इंजेक्शन, टॅब्लेट की लिक्वीड… औषध घेण्याचा सर्वोत्तम मार्ग कोणता?
- Written By: Rohini Gudaghe Published:
What Is Best way To Get Medication : जेव्हा कोणताही व्यक्ती आजारी पडतो, तेव्हा डॉक्टर त्याच्या आजारपणाच्या स्थितीनुसार त्याला औषधे (Medicine) देतात. डॉक्टर त्यांच्या रुग्णांना विविध स्वरूपात औषधे (Liquid) देतात, ज्यामध्ये गोळ्या, कॅप्सूल, द्रव सिरप, इंजेक्शन (Injection) किंवा इनहेलरसारखे इतर पर्याय समाविष्ट असतात. बऱ्याचदा आपल्या मनात प्रश्न येतो की, यापैकी कोणती औषधे सर्वात प्रभावी आहेत? आपल्याला कोणत्या प्रकारचा आजार आहे? आपली स्थिती किती गंभीर आहे, यावर औषधोपचाराची पद्धत ठरते.
गोळ्या आणि कॅप्सूल
गोळ्या आणि कॅप्सूल या सर्वात जास्त वापरल्या जाणाऱ्या पद्धती आहेत. गोळ्या सोबत ठेवण्यास सोप्या पडतात. बराच काळ साठवता येतात अन् कमी खर्चिक देखील आहेत. तथापि, गोळ्या पचण्यास आणि रक्तात विरघळण्यास (Health Tips) वेळ लागतो. म्हणून ज्या आजारांमध्ये त्वरित परिणाम आवश्यक नसतो. ताप, वेदना, ऍलर्जी, रक्तदाब या परिस्थितीत गोळ्या आणि कॅप्सूलसारखी औषधे दिली जातात.
एसटी महामंडळाला 120 कोटी, पगार 7 तारखेला होणार ; प्रताप सरनाईक यांची मोठी घोषणा
द्रव
ज्या रुग्णांना गिळण्याची क्षमता मर्यादित असते, जसे की लहान मुले किंवा वृद्ध, त्यांना द्रव म्हणजेच लिक्विड स्वरूपात औषधे दिली जातात. द्रव स्वरूपात उपलब्ध असलेली औषधे लवकर शोषली जातात आणि चवीनुसार बनवली जातात. परंतु त्यांचे प्रमाण योग्यरित्या निश्चित करणे आवश्यक आहे.
राज्यपाल हे पंतप्रधानांचे नोकर असल्यासारखं वागतात; उल्हास बापट नेमकं काय म्हणाले?
इंजेक्शन
जेव्हा औषध ताबडतोब शरीरात पोहोचवण्याची आवश्यकता असते, तेव्हा कोणत्याही रुग्णाला इंजेक्शन दिले जाते. इंजेक्शन ही सर्वात प्रभावी पद्धत आहे. हे थेट रक्तप्रवाहात (IV), स्नायूमध्ये (IM) किंवा त्वचेखाली (SC) दिले जातात. गंभीर संसर्ग, ऍलर्जीक प्रतिक्रिया किंवा शस्त्रक्रियेदरम्यान इंजेक्शन वापरले जातात. हे प्रामुख्याने उच्च ताप, निर्जलीकरण, गंभीर संसर्ग, मधुमेह (इंसुलिन) सारख्या परिस्थितीत दिले जाते.
औषध घेण्याचा सर्वोत्तम मार्ग कोणता?
औषधे देण्याचा कोणताही योग्य मार्ग नाही. हे पूर्णपणे रोगाची तीव्रता किती आहे, यावर अवलंबून असते. रुग्णाचे वय आणि शारीरिक स्थिती काय आहे, यानुसार औषध देण्याची प्रत्येक पद्धत आपापल्या जागी योग्य आहे. आपल्या आजाराच्या स्थितीनुसार डॉक्टर सर्वात योग्य पद्धत निवडतात. स्वतःहून औषधे घेण्याचे स्वरूप किंवा पद्धत बदलणे धोकादायक ठरू शकते, म्हणून सर्वोत्तम मार्ग म्हणजे नेहमीच डॉक्टरांचा सल्ला घेणे.
