live now

MLA Disqualification Case : शिंदेंचीच शिवसेना खरी; नार्वेकरांकडून ठाकरेंना धक्का देत शिक्कामोर्तब

पक्ष कुणाची खासगी मालमत्ता नसते - मुख्यमंत्री

शिवसेनेच्या आमदार अपात्रता निकाल वाचनामध्ये निर्णय हा एकनाथ शिंदे यांच्या बाजूने लागला आहे. त्यावर एकनाथ शिंदे यांनी प्रतिक्रिया दिली आहे. ते म्हणाले की, पक्ष कुणाची खासगी मालमत्ता नसते. या निकालामुळे घराणेशाही मोडीत निघाली. लोकशाहीमध्ये पक्षप्रमुखाने चुकीचा निर्णय घेतला तर त्याच्या विरोधात पक्षातील लोकांना आवाज उठवण्याचा अधिकार आहे.

सर्वोच्च न्यायालयातच ठाकरेंना न्याय मिळेल - शरद पवार

शिवसेनेच्या आमदार अपात्रता निकाल वाचनामध्ये निर्णय हा एकनाथ शिंदे यांच्या बाजूने लागला आहे. मात्र यामध्ये ठाकरे गटाला देखील अपात्रतेबाबत काहीसा दिलासा मिळाला आहे. त्यावर आता राजकीय नेत्यांच्या प्रतिक्रिया येत आहेत. त्यावर शरद पवार म्हणाले की, नार्वेकरांनी निर्णय देताना सर्वोच्च न्यायालयाच्या गाईडलाईन्सचं उल्लंघन केलं आहे. त्यामुळे ठाकरेंना सर्वोच्च न्यायालयातच न्याय मिळेल. कारण बाळासाहेबांनी शिवसेना उद्धवला दिली होती. त्यामुळे ती शिंदेंना मिळू शकत नाही. तर हा निकाल म्हणजे न्यायालयीन नाही. तर राजकीय विचारांचा आहे. असं पवार म्हणाले.

देशाच्या लोकशाहीसाठी घातक निर्णय; सर्वोच्च न्यायालयात जाणार

शिवसेना आमदार अपात्रता प्रकरणावर विधानसभा अध्यक्ष राहुल नार्वेकर यांनी दिलेल्या निर्णयावर आता राजकारणासह विधिज्ञांकडून प्रतिक्रिया येत आहेत. त्यात ठाकरे गटाचे वकील असीम सरोदे यांनी म्हटलं आहे की, शिवसेना आमदार अपात्रता प्रकरणावर विधानसभा अध्यक्ष राहुल नार्वेकर यांनी दिलेला निर्णय हा देशाच्या लोकशाहीसाठी घातक निर्णय आहे. या निर्णयाविरोधात सर्वोच्च न्यायालयात जाणार

बाळासाहेबांची शिवसेना इतिहासजमा- संजय राऊत

शिवसेना आमदार अपात्रता प्रकरणावर विधानसभा अध्यक्ष राहुल नार्वेकर यांनी दिलेल्या निर्णयावर ठाकरे गटाचे खासदार संजय राऊत यांनी प्रतिक्रिया दिली ते म्हणाले की, हा निर्णय म्हणजे मॅच फिक्सिंग आहे. तसेच बाळासाहेबांची शिवसेना भाजपला संपवायची आहे. त्यांचं हेच षडयंत्र होतं. पण निवडणुका घ्या खरी शिवसेना कळेल. तसेच विधानसभा अध्यक्ष किती खोटारडेपणाने वागले आहेत. हे आम्ही सर्वोच्च न्यायालयात जाऊन सिद्ध करू अशी प्रतिक्रीया राऊत यांनी दिली.

अध्यक्षांनी सकाळी दिलेल्या माहितीप्रमाणे सर्वांना न्याय...

