अनैतिक संबंधात अडसर ठरत असल्याने पतीला संपवण्याचा प्लॅन फसला; वाचा, नक्की काय घडलं?

Chhatrapati Sambhajinagar Crime : छत्रपती संभाजीनगर येथून एक नात्याला काळीमा फासणारी घटना समोर आली आहे. अनैतिक संबंधात अडसर ठरणाऱ्या पतीची हत्या करण्यासाठी पत्नीने उशीने तोंड दाबलं तर तिच्या प्रियकराने गळा आवळून खून करण्याचा प्रयत्न केला. वरच्या मजल्यावर राहणाऱ्या घरमालकाला (Sambhajinagar) आवाज गेल्याने त्यांनी धावत बाहेर येऊन नागरिकांना आवाज दिला. प्रकार समजल्यानंतर नागरिकांना कळताच नागरिकांनी प्रियकराला चांगलाच चोप दिला. तर यावेळी पत्नी मुलासह पसार झाली आहे.

शीला सुरेश खालापुरे (वय ३६) राहणार कोमल नगर पडेगाव, प्रियकर राजू भानुदास खैरे रा. पैठण अशी आरोपीचं नाव आहे. तर, सुरेश श्रीमंत खालापुरे (वय ४२) राहणार कोमल नगर पडेगाव हे फिर्यादी आहेत. सुरेश खालापूर यांनी दिलेल्या फिर्यादीनुसार सुरेश हे रिक्षा चालक असून ते कुटुंबासह कोमल नगर येथे राहतात. त्यांची आरोपी पत्नी शीला खालापुरे ही वाळूज एमआयडीसी मधील कंपनीत काम करते. त्यांना तीन मुली आणि एक मुलगा आहे.

धक्कादायक! डिजिटल अरेस्टच्या सायबर क्राइम रॅकेटमध्ये सापडली छत्रपती संभाजीनगरची दोन मुलं

खालापूर यांच्या दोन्ही मोठ्या मुलींचे विवाह झाले आहेत. काही दिवसांपूर्वी शीला खालापुरे हिने कंपनीतील काम सोडून दुसऱ्या ठिकाणी काम सुरू केले होते. आरोपी शीला खालापुरे आणि राजू खैरे यांच्यात गेल्या काही दिवसांपासून प्रेमसंबंध होते. या प्रेमसंबंधात शीलाचे पती सुरेश श्रीमंत खालापुरे हा अडसर ठरत होता. यामुळे दोघांनी मिळून शीलाच्या पतीचा खून करायचा प्लॅन रचला.

२ ऑगस्ट रोजी राजू खैरे हे जेवण करून पलंगावर झोपले होते. याचवेळी आरोपी शीला हिने घराचा दरवाजा उघडा ठेवून प्रियकर राजूला घरात बोलावलं. राजू घरात आल्यानंतर शिलाने दरवाजा लावून घेतला. ठरलेल्या प्लॅन नुसार खून करायचा असल्यामुळे झटापटीचा आवाज बाहेर जाऊ नये यासाठी शिलाने घरातील टीव्हीचा आवाज वाढवून ठेवला.

आरोपी पत्नीने सुरेश यांच्या तोंडावर उशी ठेवून दाबण्याचा प्रयत्न केला. यावेळी आरोपी राजू खैरे यांनी गळा वळण्याचा प्रयत्न केला. तिघांमध्ये झटापट झाल्याने फिर्यादी सुरेश खानापुरे हे भिंत आणि पलंगाच्या मधोमध पडल्याने आरोपींना गळा आवडता आला नाही. यावेळी आरडा ओरड झाल्याने वरच्या मजल्यावर राहणारे घरमालक विशाल जाधव खाली आले. त्यांनी गल्लीतील नागरिकांना बोलावलं. हा प्रकार समजल्यानंतर नागरिकांनी आरोपी राजू याला पकडत चांगलाच चोप दिला.