्हाईट हाऊसने या प्रकरणावर भाष्य करण्यास नकार दिला. फिर्यादी लिओ वेस म्हणाले की, कॅलिफोर्निया न्यायालयात दाखल केलेल्या कागदपत्रांमध्ये हंटरच्या खर्चाचा तपशील आहे. कागदपत्रांनुसार, हंटरने ड्रग्ज, आलिशान हॉटेल्स, महागड्या गाड्या आणि त्याच्या मैत्रिणींवर प्रचंड खर्च केला पण त्याने कर भरला नाही.
‘सत्यजित आवाज देत नाहीस, तुम्हीच आवाज बंद केला’; चव्हाणांच्या सवालावर तांबेंचं खास शैलीत प्रत्युत्तर
दरम्यान, रिपब्लिकन खासदारांनी राष्ट्रपतींविरुद्ध चौकशी आणि महाभियोगाची मागणी करत आहेत. बायडेन यांनी आपल्या मुलासह एका मोठ्या योजनेच्या निधीचा अपहार केल्याचा त्यांचा दावा आहे. तपासाला मंजुरी देण्यासाठी पुढील आठवड्यात सभागृहात मतदान होऊ शकते, असे बोलले जात आहे.
