बीडमधील धक्कादायक घटना! बडतर्फ पोलीस अधिकारी सुनील नागरगोजेंची गळफास घेऊन आत्महत्या

Beed dismissed police officer Sunil Nagargoje commits suicide: एप्रिल महिन्यात निलंबित झालेले माजी पोलिस निरीक्षक सुनिल नागरगोजे (Sunil Nagargoje) यांनी गळफास घेऊन आत्महत्या केल्याची घटना उघडकीस आली आहे. अंबाजोगाई (Beed) येथील भाड्याने राहात असलेल्या घरी सुनिल नागरगोजे यांनी गळफास घेत आपलं आयुष्य संपवलं. ही धक्कादायक घटना सोमवारी रात्री 8 वाजता उघडकीस आली. अंबाजोगाई येथील घरी सुनिल नागरगोजे हे एकटेच होते. माजी पोलिस निरीक्षक सुनिल नागरगोजे यांनी उचललेल्या या टोकाच्या पावलामुळे सगळीकडे आश्चर्य व्यक्त केले जात आहे.

जरांगेंच्या आंदोलनाला मोठा धक्का! मराठा आंदोलकांवर पहिला गुन्हा दाखल, मुंबईत नेमकं काय घडलंय?

सुनिल नागरगोजे यांची परभणीतील (Beed) अधीक्षकांना शिवीगाळ प्रकरणी चौकशी सुरू होती. त्यांच्या बदलीनंतर त्यांना बीड येथे त्यांना नियंत्रण कक्षातच ठेवण्यात आले होते. एप्रिल 2025 मध्ये त्यांना परभणीच्या प्रकरणात सेवेतून बडतर्फ करण्यात आले होते. तेव्हापासून ते नैराश्यात होते. यानंतर बडतर्फ केलेले पोलीस निरीक्षक सुनिल नागरगोजे (Sunil Nagargoje) यांनी आत्महत्येसारखे टोकाचे पाऊल उचलले आहे.

सुनील नागरगोजे यांचे मूळ गाव परळी (Beed) तालुक्यातील नागदरा आहे. मात्र, ते (Sunil Nagargoje) अनेक वर्षांपासून कुटुंबियांसह अंबाजोगाई येथे वास्तव्यास होते. पोलीस खात्यात काम करताना त्यांनी परभणी, लातूर आणि बीड या ठिकाणी सेवा बजावली होती. लातूर येथे त्यांनी स्थानिक गुन्हे शाखेचा पदभार देखील सांभाळला होता.

ब्रेकिंग! आझाद मैदान तातडीने रिकामं करा, मुंबई पोलिसांची मनोज जरांगेंना नोटीस, आंदोलनाला परवानगी नाकारली

पोलीस अधीक्षकांना शिवीगाळ केल्याचा आरोप

परभणी येथे कार्यरत असताना एका पोलीस अधीक्षकांना शिवीगाळ केल्याचा आरोप सुनिल नागरगोजे यांच्यावर करण्यात आला होता. या प्रकरणाची चौकशी सुरू असतानाच, बीड येथे बदली झाल्यानंतर त्यांनी पुन्हा एका कर्मचाऱ्याला शिवीगाळ करत धमकी दिल्याची घटना समोर आली होती. त्यामुळे त्यांना बीड (Beed) येथेच नियंत्रण कक्षात सीमित ठेवण्यात आले होते.

पुढील 3 दिवस धोक्याचे! राज्यात धो-धो पाऊस; IMD चा इशारा, अनेक जिल्ह्यांना अलर्ट

एप्रिल 2025 मध्ये बडतर्फी

यानंतर सुनिल नागरगोजे (Sunil Nagargoje) यांना परभणीतील शिस्तभंग प्रकरणात एप्रिल 2025 मध्ये सेवेतून बडतर्फ करण्यात आले. बडतर्फीनंतर नागरगोजे मागील काही महिने नैराश्यातच होते. सध्या त्यांची मुले पुण्यात शिक्षण घेत आहेत. सध्या त्यांच्या पत्नीही पुण्यात मुलांजवळ असल्याचे सांगितले जात आहे. अंबाजोगाई (Beed) येथे नवीन घराचे बांधकाम सुरू असल्याने, नागरगोजे भाड्याच्या घरात एकटेच राहत होते. दरम्यान, रविवार रात्री आठ वाजण्याच्या सुमारास त्यांनी अंबाजोगाई येथील निवासस्थानी आत्महत्या करून जीवन संपवले.

मराठा आरक्षणाचा पेच सुटणार? सरकारच्या गोटात ‘या’ चार पर्यायांची चर्चा, अंतिम तोडगा कोणत्या मार्गाने

आत्महत्येचे कारण अद्याप अस्पष्ट

सुनिल नागरगोजे यांच्या पश्चात आई, पत्नी, एक मुलगा व एक मुलगी असा परिवार आहे. दरम्यान सुनील नागरगोजे यांनी आत्महत्या कधी व का केली याचे कारण अद्याप स्पष्ट झाले नाही. दरम्यान घटनेची माहिती मिळताच अंबाजोगाई (Beed) शहर पोलीस घटनास्थळी दाखल होऊन सुनील नागरगोजे (Sunil Nagargoje) यांचा मृतदेह ताब्यात घेऊन उत्तरीय तपासणी तथा शवविच्छेदनासाठी अंबाजोगाई येथील स्वामी रामानंद तीर्थ वैद्यकीय महाविद्यालयात पाठवला असून पुढील तपास पोलीस निरीक्षक शरद जोगदंड यांच्या मार्गदर्शनाखाली पोलीस करत आहेत.