मालेगावात हृदयविकार तपासणी शिबिरास प्रतिसाद; अभिनेता सलमान खानच्या संस्थेचा स्तुत्य उपक्रम

Salman Khan : मानवतेप्रती असलेल्या वचनबद्धतेचा वसा पुढे सुरू ठेवण्याकरता बॉलिवूड सुपरस्टार सलमान खानने (Salman Khan) ‘बीइंग ह्युमन फाऊंडेशन’च्या माध्यमातून अलीकडेच (23 मार्च) रोजी नाशिकमधील मालेगाव येथे हृदयरोगविषयक शिबिराचे आयोजन केले होते. हे शिबीर २०० हून अधिक मुलांकरता जीवन संजीवनी ठरले. या शिबिरात त्यांच्या आरोग्यविषयक कोणत्याही संभाव्य समस्या ओळखण्याकरता मोफत हृदय तपासणी तसेच आणि इको चाचणी करण्यात आली. ‘बीइंग ह्युमन फाऊंडेशन’तर्फे गरजू व्यक्तींना आरोग्य सेवा उपलब्ध करून दिल्या जातात. याच मोहिमेचा एक भाग म्हणून हे हृदय विषयक शिबीर आयोजित करण्यात आले होते.

या शिबिरात वंचित पार्श्वभूमी असलेल्या मुलांमधील हृदयाशी संबंधित आजार लवकर ओळखणे आणि त्या आजाराला प्रतिबंध करण्यावर लक्ष केंद्रित केले गेले. हृदयविकाराचा धोका अथवा समस्या समजून घेण्याकरता इको चाचणी करण्यात आली. जेणेकरून हृदयविकार आढळून आल्यास त्यावर त्वरित उपचार करता येईल. पडद्यावर ‘लार्जर दॅन लाइफ’ व्यक्तिरेखेकरता ओळखला जाणारा सलमान खान त्याच्या फाऊंडेशनद्वारे मोठे सामाजिक काम गाजावाजा न करता करत आहे. एक मानवतावादी व्यक्ती या अर्थाने सलमान आपल्या प्रसिद्धीचा आणि संपत्तीचा वापर वंचितांच्या जीवनात आनंद फुलवण्याकरता करत आहे.

मोदी-शाह संभाजी महाराजांचा पराक्रम ‘याचि देहि याचि डोळा’ पाहणार, संसदेत ‘छावा’ चं विशेष स्क्रिनिंग

प्रामुख्याने, आरोग्य सेवा, शिक्षण आणि बालकल्याण या क्षेत्रांत सलमानने अत्यंत प्रभावी काम केले आहे. मात्र, बहुतेक वेळा दुर्लक्षित असलेली गोष्ट म्हणजे सलमानची वंचितांकरता असलेली करुणा आणि त्यांच्या कल्याणाकरता सलमानचे सतत काम करणे. मालेगावमधील हा हृदयविकार विषयक शिबिराच्या आयोजनामागे सलमान खानची ही मानवतावादी बाजू दिसून येते. ज्यावर माध्यमांतून क्वचितच प्रकाशझोत पडतो.

एक लोकप्रिय व्यक्ती म्हणून, सलमानला अगदी सहज त्याचे तारांकित असणे केंद्रस्थानी आणता आले असते. मात्र, त्याऐवजी सलमानने खरोखरच वंचित व्यक्तींच्या आणि त्यांच्या कुटुंबांच्या आयुष्यात अर्थपूर्ण बदल घडवण्यात योगदान देण्यावर लक्ष केंद्रीत करण्याचा पर्याय निवडला आहे. ‘बीइंग ह्युमन फाऊंडेशन’ ही सलमान खानने स्थापन केलेली एक ना-नफा तत्त्वावर काम करणारी स्वयंसेवी संस्था आहे, ज्या संस्थेद्वारे वंचितांना आरोग्य सेवा आणि शिक्षण विषयक सुविधा पुरवल्या जातात.

एका क्रांतिकारी युगपुरुषाचा गौरव, ‘फुले’ चित्रपटाचा ट्रेलर प्रदर्शित

संबंधित बातम्या