महाराष्ट्रासह संपूर्ण देशभराचे लक्ष लागून असलेल्या शिवसेना आमदार अपात्रतेचा (Shiv Sena MLA Disqualification Case) निकाल आज (दि.10) अखेर निकाल लागला आहे. दोन्ही गटाच्या अपात्रतेच्या याचिका फेटाळण्यात आल्या आहेत. त्यामुळे शिंदे गटाचे 40 आणि ठाकरे गटाचे 14 आमदार पात्र कोणीच अपात्र नाही. असा निकाल विधानसभा अध्यक्ष राहुल नार्वेकर यांनी दिला आहे. त्यामुळे त्यांनी सकाळी सांगितल्या प्रमाणे सर्वांना न्याय दिला आहे.

वेळ लागला तरी सर्वोच्च न्यायालयात आम्हाला न्याय मिळणारच - आनंद दुबे

शिवसेनेच्या आमदार अपात्रता निकाल हा उद्धव ठाकरेंच्या विरोधात तर एकनाथ शिंदे यांच्या बाजूने लागला आहे. त्यावर आता विविध प्रतिक्रिया येत आहेत. त्यामध्ये शिवसेना उबाठा प्रवक्ते आनंद दुबे यांनी प्रतिक्रिया दिली की, आणखी एक वेळा सिद्ध झालं की पॉवर और पैसा संविधानाच्या डोक्यावर बसतोय. राहुल नार्वेकरांना न्याय करण्याचे निर्देश केले होते. पण त्यांनी आमच्यावर अन्यायच केला आहे. आमच्याकडे फक्त सर्वोच्च न्यायालयात जाण्याचा मार्ग आहे. वेळ लागला तरी न्यायालयात आम्हाला न्याय मिळणारच भाजपा आणि शिंदेंनी आम्हाला विधानसभा अध्यक्षांसमोर हरवलं आहे. आम्ही निराश देखील नाही आणि नाउमेद देखील नाही.

शिंदेच्या बाजूने निकाल लागण्यात राष्ट्रीय कार्यकारिणी महत्त्वाची ठरली - उज्वल निकम

राज्यातील महत्त्वाच्या शिवसेना आमदार अपात्रता प्रकरणाचा आज अखेर निकाल लागला आहे. हा निकाल एकनाथ शिंदेंच्या बाजूने लागला आहे. त्यावर आता राजकारणासह विधिज्ञांकडून प्रतिक्रिया येत आहेत. त्यामध्ये ज्येष्ठ सरकारी वकील उज्वल निकम म्हणाले की, २२ जून २०२२ ला शिवसेनेमध्ये फूट पडली. शिवसेनेतील ५५ आमदारांपैकी ३८ आमदारांचा एकनाथ शिंदेना पाठिंबा होता. आजच्या सुनावणीमध्ये अध्यक्षांनी प्राथमिक मुद्दा सांगितला की, शिवसेना कोणाची? हा मुद्दा ठरवताना त्यांनी अनेक गोष्टींचा विचार केला. पहिली गोष्ट त्यांनी विचार केला की, पक्षाचे लीडरशीप स्ट्रक्चर काय आहे ? आणि दुसरा मुद्दा शिवसेना पक्षाची घटना काय व बहुमत कोणाचे?

तर हा निर्णय घेताना अध्यक्षांनी स्पष्ट केले की, निवडणूक आयोगाच्या पटलावरील २०१८ च्या घटनेमध्ये काही बदल करण्याच आले होते. या घटनेतील बदल निवडणूक आयोगाने स्विकारले नव्हते,त्यामुळे २०१८च्या आधीची घटना अध्यक्षांनी ग्राह्य धरली आहे. पक्षप्रमुख या पदाबद्दल उल्लेख करताना अध्यक्षांनी स्पष्ट केले की राष्ट्रीय कार्यकारिणी ही महत्त्वाची आहे. २०२२ ला शिंदे गटाचे प्राबल्य विधी मंडळाच्या रेकॉर्ड प्रमाणे होते त्यामुळे शिवसेना हा अधिकृत पक्ष शिंदे गटाकडे आहे.

