भाविकांवर काळाचा घाला! पिकअप अन् ट्रकचा भीषण अपघात; 10 जणांचा मृत्यू, 15 जखमी

Road Accident in Dausa : भरधाव वेगातील वाहने अनियंत्रित होऊन अपघात होत (Road Accident) आहेत. अशा अपघातांची संख्या देशभरात वाढली (Road Accident in Rajasthan) आहे. आताही एक धक्कादायक बातमी राजस्थानातील आहे. राजस्थानातील दौसा येथे भीषण अपघात झाला. भाविकांच्या वाहनाची आणि एका ट्रकची जोरदार धडक झाली. या अपघातात दहा जणांचा मृत्यू झाला. तर 15 जण जखमी झाले आहेत. यातील 9 जणांची प्रकृती गंभीर आहे त्यामुळे मृतांची संख्या वाढण्याची भीती व्यक्त केली जात आहे. मृत्यूमुखी पडलेल्यांत दोन महिला आणि सात लहान मुलांचा समावेश आहे.

भाविक मंदिरातून दर्शन करून परतत होते त्याचवेळी ही दुर्घटना घडल्याचे सांगण्यात येत आहे. अपघातात दहा लोकांचा मृत्यू झाला. अपघातस्थळी मोठी गर्दी झाली होती. पोलिसांना माहिती देण्यात आली. अपघातातील जखमींना तत्काळ रुग्णालयात दाखल करण्यात आले. पोलिसांनी दिलेल्या माहितीनुसार भाविक एका पिकअप वाहनातील होते. या वाहनाची आणि ट्रकची जोरदार धडक झाली. सर्व भाविक उत्तर प्रदेशचे असल्याची माहिती आहे. भाविक येथील खाटू श्यामजी आणि सालासर बालाजीचे दर्शन घेऊन घरी निघाले होते.

Kundmala Bridge Accident: नवा पूल उभारण्यासाठी 80 हजार की आठ कोटींचा निधी; संजय राऊतांना चव्हाणांचे पुराव्यासह उत्तर

प्रत्यक्षदर्शींनी सांगितले की हा अपघात अतिशय भीषण होता. यात पिकअप वाहनाचा चक्काचूर झाला. धडक होताच मोठा आवाज झाला. नंतर किंकाळ्या ऐकू येऊ लागल्या. आम्ही पाहिलं की एक ट्रक आणि पिकअप वाहनाची जोरदार धडक झाली आहे. अपघातातील लोकांकडून मदत मागितली जात होती. आम्ही तत्काळ पोलिसांना माहिती दिली. नंतर पिकअपमध्ये अडकलेल्या लोकांना बाहेर काढण्यासाठी पोलिसांची मदत केली. यानंतर रुग्णवाहिकेतून जखमींना रुग्णालयात नेण्यात आले.

अपघात कुणाच्या चुकीमुळे झाला याचा तपास केला जात आहे. आमच्या पथकाने सर्व जखमींना रुग्णालयात दाखल केले. या अपघातात आतापर्यंत दहा जणांचा मृत्यू झाला आहे. नऊ जणांची प्रकृती गंभीर आहे. या जखमींवर सवाई मानसिंह रुग्णालयात उपचार सुरू आहेत. या अपघाताच्या कारणांचा शोध घेतला जात आहे अशी माहिती पोलिसांनी दिली.

खेडमध्ये भीषण अपघात, देवदर्शनाला जाताना गाडी दरीत पलटी, 3 महिलांचा जागीच मृत्यू

संबंधित बातम्या