दिवाळीचा मुहूर्तावर अमृताची स्वप्नपूर्ती, विकत घेतले 3 बीएचके घर
- Written By: shakir sayyad Published:
Amruta Khanvilkar New House : सोशल मीडियावर नेहमी चर्चेत राहणारी अभिनेत्री अमृता खानविलकरने (Amruta Khanvilkar) दिवाळीनिमित्त (Diwali 2024) तिच्या चाहत्यांसोबत एक गोड बातमी शेअर केली आहे. होय, मुंबईत (Mumbai) स्वतःच एक घर घेण्याचं अमृताच स्वप्न पूर्ण झालं आहे. याबाबत तिने सोशल मीडियावर माहिती दिली आहे.
तसेच एक व्हिडिओ देखील शेअर केला आहे. ज्यामध्ये तिने आपल्या नव्या घराची खास झलक दाखवली आहे. याच बरोबर तिने आपल्या नव्या घराला एक सुंदर नाव देखील दिले आहे. अमृता दमदार प्रोजेक्टसह अनेक गोष्टीमुळे सोशल मीडियावर गेल्या अनेक दिवसांपासून चर्चेत आहे.
सोशल मीडियावर तिने लिहिले आहे की, चला भेट झालीच आपली, कधी काळी दूर कुठेतरी तुझं स्वप्न पाहिलं होतं,आणि ते पूर्ण करण्याचा प्रयत्न रोज सुरू होता. तर ही आपली पहिली दिवाळी…., तुला खूप गोष्टी सांगायच्या आहेत, मला काय आवडतं, काय नाही, मनातलं गुपित, शांततेतलं ….सारं काही हळूहळू तुला कळेलच, तुलाही मला खूप काही सांगायचं असेल…, माझी पूर्ण तयारी आहे. तू अजून हळूहळू आकार घेतोयस, तुझ्या कानाकोपऱ्यात मी माझं सगळं जग बसवायचा प्रयत्न करतेय. तू हि अगदी माझ्या हो ला हो म्हणतोयस …., आवडतंय मला …..लवकरच भेटू, नव्या कोऱ्या भिंतींसह, नव्या आठवणी बनवण्यासाठी, नवं आयुष्य उलगडण्यासाठी- Happy Diwali असं तिने सोशल मीडियावर लिहिले आहे.
View this post on Instagram
या बद्दल बोलताना अमृता म्हणते मला नेहमीच एक असं स्वतःचं घर हवं होतं, जे माझ्या मेहनतीनं आणि प्रेमानं तयार झालेलं असावं. जिकडे मी, कुटूंबासोबत, माझ्या मित्र -मैत्रिणींसोबत एकत्र बसू शकते आणि अनेक खास क्षण साजरे करू शकते. मुंबईत घर घेणं हे खूपच स्वप्नवत् वाटतंय. 22 व्या मजल्यावर असलेलं हे माझं छोटंसं ३ बीएचके विश्व, मी त्याला “एकम” असं नाव दिलंय आणि नवीन सुरूवात करून आरंभ केला आहे.
‘काही झालं तरीही राज्यात महायुतीचं सरकार येणार येणार येणार’, अजित पवारांचे मोठं भाकीत
आज दिवाळीच्या खास मुहूर्ताच्या सोबतीने अमृताच्या बर्थडे महिन्याची सुरुवात देखील झाली आहे. त्यामुळे हा खास योगायोग जुळून आला आहे. फॅशन असो किंवा वैविध्यपूर्ण भूमिका नेहमीच चोख पार पाडून अमृताने प्रेक्षकांना मोहित केलं आहे आणि 2024 वर्ष तिने खास केलं आहे. येणाऱ्या काळात अमृता अनेक नवनवीन हिंदी – मराठी प्रोजेक्ट्स मध्ये दिसणार आहे. प्रेक्षकांना मोहित करणारी अमृता स्वप्न बघून ती सत्यात उतरवण्यासाठी देखील तेवढेच कष्ट करते.