ठाकरे गटाला निर्णय मान्य नाही, पुढील लढाई कायदेशीर पद्धतीने लढणार

शिवसेनेच्या आमदार अपात्रता निकाल हा उद्धव ठाकरेंच्या विरोधात तर एकनाथ शिंदे यांच्या बाजूने लागला आहे. त्यावर ठाकरे गटाचे आमदार आणि उद्धव ठाकरे यांचे पुत्र आदित्य ठाकरे यांनी निर्णयावर प्रतिक्रिया दिली आहे. ते म्हणाले की, हा निकाल आम्हाला मान्य नाही. या पुढील लढाई आम्ही कायदेशीर पद्धतीने लढू.

आव्हाड म्हणाले, यह तो होना ही था...

शिवसेनेच्या आमदार अपात्रता निकाल वाचनामध्ये निर्णय हा एकनाथ शिंदे यांच्या बाजूने लागला आहे. त्यावर आता राजकीय नेत्यांच्या प्रतिक्रिया येत आहेत त्यात राष्ट्रवादीचे शरद पवार गटाचे आमदार जितेंद्र आव्हाड यांनी ट्वीट करत या निकालावर प्रतिक्रिया दिली आहे. ते म्हणाले की, 'यह तो होना ही था …… #ठाकरे न्यायाची अपेक्षा कोणा कडून करता.. जनता न्याय करेल.'

येह तो होना ही था ……#ठाकरे
न्याया ची अपेक्षा कोणा कडून करता …
जनता न्याय करेल

— Dr.Jitendra Awhad (@Awhadspeaks) January 10, 2024

नार्वेकरांच्या निकालाचा आगामी लोकसभेत आम्हाला फायदा

शिवसेनेच्या आमदार अपात्रता निकाल वाचनामध्ये आतापर्यंत निर्णय हा एकनाथ शिंदे यांच्या बाजूने लागला आहे. त्यावर आता राजकीय नेत्यांच्या प्रतिक्रिया येत आहेत त्यात 'एकनाथ शिंदे हेच मुख्यमंत्री राहतील आणि त्यांचा गट हीच खरी शिवसेना पक्ष असल्याचा निर्णय नार्वेकरांनी दिला आहे. नार्वेकरांनी दिलेला हा निकाल उद्धव ठाकरेंना मोठा धक्का आहे. आगामी लोकसभा निवडणुकीत आम्हाला फायदा होईल. असं रिपब्लिकचे नेते आणि केंद्रीय मंत्री रामदास आठवले म्हटले आहेत.

Maharashtra Assembly Speaker rules Shinde faction the real Shiv Sena

President of Republican Party of India (Athawale) & Union MoS, Dr.Ramdas Athawale says, "This is a huge jolt to Uddhav Thackeray. Eknath Shinde will remain the CM, and his faction is the real Shiv Sena… pic.twitter.com/M9u2lmgtK7

— ANI (@ANI) January 10, 2024

ठाकरे आणि त्यांच्या कंपूच्या खोटारडेपणाचा आज पुन्हा पराभव

ठाकरे आणि त्यांच्या कंपूच्या प्रचारकी खोटारडेपणाचा आज पुन्हा पराभव झाला. सत्य जिंकले… निवडणूक आयोगाने दिलेल्या निकालावर आज शिक्कामोर्तब झालेले आहे. घटनेच्या चौकटीत ऐतिहासिक निकाल देताना एकनाथ शिंदे यांचा पक्ष हाच खरा शिवसेना पक्ष आहे. भरत गोगावले यांची प्रतोद पदी नियुक्ती योग्य आहे. असा निकाल विधानसभा अध्यक्ष राहुल नार्वेकर यांच्या लवादाने दिला आहे. अशी प्रतिक्रिया शिवसेनेच्या आमदार अपात्रतेच्या निकालावर भाजप आमदार अतुल भातखळकर यांनी दिली आहे.

