यश राज फिल्म्स आणि गुगल यांच्याकडून एआय फिल्ममेकिंग कार्यशाळेचे आयोजन

Yash Raj Films आणि गुगल भारतातील चित्रपट निर्मिती आणि सर्जनशील क्षेत्रातील व्यावसायिकांसाठी एआय फिल्ममेकिंग कार्यशाळेचे आयोजन करणार आहेत.

AI filmmaking workshop organized by Yash Raj Films and Google : यश राज फिल्म्स (वायआरएफ) आणि गुगल भारतातील चित्रपट निर्मिती आणि सर्जनशील क्षेत्रातील व्यावसायिकांसाठी ४ ऑगस्ट रोजी वायआरएफ स्टुडिओ येथे संयुक्तपणे एआय फिल्ममेकिंग कार्यशाळेचे आयोजन करणार आहेत.या सत्रामध्ये चित्रपटसृष्टीतील आर्टिफिशियल इंटेलिजेंस (एआय) च्या बदलत्या भूमिकेचा वेध घेतला जाणार आहे.

नमित मल्होत्रांच्या रामायणम्’चा ट्रेलर रिलीज, सोशल मीडियावर धुमाकूळ, चाहत्यांकडून भरभरून कौतुक

तसेच, सर्जनशील आणि निर्मिती क्षेत्रातील व्यावसायिकांना फ्लो (Flow) या गुगलच्या एआय क्रिएटिव्ह स्टुडिओचे प्रत्यक्ष प्रशिक्षण दिले जाणार आहे. सहभागी व्यक्तींना एआय साधनांचा विद्यमान निर्मिती प्रक्रियेत कथाकथनातील सहकारी म्हणून प्रभावी वापर कसा करावा, याचे मार्गदर्शन केले जाईल, जेणेकरून चित्रपटनिर्मात्यांचे त्यांच्या सर्जनशील प्रक्रियेवरील संपूर्ण नियंत्रण कायम राहील.

‘रक्षाने राजीनामा द्यावा, हा फालतूपणा चालणार नाही’…विजय चौधरी अन् महाजनांची कथित ऑडिओ क्लिप!

गुगलची फ्लो टीम एखाद्या प्रमुख आंतरराष्ट्रीय स्टुडिओच्या निर्मिती आणि सर्जनशील नेतृत्वासोबत थेट सहभागी होत असलेल्या पहिल्या सत्रांपैकी हे एक सत्र आहे. वायआरएफमधील या कार्यशाळेत संपूर्ण चित्रपटसृष्टीतील सर्जनशील आणि निर्मिती क्षेत्रातील व्यावसायिकांना सहभागी करून घेत सर्जनशीलता आणि क्रिएटिव्ह कंट्रोल यांवर विशेष भर दिला जाणार आहे.

भाजप नेत्यांची महिलांविषयीची भाषा वेशीवर टांगणारी…कथित ऑडिओ क्लिप शेअर करीत रोहित पवारांचा निशाणा

यश राज फिल्म्सचे मुख्य कार्यकारी अधिकारी (सीईओ) अक्षय विधानी म्हणाले, “प्रत्येक पिढीतील चित्रपटनिर्मात्यांना नवी साधने मिळतात आणि प्रत्येक पिढीसमोर हा प्रश्न असतो की ही साधने कथेला बळ देतील की कथेलाच नियंत्रित करू लागतील. आम्ही ही चर्चा सुरुवातीलाच आणि आमच्या अटींवर करण्याचा निर्णय घेतला आहे, त्या तंत्रज्ञानाची निर्मिती करणाऱ्या लोकांसोबत. या सत्राचा उद्देश आमच्या चित्रपटनिर्मात्यांना आणि सर्जनशील टीमला एआयचा विचारपूर्वक वापर करण्याची समज देणे हा आहे, जेणेकरून सर्जनशीलतेचे नियंत्रण कायम मानवी हातात राहील आणि कॅमेरा, कलाकार आणि कथा हे नेहमीप्रमाणेच केंद्रस्थानी राहतील.”

ब्रेकिंग : बॉर्डर-गावस्कर ट्रॉफी जिंकवून देणाऱ्या अजिंक्य रहाणेचा आंतरराष्ट्रीय क्रिकेटला अलविदा

डॉ. आरती सेतुमाधवन, डायरेक्टर, यूजर एक्सपीरियन्स रिसर्च, टेक्नॉलॉजी अँड सोसायटी, गुगल, म्हणाल्या, “भारतामध्ये गुगल फ्लोबाबत आम्हाला आधीच उत्साहवर्धक प्रतिसाद मिळत आहे. या कार्यशाळेच्या माध्यमातून आम्ही आमचे एआय क्रिएटिव्ह स्टुडिओ देशभरातील आणखी अनेक सर्जकांपर्यंत पोहोचवण्यास उत्सुक आहोत. तसेच, हे दिग्गज कथाकार या तंत्रज्ञानाचा वापर करून कलात्मक अभिव्यक्तीच्या सीमा कशा विस्तारतात, हे पाहण्याचीही आम्हाला उत्सुकता आहे.”

खासदार पार्थ पवार यांच्या साखरपुड्याला दिग्गज नेत्यांची उपस्थिती; पाहा!

प्रत्यक्ष प्रशिक्षणाव्यतिरिक्त, गुगल आणि वायआरएफ यांची अपेक्षा आहे की ही कार्यशाळा भारतातील आघाडीच्या कथाकारांसोबत सातत्यपूर्ण संवादाची सुरुवात ठरेल. या सत्रामध्ये गुगलच्या मुख्य एआय अभियांत्रिकी आणि प्रॉडक्ट टीम्ससोबत नेटवर्किंगची विशेष संधी उपलब्ध असेल. तसेच, फ्लो आपल्या प्रत्यक्ष कामकाजात वापरण्यास इच्छुक असलेल्या चित्रपटनिर्मात्यांसाठी डीप-डाइव्ह मॉड्यूल्सही उपलब्ध असतील. जागतिक दर्जाचे सर्जक या एआय साधनांचा वापर करून कथाकथनाचे नवे आयाम कसे उघडू शकतात आणि भारतीय सिनेमाला जागतिक स्तरावर अधिक बळकटी कशी देऊ शकतात, याचा सातत्याने शोध घेणे हा या उपक्रमामागील प्रमुख उद्देश आहे.

संबंधित बातम्या