ब्राह्मण कुटुंबात जन्म, भावाचा एन्काउंटर अन् 35 वर्षांनंतर आत्मसमर्पण; आंध्रातील माओवादी नेता भूपती कोण ?
Mallojula Venugopal Rao : गडचिरोली येथे आज माओवादी नेता मल्लोजुला वेणुगोपाल रावसह 61 माओवाद्यांनी आत्मसमर्पणाचा मार्ग निवडल्याने
- Written By: shakir sayyad Published:
Mallojula Venugopal Rao : गडचिरोली येथे आज माओवादी नेता मल्लोजुला वेणुगोपाल रावसह 61 माओवाद्यांनी आत्मसमर्पणाचा मार्ग निवडल्याने आता राज्यातून सशस्त्र माओवाद लवकरच हद्दपार होणार असल्याची शक्यता आहे. राज्याचे मुख्यमंत्री देवेंद्र फडणवीस आज गडचिरोलीमध्ये आत्मसमर्पण कार्यक्रमाला हजर राहणार आहे. सशस्त्र माओवादाचा मार्ग सोडून सरकारसोबत शांतता वार्ता करुन मुख्य प्रवाहात यावे अशी भूमिका आता माओवादी नेता सोनू उर्फ भूपतीने घेतली आहे.
भूपती, सोनू, विवेक आणि अभय अशा टोपणनावांनी ओळखल्या जाणाऱ्या मल्लोजुला वेणुगोपाल यांचे आत्मसमर्पण राज्यासाठी एक महत्वाची घटना आहे. भूपतीने 61 पीएलजीए (Mallojula Venugopal Rao) गनिमांसह गडचिरोली पोलिसांसमोर (Gadchiroli Police) आत्मसमर्पण केले आहे. भूपती माओवादी बंडखोरीमध्ये सर्वात जास्त काळ भूमिगत राहिला होता. 6 महिनेपूर्वी त्याच्यावर 60 लाख रुपयांचे बक्षीस होता.
भावाचा एन्काउंटर
तेलंगणातील पेड्डापल्ली येथील एका ब्राह्मण कुटुंबात 10 मे 1956 रोजी भूपती याचा जन्म झाला होता. तो वाणिज्य शाखेचे शिक्षण घेत असताना रॅडिकल स्टुडंट्स युनियन आणि पीपल्स वॉर ग्रुपकडे आकर्षित झाला. अविभाजित आंध्र प्रदेशात डाव्या विचारसरणीचे हे गट मुख्य केंद्र होते. मल्लोजला कोटेश्वर राव हे भूपतीचा मोठा भाऊ ज्याला किशनजी म्हणून ओळखले जात होते त्याचा 2011 मध्ये बंगालमध्ये झालेल्या चकमकीत मृत्यू झाला.
किशनजी भारतात मारल्या गेलेल्या पहिल्या वॉन्टेड माओवाादी कमांडरपैकी एक होता. भूपती याने आपल्या भावाच्या मार्गावर जाण्यापूर्वी नियमित कारकीर्द करण्याचा प्रयत्न केला. यामुळे ते माओवादी केंद्रीय समितीत गेला नंतर ते पोलिटब्युरो सदस्य, केंद्रीय प्रादेशिक ब्युरो सचिव आणि सीपीआय (माओवादी) चे राजकीय प्रमुख बनला.
चिंतलनगर हत्याकांडाचा सूत्रधार असल्याचा आरोप
छत्तीसगडमधील गडचिरोली आणि मार (अबुझमद) मध्ये सक्रिय असलेल्या भूपतीची भूमिका प्रादेशिक मोहिमांपासून वैचारिक नेतृत्वापर्यंत विकसित झाली. 2010 मध्ये माओवादी प्रवक्ते चेरुकुरी राजकुमार (आझाद) यांच्या हत्येनंतर,तो बंडखोरीचा प्रमुख आवाज बनला. यानंतर दुर्गम वनक्षेत्रात या तथाकथित “लोकांची सरकारे” चालविण्यात भूपती यांनी महत्त्वाची भूमिका बजावली.
Maharashtra Rain Alert : पुढील तीन दिवस राज्यात पुन्हा पाऊस, ‘या’ भागांसाठी अलर्ट जारी
राजकीय पाळत ठेवणे आणि गनिमी नियंत्रण एकत्र करून, ते सीपीआय (माओवादी) चे राजकीय मेंदू बनले. पीएलजीएच्या केंद्रीय लष्करी आयोगाचे प्रमुख असताना, त्यांनी गनिमी युद्ध नियमावली पुढे नेली. 2011 च्या चिंतलनगर हत्याकांडाचा सूत्रधार असल्याचा आणि इंद्रावती राष्ट्रीय उद्यानात बंडखोरांचा तळ स्थापन केल्याचा आरोप त्यांच्यावर आहे.
संबंधित बातम्या
मोठी बातमी! नक्षल कमांडर भूपतीने आत्मसमर्पण करताच गडचिरोली पोलिसांना एक कोटींच बक्षीस जाहीर