ठाकरे आणि त्यांच्या कंपूच्या प्रचारकी खोटारडेपणाचा आज पुन्हा पराभव झाला. सत्य जिंकले… निवडणूक आयोगाने दिलेल्या निकालावर आज शिक्कामोर्तब झालेले आहे.
घटनेच्या चौकटीत ऐतिहासिक निकाल देताना एकनाथ शिंदे यांचा पक्ष हाच खरा शिवसेना पक्ष आहे. भरत गोगावले यांची प्रतोद पदी नियुक्ती योग्य…

— Atul Bhatkhalkar (@BhatkhalkarA) January 10, 2024

शिंदेंचीच शिवसेना खरी शिवसेना; शिंदेगटाकडून प्रचंड जल्लोष

शिवसेनेच्या आमदारा पात्रता निकाल वाचनामध्ये आतापर्यंत सर्वच निर्णय हा एकनाथ शिंदे यांच्या बाजूने लागला आहे. तर त्यात आता महत्त्वाचा शिवसेना हा पक्ष खरा कोणाचा? यावर देखील विधानसभा अध्यक्ष राहुल नार्वेकर यांनी शिक्कामोर्तब केले. त्यामध्ये शिंदे यांची शिवसेना खरी असल्याचं नार्वेकरांनी सांगितले. यामध्ये नार्वेकरांनी पक्षासह व्हिप देखील शिंदे गटाचा म्हणजे भरत गोगावलेंचा वैध असल्याचं सांगितलं. त्यामुळे आता शिवसेना एकनाथ शिंदेंचीच असून पक्षाचे चिन्हही त्यांच्याकडेच राहणार आहे, शिवसेना (UBT) पक्षप्रमुख उद्धव ठाकरे यांना हा मोठा धक्का मानला जात आहे. नार्वेकरांच्या या वाचनानंतर शिंदे गटाकडून प्रचंड जल्लोष करण्यात येत आहे.

#BREAKING

Maharashtra Speaker rules in favour of CM Eknath Shinde. Says Eknath Shinde faction is REAL #ShivSena #MaharashtraPolitics #EknathShinde #UdhhavThackeray https://t.co/MbwY4jSCpm

— Live Law (@LiveLawIndia) January 10, 2024

आतापर्यंतचा निकाल एकनाथ शिंदेंच्या बाजूने...

एकनाथ शिंदे यांना नेतेपदावरून हटवण्याचा अधिकार उद्धव ठाकरेंना नाही. ते शिंदे यांना हटवू शकत नाही. शिवसेनेच्या कोणत्याही सदस्याला हटवण्याचा अधिकार उद्धव यांना नाही. शिंदे यांना हटवण्यासाठी उद्धव यांना बहुमत हवे होते, ते त्यांच्याकडे नव्हते. त्यामुळे शिंदे यांना हटवणे चुकीचे होते.

शिंदेंची शिवसेने नेते पदावरून हकालपट्टी अमान्य; ठाकरेंना अधिकार नाही - नार्वेकर

शिंदे की ठाकरे शिवसेना कुणाची या बद्दल निकाल वाचून दाखवताना विधानसभा अध्यक्ष राहुल नार्वेकर यांनी म्हटले की, शिवसेनेत पक्षप्रमुख हे सर्वोच्च पद आहे. पण पक्षप्रमुखांचं मत अंतिम याच्याशी मी सहमत नाही. तसेच पक्षप्रमुखाला पक्षातून कोणाचीही हकालपट्टी करण्याचा अधिकार नाही. जोवर त्याला राष्ट्रीय कार्यकारणीची मान्यता मिळत नाही.

'शिवसेना कोणाची हे ठरवण्याचा अधिकार मला'

आमदार अपात्रता प्रकरणाचा निकाल वाचून दाखवताना विधानसभा अध्यक्ष राहुल नार्वेकर हे सुरूवातीला दोन्ही गटांच्या वकीलांनी केलेला युक्तिवादाची माहिती देत आहेत. निकालामध्ये खरी शिवसेना कोणाची हे ठरवण्याचा अधिकार मला म्हणजे विधानसभा अध्यक्ष राहुल नार्वेकरांना असल्याचे त्यांनी म्हटले आहे. त्याचबरोबर पक्षाच्या घटनेचा आधार हा केवळ नेतृत्वाची रचना तपासण्यापुरताच असल्याचेही नार्वेकरांनी म्हटलं.

