भाजपाने तिकीट कापल्यानंतर पूनम महाजनांची पहिली प्रतिक्रिया म्हणाल्या, दहा वर्षांच्या खासदारकीत…
- Written By: Mukund Bhalerao Published:
Mumbai Lok Sabha Election : भाजपाने उत्तर मध्य मुंबई मतदारसंघात विद्यमान खासदार पूनम महाजन यांना (Poonam Mahajan) संधी नाकारत विशेष सरकारी वकील उज्ज्वल निकम यांना तिकीट दिलं. या मतदारसंघात महाविकास आघाडीने माजी शिक्षणमंत्री वर्षा गायकवाड यांना उमेदवारी दिली आहे. यानंतर महायुतीचा उमेदवार कोण असेल याची चर्चा होती. अखेर या मतदारसंघात भाजपने लोकप्रिय चेहरा म्हणून निकम यांना (Ujjwal Nikam) उमेदवारी जाहीर केली. या घडामोडींनंतर खासदार पूनम महाजन यांनी ट्विट करत प्रतिक्रिया दिली.
दहा वर्षांच्या खासदारकीच्या काळात मतदारसंघातील जनतेची सेवा करण्याची संधी दिल्याबद्दल पंतप्रधान नरेंद्र मोदी आणि भारतीय जनता पार्टीचे आभार मानते. माझे वडील स्व. प्रमोद महाजन यांनी मला नेहमीच राष्ट्र प्रथम नंतर आपण हा जो मार्ग दाखवला तोच मार्ग मला आयुष्यभर चालवता यावा यासाठी मी ईश्वराकडे प्रार्थना करते. माझ्या आयुष्यातील प्रत्येक क्षण सदैव देशाच्या सेवेसाठी समर्पित असेल.
10 वर्षों तक एक सांसद के रूप में मुंबई उत्तर मध्य लोकसभा क्षेत्र की सेवा का मौक़ा देने के लिए @BJP4India और प्रधानमंत्री श्री @narendramodi जी का धन्यवाद।
मुझे एक सांसद ही नहीं बल्कि एक बेटी की तरह भी स्नेह देने के लिए मैं क्षेत्र की परिवार समान जनता की सदैव ऋणी रहूँगी, और यही…
— Poonam Pramod Mahajan (@poonam_mahajan) April 27, 2024
मुंबई उत्तर मध्य मतदारसंघात भाजपच्या विद्यमान खासदार पूनम महाजन (Poonam Mahajan) यांना होणारा विरोध पाहता आता भाजपकडून या मतदारसंघात उज्ज्वल निकम यांना संधी देण्यात आली आहे. उज्ज्वल निकम हे सरकारी वकील असून दहशतवादी कसाबविरुद्ध खटल्यात त्यांनी सरकारी वकील म्हणून काम पाहिलं आहे. यानंतर निकम यांचं नाव देशविदेशात पोहोचलं. त्यांच्या याच लोकप्रियतेमुळे भाजपने त्यांना निवडणुकीच्या रिंगणात उतरायचं ठरवलं होतं.
मोठी बातमी! पूनम महाजनचा पत्ता कट, मुंबई उत्तर मध्य मधून उज्ज्वल निकम यांना उमेदवारी जाहीर
संबंधित बातम्या
मोठी बातमी! बच्चू कडूंना महायुती अन् मविआचाही फोन; नेमकं काय घडतंय?
