डोनाल्ड ट्र्म्पना धक्का! वादग्रस्त नागरिकता आदेशाला सुप्रीम कोर्टाकडूनही स्थगिती

US Supreme Court on Citizenship : अमेरिकेचे राष्ट्राध्यक्ष डोनाल्ड ट्रम्प (Donald Trump) यांना सुप्रीम कोर्टाकडून मोठा झटका (US Supreme Court) बसला आहे. न्यायालयाने डोनाल्ड ट्रम्प यांच्या नागरिकेतवर बंदी घालण्याच्या प्रस्तावावर स्थगिती दिली आहे. आता या प्रकरणी पुढील सुनावणी मे महिन्यात होणार आहे. यूएस कोर्ट डोनाल्ड ट्रम्प यांचा हा निर्णय संवैधानिक आहे किंवा नाही याचा निर्णय आताच घेणार नाही. दरम्यान, याआधी वॉशिंग्टनचे जिल्हा न्यायाधीश जॉन कॉफनर यांनी डोनाल्ड ट्रम्प यांच्या बर्थ राइट आदेशाच्या अंमलबाजवणीवर स्थगिती आणली होती. त्यानंतर आता सुप्रीम कोर्टानेही या आदेशाला स्थगिती दिली आहे. डोनाल्ड ट्रम्प यांच्यासाठी हा मोठा धक्का मानला जात आहे.

तीन न्यायाधीशांनी वेगवेगळ्या निर्णयांत ट्रम्प यांच्या नागरिकता आदेश स्थगिती दिली आहे. ट्रम्प प्रशासनाच्या या निर्णयात अमेरिकेत जन्मलेल्या मुलांची नागरिकता संपुष्टात आणण्याची तरतूद करण्यात आली होती. या निर्णयाला सुरुवातीपासूनच मोठा विरोध केला जात होता. ट्रम्प प्रशासनाचा हा आदेश 14 व्या संशोधनाचे उल्लंघन असल्याचे न्यायाधीशांनी स्पष्ट केले.

डोनाल्ड ट्रम्प यांना झटका! वादग्रस्त नागरिकता आदेशावर न्यायालयाकडून स्थगिती

मागील महिन्यात ट्र्म्प सरकारने सुप्रीम कोर्टात एक याचिका दाखल केली होती. यात म्हटले होते की मनाई आदेश काढून टाकावेत किंवा कमी तरी करावेत. खालच्या न्यायालयांना इतका मोठा निर्णय घेण्याचे अधिकार नसावेत असेही ट्रम्प सरकारने या याचिकेत म्हटले होते.

आता या प्रकरणात पुढील सुनावणी 15 मे रोजी होणार आहे. संपू्र्ण देशात लागू होणारे आदेश देण्याचा अधिकार जिल्हा न्यायाधीशांना आहे की नाही यावर सुनावणी होणार आहे. जिल्हा न्यायाधीशांनी आपल्या अधिकारापेक्षा जास्तीचे आदेश दिले आहेत हा तर्क जर सुप्रीम कोर्टाने मान्य केला तर ट्रम्प प्रशासनाला देशाच्या काही भागांत नागरिकेतसंबंधी धोरण लागू करण्याची परवानगी मिळू शकते.

ट्रम्प प्रशासनाने दिला होता आदेश

ट्रम्पने त्यांच्या दुसऱ्या कार्यकाळात पहिल्याच दिवशी आदेश जारी केला होता. अमेरिकेत जन्मलेल्या त्या मुलांना नागरिकता दिली जाणार नाही ज्यांचे पालक कागदपत्रे नसताना आणि अस्थायी व्हीसा घेऊन अमेरिकेत आहेत. कायदेतज्ज्ञांच्या मते ट्रम्प सरकारचा हा निर्णय कायद्याच्या विरुद्ध आहे. अमेरिकी संविधानातील 14 व्या संशोधनाचे उल्लंघन यामुळे होते असे कायदेतज्ज्ञांचे मत आहे. 14 व्या संशोधनानुसार जो कुणीही व्यक्ती अमेरिकेत जन्मलेला असेल आणि अमेरिकी कायद्यांच्या अधीन असेल तो अमेरिकेचा नागरिक मानला जाईल.

डोनाल्ड ट्रम्प यांच्या ‘टॅरिफ’ ब्रेक मागे वेगळाच प्लॅन; चीनवर दबाव अन् जगभरात बिजनेस डील..

संबंधित बातम्या