उलटतपासणीला न आल्यामुळे ठाकरे गटाचं प्रमाणपत्र अमान्य

आमदार अपात्रता प्रकरणाचा निकाल वाचून दाखवताना विधानसभा अध्यक्ष राहुल नार्वेकर यांनी सांगितलं की, 2018 ची घटना ग्राह्य धरा ही ठाकरे गटाची मागणी अमान्य करण्यात आली आहे. तर उलटतपासणीला न आल्यामुळे ठाकरे गटाचं प्रमाणपत्र अमान्य आहे. तसेच 2018 साली ठाकरे गटाने केलेली दुरुस्ती ही चुकीची असल्याचेही नार्वेकरांनी म्हटलं आहे.

दोन्ही गटांनी दिलेली घटना मान्य नाही - नार्वेकर

दोन्ही गटांनी पक्षाच्या वेगवेगळ्या घटना दिल्या होत्या. उद्धव ठाकरेंनी दिलेल्या घटनेवर तारखेचा उल्लेख नव्हता. त्यामुळे निवडणूक आयोगाने दिलेली घटना ग्राह्य धरण्यात आली. यावर देखील तारीख नव्हती. निवडणूक आयोगाकडे 1999 सालच्या घटनेची प्रत होती. त्यामुळे 2018 साली करण्यात आलेले बदल ग्राह्य धरण्यात आले नाहीत.

योगेश कदम यांची साक्ष महत्त्वाची ठरली

आमदार अपात्रता प्रकरणाचा निकाल वाचून दाखवताना विधानसभा अध्यक्ष राहुल नार्वेकर हे अगोदर खरी शिवसेना कोणाची यावर निर्णय देत आहेत. त्यामध्ये पक्ष कोणाचा हे ठरवण्यासाठी कोणत्या गोष्टी लक्षात घेतल्या ते नार्वेकर सांगत आहेत. त्यांनी सांगितलं की, आमदार योगेश कदम यांची साक्ष महत्त्वाची ठरली. दोन्ही गटाकडून शिवसेनेची घटना मागवली. मात्र घटना न मिळाल्याने निवडणूक आयोगाकडून मागवली.

निकाल देताना शिवसेनेची 2018 ची घटना ग्राह्य धरली

शिवसेनेच्या आमदार पात्रता प्रकरणावर निकाल देताना या प्रकरणांमध्ये निवडणूक आयोगाचा निकाल, पक्षाची घटना, 7 जून 2023 ला विधानसभेला मिळालेल पत्र त्याचबरोबर विधिमंडळातील पक्षाचे बहुमत. या गोष्टींचा प्रामुख्याने विचार करण्यात आला आहे. यामध्ये शिवसेनेची 2018 ची घटना ग्राह्य धरली. अशी माहिती नार्वेकरांनी वाचनात दिली.

शिवसेना कोणाची यावर अगोदर निर्णय देणार!

महाराष्ट्रातील ऐतिहासिक प्रकरण म्हणजेच शिवसेना आमदार अपात्रता प्रकरणाचा निकाल वाचून दाखवताना विधानसभा अध्यक्ष राहुल नार्वेकर हे अगोदर खरी शिवसेना कोणाची यावर निर्णय देणार आहेत. ज्यामध्ये शिवसेना पक्ष आणि दीप यावर निर्णय देण्यात येईल. जी याचिका सुभाष देसाई vs महारष्ट्र सरकार अशी होती. त्यानंतर आमदार पात्रतेचा निर्णय येईल.

निकालाच्या सुरूवातीला नार्वेकरांनी मानले विधिमंडळाच्या स्टाफचे आभार...

