राखीव जागांवर निवडून आलेल्या उमेदवारांसाठी मोठ्या घोषणेसह मंत्रिमंडळाच्या बैठकीत सहा मोठे निर्णय

Cabinet meeting मध्ये सहा मोठे निर्णय घेण्यात आले. कोण-कोणते आहेत हे निर्णय? जाणून घ्या सविस्तर...

Five major decisions of Cabinet meeting, including a significant announcement for candidates elected to reserved seats : राज्याच्या मंत्रिमंडळाची आठवड्याला होणारी बैठक पार पडली यामध्ये राखीव जागांवर निवडून आलेल्या उमेदवारांसाठी मोठ्या घोषणेसह सहा मोठे निर्णय घेण्यात आले कोण-कोणते आहेत? जाणून घ्या सविस्तर…

मंत्रिमंडळाच्या बैठकीत सहा मोठे निर्णय!

वैद्यकीय उपचारांमध्ये अचूकता यावी यासाठी निदान प्रणालीतील महत्वाचा असा प्रकल्प नागपूर येथे राबविण्यात येणार. त्यासाठी हाय एनर्जी मेडिकल सायक्लोट्रॉन प्रकल्प (High Energy Medical Cyclotron Project- NHECP) उभारणीस मान्यता. मध्य भारतातील एकमेव महत्वाकांक्षी प्रकल्प. गरजू नागरिकांना मोठा दिलासा मिळणार. विविध रोगांचे, आजारांचे निदान करण्यासाठी या प्रणालीचा वापर करता येणार. (वैद्यकीय शिक्षण व औषधी द्रव्ये विभाग)

मुठा नदीपात्र स्वच्छता अभियानात पर्यावरणप्रेमींचा उत्स्फूर्त सहभाग

महाराष्ट्र ग्रामीण पेय जल धोरण 2026 जाहीर. राज्यातील ग्रामीण भागातील पिण्याच्या पाण्याच्या टंचाईवर प्रभावी व कायमस्वरुपी उपाययोजनांवर भर. ग्रामीण पेयजल योजनांचा शाश्वत विकास होणार. विविध योजनांचे एकत्रिकरण करून धोरण राबविण्यात येणार. स्वच्छ, निर्जंतुक व दर्जेदार पाणी पुरवठा व्हावा यासाठीचे नियोजन. योजना चांगल्या रितीने राबविण्यासाठी दीर्घकालीन नियोजन होणार. (पाणी पुरवठा व स्वच्छता विभाग)

माहिती अधिकार कार्यकर्ता असणे हा आता एक नवा व्यवसाय बनलाय; सर्वोच्च न्यायालयाचे ताशेरे

महाराष्ट्र स्वयंचलित प्रणाली (Maharashtra Unmanned Systems Policy) धोरण-2026 जाहीर. हवाई, सागरी तसेच जमिनीवरील कृषि व अन्य ठिकाणच्या विविध कामांसाठी या स्वयंचलित प्रणालीतील उपकरणांची निर्मिती करण्यासाठीचे धोरण. जोखमीच्या आणि अवघड परिस्थितीतील कामांसाठी वापरता येणाऱ्या ड्रोनसह, विविध रोबोटसची निर्मिती या क्षेत्रातील संशोधन व विकास, मनुष्यबळ प्रशिक्षण आदी उपक्रमांना प्रोत्साहन मिळणार. (इलेक्ट्रॉनिक्स, माहिती तंत्रज्ञान व कृत्रिम बुध्दिमत्ता विभाग)

दक्षिणेचा विरोध मावळणार, मतदारसंघ पुनर्रचना, महिला आरक्षण विधेयक पुन्हा मांडणार; आकड्यांचा खेळ भाजपने जुळविला ?

राज्यात भारत नेट कार्यक्रम राबविण्यासाठी सुधारित पद्धतीस मंजुरी. हा (Amended Bharat Net Program) कार्यक्रम राबविण्यासाठी “महानेट डिजिटल इन्फ्रास्ट्रक्चर लिमिटेड (MDIL)” या नावाने विशेष हेतू वहन यंत्रणा (State-led Special Purpose Vehicle – SPV) स्थापन करणार. (इलेक्ट्रॉनिक्स, माहिती तंत्रज्ञान व कृत्रिम बुध्दिमत्ता विभाग)

मराठवाड्यात सोयाबीनच्या बियाणांची मोठी कमतरता; पाण्याची अडचण टँकरवर भागणार का?

विकसित भारत – जी राम जी (व्ही बी जी राम जी) योजनेची प्रभावी अंमलबजावणी व्हावी यासाठी विकसित भारत – जी राम जी कायदा, 2025 या कायद्याशी सुसंगत अशा तरतुदी महाराष्ट्र रोजगार हमी अधिनियम, १९७७ मध्ये करण्यात येणार. या तरतुदी तसेच अध्यादेश निर्गमित करण्यास मान्यता. (नियोजन विभाग)

मुख्यमंत्री भगवंत मान शीख धर्मविरोधी, संबंध तोडण्याचे निर्देश; ‘त्या’ प्रकरणात अकाल तख्तचा मोठा निर्णय

स्थानिक स्वराज्य संस्थामध्ये राखीव जागांवर निवडून आलेल्या उमेदवारांना जात वैधता प्रमाणपत्र सादर करण्यासाठी सहा महिन्यांची अंतिम मुदतवाढ. त्यासाठी मुंबई महापालिका अधिनियम, महाराष्ट्र नगरपालिका अधिनियम आणि महाराष्ट्र नगरपरिषदा, नगरपंचायती व औद्योगिक नगरी अधिनियमात सुधारणा करण्यास मंत्रिमंडळाची मंजुरी. (नगर विकास विभाग)

संबंधित बातम्या