2 महिन्यातच गाशा गुंडाळला; ‘द ग्रेट इंडियन कपिल शो’ घेणार प्रेक्षकांचा निरोप! कलाकार झाले भावूक

The Great Indian Kapil Show Big Update: कॉमेडियन कपिल शर्माचा (Kapil Sharma) ‘द ग्रेट इंडियन कपिल शो’ (The Great Indian Kapil Show) ज्या उत्साहात सुरू झाला होता, तो आता थंडावल्याचे दिसत आहे. खरंतर, छोटा पडदा सोडून यावेळी कपिल शर्मा त्याच्या टीमसोबत ओटीटीवर शिफ्ट झाला. कॉमेडियनने नेटफ्लिक्ससोबत (Netflix) करार केल्यानंतर ओटीटीवर त्याचा शो सुरू केला. पण आता अवघ्या 2 महिन्यांनंतर कपिलचा ‘द ग्रेट इंडियन कपिल शो’ बंद होणार असल्याची माहिती मिळाली आहे.

2 मे रोजी अर्चना पूरण सिंह यांनी हा शो बंद होणार असल्याची माहिती शेअर केली होती. आत्तापर्यंत या शोचे 5 भाग प्रसारित झाले आहेत. या शोची सुरुवात रणबीर कपूर, नीतू कपूर आणि रिद्धिमा साहनी यांच्यासोबत झाली होती. तर, आमिर खान गेल्या आठवड्यात शोमध्ये दिसला होता. आता हा शो बंद झाल्याच्या बातम्यांमुळे हा निर्णय का घेतला गेला हे जाणून घेण्यासाठी प्रेक्षक उत्सुक आहेत.

https://www.youtube.com/watch?v=7GDLIZzPmCg

कपिलच्या शोची प्रेक्षकसंख्या दिवसेंदिवस कमी होत असल्याचे मानले जात आहे. शोच्या निर्मात्यांना आणि टीमला त्याच्याकडून खूप अपेक्षा होत्या. ‘द ग्रेट इंडियन कपिल शो’ कमी प्रेक्षकसंख्येमुळे बंद होत आहे, तर ही बातमी चुकीची आहे. अर्चनाने तिच्या पोस्टमध्ये केकचा फोटोही शेअर केला आहे. तसेच, कॅप्शनमध्ये सीझन रॅप असे लिहिले होते. पण पिंकव्हिलाशी झालेल्या संवादादरम्यान अर्चनाने शोच्या समाप्तीबाबत महत्वाची माहिती सांगितली आहे.

Sonakshi Sinha: हीरामंडीतील सर्वोत्तम परफॉर्मन्सबद्दल स्पष्टच बोलली सोनाक्षी सिन्हा

अर्चना पुढे म्हणाली की, आम्ही द ग्रेट इंडियन कपिल शोचा पहिला सीझन पूर्ण केला आहे. बुधवारी आम्ही सीझनचा शेवटचा एपिसोड शूट केला. शोच्या सेटवर आम्ही खूप मजा केली आणि सेलिब्रेशन केले. या शोचा प्रवास खूपच आश्चर्यकारक आहे. हा शो बराच काळ चालणार आहे. अर्चनाच्या बोलण्यावरून हे स्पष्ट होते की शोचा पहिला सीझन संपला आहे, आता कपिल आणि त्याचे किशोर पुन्हा नव्या सीझनसह परतणार आहेत.

संबंधित बातम्या