बॉक्स ऑफिसवर नाही चालली रणदीपच्या ‘स्वातंत्र्य वीर सावरकर’ची जादू, जाणून घ्या किती केली कमाई

Swatantry Veer Savarkar Box Office Day 1 : बॉलिवूड (Bollywood) अभिनेता रणदीप हुडा (Randeep Hooda) ‘स्वातंत्र्य वीर सावरकर’ (Swatantry Veer Savarkar Movie) या चित्रपटामुळे बऱ्याच दिवसांपासून जोरदार चर्चेत आहे. त्याचा चित्रपट 22 मार्च रोजी थिएटरमध्ये प्रदर्शित झाला होता. या चित्रपटात रणदीपसोबत अंकिता लोखंडे (Ankita Lokhande) आणि अमित सियाल (Amit Sial) हे देखील महत्त्वाच्या भूमिकेत आहेत. आता या चित्रपटाने पहिल्याच दिवशी बॉक्स ऑफिसवर किती कमाई केली चला तर मग जाणून घेऊया.

सकनिल्कने दिलेल्या वृत्तानुसार, चित्रपटाने पहिल्या दिवशी (शुक्रवारी) केवळ 1.15 कोटी रुपयांचे कलेक्शन केले आहे. मात्र, अंतिम डेटा जाहीर झाल्यानंतर या आकड्यात थोडे बदल होण्याची शक्यता आहे. सध्या या सिनेमाची जादू बॉक्स ऑफिसवर कमी पडल्याचे दिसत आहे. या सिनेमाने पहिल्याच दिवशी 1.15 कोटींचा गल्ला कमावला आहे. मात्र, शुक्रवारी 1 कोटींहून अधिक कमाई करण्यात यश आले असले तरी शनिवार आणि रविवारच्या सुट्ट्यांमुळे संकलनाचा आकडा वाढण्याची शक्यता आहे.

रणदीपने या चित्रपटाचे दिग्दर्शन केले

या चित्रपटात रणदीप हुड्डा विनायक दामोदर सावरकर यांची भूमिका साकारताना दिसत आहे. मुख्य भूमिका करण्यासोबतच त्यांनी या सिनेमाचे दिग्दर्शनही केले आहे. यातून त्याने दिग्दर्शनाच्या जगातही प्रवेश केला आहे. या चित्रपटात रणदीपसोबत अंकिता लोखंडे दिसली आहे. तिने त्याच्या पत्नीची भूमिका साकारली आहे. या चित्रपटाची निर्मिती आनंद पंडित आणि संदीप सिंग यांनी केली आहे.

मात्र, या चित्रपटासाठी रणदीपने स्वत:ला पूर्णपणे बदलून टाकले आहे, त्यामुळे तो खूप चर्चेत आला. या चित्रपटात विनायक दामोदर सावरकर यांची भूमिका साकारण्यासाठी रणदीपने स्वत:ला त्या व्यक्तिरेखेत पूर्णपणे सामावून घेण्यासाठी 26 किलो वजन कमी केले. अभिनेत्याच्या कमी वजनामुळे सोशल मीडियावर त्याचे अनेकदा फोटोही शेअर केले होते, जे खूपच व्हायरल झाले होते.

Jawan 2: शाहरुख खानच्या ‘जवान’चा दुसरा भाग बनणार? ऍटलीने थेटच सांगितलं, म्हणाला…

मडगाव एक्स्प्रेसचीही दुरवस्था

अभिनेता दिव्येंदू शर्माचा ‘मडगाव एक्स्प्रेस’ हा चित्रपटही 22 मार्चला प्रदर्शित झाला होता. मात्र, हा चित्रपटही दयनीय वाटतो. Sacknilk च्या मते, चित्रपटाने पहिल्या दिवशी केवळ 1.50 कोटी रुपयांचा (अंदाज) व्यवसाय केला आहे. या चित्रपटाचे दिग्दर्शन कुणाल खेमूने केले आहे.

संबंधित बातम्या