विधानसभेचे अध्यक्ष राहुल नार्वेकर यांच्याकडून महाराष्ट्रातील ऐतिहासिक शिवसेना आमदार अपात्रता करण्याच्या निकालाच्या वाचनाला सुरुवात झाली आहे. या निकाल वाचनाच्या सुरूवातीला या सर्व प्रक्रियेमध्ये महत्त्वाची भूमिका बजावणाऱ्या दोन्ही बाजूच्या वकिलांचे आणि विधिमंडळाच्या स्टाफचे आभार मानले.

महाराष्ट्रातील ऐतिहासिक निकाल वाचन...

विधानसभेचे अध्यक्ष राहुल नार्वेकर यांच्याकडून महाराष्ट्रातील ऐतिहासिक शिवसेना आमदार अपात्रता करण्याच्या निकालाच्या वाचनाला सुरुवात झाली आहे. सोबतच संपूर्ण महाराष्ट्र चे धाकधूक वाढली आहे या निकालानंतर ठाकरे गटाचे आमदार अपात्र ठरणार की शिंदे गटाचे शिंदे गटाचे आमदारा पात्र ठरल्यास मुख्यमंत्री शिंदे यांचे पद जाणार का अशा वेगवेगळ्या चर्चांना उधाण आले

निकालाच्या धाकधूकीमध्ये सीएम एकनाथ शिंदेंची राजकीय टोलेबाजी

एकीकडे शिवसेनेच्या तिला कित्येक महिन्यांपासून वाट पाहत असलेल्या आमदारा पात्रता प्रकरणाच्या निकालाची धाकधूक सुरू आहे तर दुसरीकडे मुख्यमंत्री एकनाथ शिंदे यांची हिंगोलीमधील कार्यक्रमात राजकीय टोलेबाजी सुरू आहे. यावेळी त्यांनी उद्धव ठाकरे यांना त्यांच्या हेलिकॉप्टरमधील फोटोग्राफी करण्यावरून टोला लगावला. शिंदे म्हणाले की, मी हेलिकॉप्टर मधून जाऊन शेती करतो, ते कधीही चांगलं. मात्र काही जण हेलिकॉप्टरमधून फोटोग्राफी करतात.

निकालात त्रुटी राहू नये, नार्वेकर चेंबरमध्ये वरिष्ठ वकिलांशी चर्चा सुरूच

शिवसेनेच्या आमदार पात्रता निकालाला दुपारी 4.30 वेळ दिलेली असताना देखील अद्यापही या निकालाचे वाचन सुरू झालेले नाही. कारण या प्रकरणाच्या निकालामध्ये कोणतीही त्रुटी राहू नये. यासाठी विधानसभा अध्यक्ष राहुल नार्वेकर अद्याप देखील वरिष्ठ वकिलांशी चेंबरमध्येच निकालावर चर्चा करत असल्याचं सांगण्यात येत आहे.

निकालाची कुणालाच धाकधूक नाही; असं का म्हणाल्या दमानिया?

काही क्षणात राज्यातील सर्वात मोठ्या शिवसेनेच्या आमदार अपात्रता प्रकरणावरती निकाल येणार आहे. मात्र महाराष्ट्राच्या महा निकालाची कुणालाच धाकधूक नाहीये. कारण महानिकाल काय येणार आहे? सगळ्यांनाच माहीत आहे. अशी प्रतिक्रिय सामाजिक कार्यकर्त्या अंजली दमानिया यांनी दिली आहे. तर अगोदर देखील महाविकास आघाडीच्या नेत्यांकडून अशाच अर्थाच्या प्रतिक्रिया येत आहेत.

