Porsche Car Accident : पुणे पोलीस अल्पवयीन आरोपीची चौकशी करणार, बाल न्याय मंडळाने दिली परवानगी
- Written By: kabir letsupp Published:
Porsche Car Accident Updates : पुण्यातील कल्याणीनगर भागात अल्पवयीन मुलाने आलिशान पोर्श कारने (Porsche Car Accident ) दोघांना चिरडल्याची घटना काही दिवसांपूर्वी घडली होती. हे प्रकरण अद्यापही चर्चेत आहे. दरम्यान, आता पुणे पोलीस (Pune Police) अल्पवयीन मुलाची चौकशी करणार असल्याची माहिती आहे. बाल न्याय मंडळाने (Juvenile Justice Board) पुणे पोलिसांना ही परवानगी दिली आहे.
19 मे रोजी मध्यरात्री अडीच वाजताच्या सुमारास कल्याणीनगर परिसरात अल्पवयीन मुलाने आपल्या पोर्श कारने एका दुचाकीला जबर धडक दिली होती. त्यात दोघांना मृत्यू झाला होता. त्यानंतर अल्पवयीन मुलाला बाल सुधारगृहात ठेवण्यात आलं आहे. तर त्याच्या वडिल आणि आजोबांना अटक करण्यात आली. आतापर्यंत या अल्पवयीन मुलासोबत कारमध्ये असलेल्या मित्रांचेही जबाब नोंदवण्यात आले होते, मात्र अल्पवयीन मुलाचा जबाब नोंदवण्यात आला नव्हता. त्यामुळं पुणे पोलिसांनी बालहक्क न्याय मंडळाला पत्र लिहून अल्पवयीन मुलाची चौकशी करण्याची परवानगी मागितली होती.
पुन्हा मोदीचं; पण शाह, गडकरींना मोठी लॉटरी, महाराष्ट्रात काय होणार ? ज्योतिष अभ्यासकांचे भाकीत
यानंतर बालहक्क न्याय मंडळाने पोलिसांना तपासाची परवानगी दिली आहे. शनिवारी (दि. 31 मे) दोन तास अल्पवयीने मुलाची चौकशी होणार आहे. सहाय्यक पोलीस आयुक्त आणि दोन महिला पोलीस अधिकारी या अल्पवयीन मुलाची चौकशी करणार आहेत. पुणे क्राईम ब्रांचची टीम बालसुधारगृहात जाऊन अल्पवयीन मुलाची चौकशी करणार आहेत. पालक उपलब्ध नसल्याने बालहक्क न्याय मंडळाच्या सदस्याच्या उपस्थितीत गुन्हे शाखेकडून अल्पवयीन मुलाची चौकशी होणार असल्याची माहिती आहे.
दरम्यान, या भीषण अपघातानंतर आता पोर्श कार 2025 पर्यंत रस्त्यावर उतरवण्यास मनाई करण्यात आली. पुढील वर्षापर्यंत प्रादेशिक परिवहन मंडळाकडून परवानगी नाकारण्यात आली आहे.
संबंधित बातम्या
पुण्यात नागरिकांना चक्क बंदुकीने मारहाण; बनावट पोलिसाला विश्रामबाग पोलिसांकडून अटक
