प्रजेचे रक्षण करणे हे राजाचे कर्तव्य, दहशतवाद्यांना धडा शिकवावा; मोहन भागवतांची स्पष्ट भूमिका

Mohan Bhagwat On Pahalgam Terror Attack: राष्ट्र स्वंयसेवक संघाचे प्रमुख (RSS chief Mohan Bhagwat) मोहन भागवत यांनी दिल्लीतील एका कार्यक्रमात पहलगाम दहशतवादी हल्ल्याबाबत (Pahalgam Terror Attack) स्पष्ट भूमिका मांडली आहे. आम्ही आमच्या शेजाऱ्यांना त्रास देत नाही, पण प्रजेचे रक्षण करणे हे राजाचा कर्तव्य आहे. हिंसा हा आपला स्वभाव नाही. परंतु दहशतवाद्यांना धडा शिकविला पाहिजे, असे मोहन भागवत यांनी म्हटले आहे.

… तर कारवाई करु, CM फडणवीसांचा ‘त्या’ प्रकरणात आमदार संजय गायकवाडांना इशारा

वर्ल्ड हिंदू काँग्रेसचे प्रवर्तक स्वामी विज्ञानानंद यांच्या ‘द हिंदू मॅनिफेस्टो’ या पुस्तकाच्या प्रकाशनप्रसंगी ते बोलत होते. या समारंभात पहलगाम दहशतवादी हल्ल्यात प्राण गमावलेल्या पर्यटकांना भावनिक श्रद्धांजली वाहण्यात आली. यावेळी मोहन भागवत म्हणाले, शेजारी वाईट कृत्ये करत असेल तर प्रजेचे रक्षण करणे राजाचे कर्तव्य आहे. राजा हे करेल. दहशतवाद्यांच्या हाती न जाणे आणि गुंडगिरी करणाऱ्यांना धडा शिकवणे हे आपले कर्तव्य आहे. आपण कधीही आपल्या शेजाऱ्यांचा अपमान करत नाही, त्यांना इजा पोहोचवत नाही. असे असूनही, जर कोणी वाईटाचा अवलंब केला तर राजाचे कर्तव्य आहे की तो आपल्या प्रजेचे रक्षण करणे आणि राजा हे करेल.

पहलगाम दहशतवादी हल्ल्यानंतर भारतीय सैन्य दल ॲक्शन मोडमध्ये; अनंतनागमध्ये 175 संशयित ताब्यात

गितेचा उल्लेख करताना भागवत म्हणाले की गीता अहिंसेचा उपदेश देते अर्जुनाने लढाई करावी आणि आपल्या शत्रूला मारावे. कारण त्याच्यासमोर असे लोक होते ज्यांच्यासाठी दुसरा कोणताही उपाय नव्हता. ही अहिंसेची संतुलित भूमिका आहे. जी पाश्चात्य पद्धतीने समजू शकत नाहीत. हिंसा हा आपला स्वभाव आहे पण दहशतवाद्यांना धडा शिकवणे हा देखील आपला धर्म आहे. कोणीही आपल्या शेजाऱ्यांना त्रास देत नाही पण त्रास निर्माण करणाऱ्यांना शिक्षा करणे हे राजाचे कर्तव्य आहे.

अहिंसा हा आपला स्वभाव आणि मूल्य आहे: भागवत
भागवत म्हणाले की, अहिंसा हा आपला स्वभाव आणि मूल्य आहे. जेव्हा हे सिद्ध झाले की रावण शिवभक्त होता. वेदांचा जाणकार होता आणि चांगले शासन चालवणारा होता. एक चांगला माणूस होण्यासाठी लागणारे सर्व काही होते. पण त्याने शरीर, मन आणि बुद्धी स्वीकारली. जो चांगुलपणा येऊ देत नाही. म्हणून जर त्याला चांगले व्हायचे असेल तर फक्त एकच उपाय आहे, तो म्हणजे त्याचे शरीर, मन आणि बुद्धी नष्ट करणे आणि त्याला दुसऱ्या शरीरात, मन आणि बुद्धीत आणणे. देवाने त्याला याने सन्मानित केले. त्याला हिंसा नाही तर अहिंसा म्हणतात.

संबंधित बातम्या