महाराष्ट्राच्या महानिकालाची कुणालाच धाकधूक नाही

कारण

महानिकाल काय येणार आहे ते सगळ्यांनाच माहीत आहे.#MaharashtraPolitics

— Mrs Anjali Damania (@anjali_damania) January 10, 2024

राहुल नार्वेकर तटस्थ निर्णय देणार

शिवसेना आमदार अपात्रता निकाल आज विधान सभेचे अध्यक्ष राहुल नार्वेकर यांच्याकडून वाचून दाखवला जाणार आहे. आज 10 डिसेंबरला दुपारी 4.30 वाजता हा निकाल येणार आहे. मात्र अद्याप या निकालाच्या वाचनाला सुरूवात झालेली नाही. तसेच हा निकाल राहुल नार्वेकर तटस्थ निर्णय देणार असल्याच्या चर्चांना देखील उधान आले आहे.

निकाल आमच्याच बाजूने येईल; भरत गोगावलेंना विश्वास

शिवसेना आमदार अपात्रता निकाला अगोदर शिंदे गटाचे सर्व आमदार शिवसेनेच्या बाळासाहेब भवनामध्ये दाखल झाले आहेत. त्यावेळी शिंदे गटाचे आमदार भरत गोगावले यांनी प्रतिक्रिया दिली. ते म्हणाले की, निकाल आमच्याच बाजूने येईल असा विश्वास त्यांनी व्यक्त केला. तर राऊतांच्या मॅच फिक्स असल्याच्या टीकेवर ते म्हणाले की, राऊतांना काहीही स्वप्न पडतात.

नार्वेकरांनी निकाल काहीही दिला तरी; निकालापूर्वी तनपुरेंचे 'हे' विधान चर्चेत...

आज विधानसभा अध्यक्षांनी काहीही निकाल दिला, तरी justice delayed is justice denied. छत्रपतींनी लुटलेल्या सुरतेत जाऊन दिल्लीच्या तख्तासमोर शरणागती पत्करून आमच्या पूर्वाश्रमीच्या सहकाऱ्यांना आज दीड वर्षाहून अधिक काळ लोटला गेला आहे. अजून देखिल ही दिल्लीश्वरांची मांडलिक मंडळी निकालाची वाट पहात सत्तेची रसाळ फळे चाखत आहेत. आज खोके संस्कृतीला राजमान्यता मिळू नये अशी भाबडी आशा अशी प्रतिक्रिया यावेळी आमदार प्राजक्त तनपुरे यांनी दिली आहे.

लटके पोटनिवडणुकीत निवडून आल्याने त्यांना व्हिप नाही

शिवसेना आमदार अपात्रता निकाला अगोदर शिंदे गटाचे आमदार संजय शिरसाट यांनी माध्यमांशी संवाद साधला. यावेळी त्यांनी सांगितलं की, ठाकरे गटाच्या ऋतुजा लटके या पोटनिवडणुकीत निवडून आल्या आहेत. त्यांचा पक्ष आणि चिन्ह वेगळं होतं. त्यामुळे त्यांना शिंदे गटाचा व्हिप लागू होणार नाही. तर ठाकरे गटाची अवस्था ही नाचता येईना अंगण वाकडे अशी झाली आहे. कॉंग्रेसमध्ये ठाकरे गट विलीन झाला आहे अशी शंका येत आहे. त्यामुळे कॉंग्रेसचे नेते हे ठाकरे गटाच्या वतीने बोलत आहेत. असा टोला यावेळी शिरसाट यांनी लगावला.

निकाल काहीही येऊ दे आमचं पुढचं पाऊल जोरदार असेल - तेजस ठाकरे

शिवसेनेच्या आमदार अपात्रता प्रकरणावर उद्धव ठाकरे यांचे दुसरे पुत्र तेजस ठाकरे यांनी एक सूचक प्रतिक्रिया दिली आहे. ते म्हणाले की, निकाल काहीही येऊ दे आमचं पुढचं पाऊल हे जोरदार असेल. त्यामुळे एकीकडे निकालाची तर दुसरीकडे तेजस ठाकरे यांचे सुचक विधानाने ठाकरे गटाचे पुढचं पाऊल काय असेल? याची उत्सुकता लागली आहे.