Video : मोदींनाही वाटतं होतं केदार जाधवनं भाजपात यावं; पक्षप्रवेशावेळी बावनकुळेंनी काय सांगितलं?

Cricketer Kedar Jadhav Join BJP in presence State President Chandrashekhar bavankule : टीम इंडियाचा माजी क्रिकेटपटू केदार जाधवने (Kedar Jadhav) राजकारणात पदार्पण केलं आहे. आज त्याचा भाजपात प्रवेश झाला आहे. मुंबईतील पक्ष कार्यालयात हा पक्षप्रवेश सोहळा पार पडला. यावेळी प्रदेशाध्यक्ष चंद्रशेखर बावनकुळे, रवींद्र चव्हाण उपस्थितीत जाधव यांचा हा पक्षप्रवेश पार पडला. यावेळी बावनकुळे यांनी प्रतिक्रिया दिली.

माजी आयपीएस शिवदीप लांडे आता राजकारण गाजविणार; बिहारमध्ये ‘हिंदू सेना’ पक्षाची स्थापना

यावर बोलताना प्रदेशाध्यक्ष चंद्रशेखर बावनकुळे म्हणाले की, केदार जाधव म्हणाले की, मोदी आणि फडणवीसांच्या विकसित भारत आणि महाराष्ट्रासाठी भाजपमध्ये आलो आहे. त्याचे प्रचंड मोठा फॅन फॉलोअर्स आहेत. ते चांगला खेळाडू आहेत. आता ते चांगले कार्यकर्ते होतील. कारण मोदी म्हणतात की, 1 लाख तरूण लोक राजकारणात यावेत. तसेच विविध क्षेत्रातील लोक राजकारणात आल्यास त्या त्या क्षेत्राचा विकास होईल म्हणून केदार जाधवने राजकारणात यावी ही मोदी यांची आपेक्षा असल्याचं चंद्रशेखर बावनकुळे यांनी म्हटलं आहे.

“फुले” चित्रपटाच्या निर्माते आणि दिग्दर्शकांनी घेतली छगन भुजबळ यांची भेट

याआधी अनेक क्रिकेटपटूंनी राजकीय मैदान गाजवलं आहे. अगदी अलीकडील उदाहरण द्यायचं झालं तर गौतम गंभीरचं देता येईल. गौतम गंभीर भाजपाचा खासदार राहिला आहे. यानंतर आता केदार जाधव सुद्धा त्याची राजकारणातील नवी इनिंग सुरू करण्यास सज्ज झाला आहे. केदार जाधव हा मूळचा पुण्यातील आहे. महाराष्ट्राकडून प्रथम श्रेणी क्रिकेट खेळल्यानंतर त्याची थेट भारतीय संघात निवड झाली होती. आंतरराष्ट्रीय पातळीवर भारताचं प्रतिनिधीत्व करण्याची संधी त्याला मिळाली. केदारने टीम इंडियाकडून एकूण 73 एकदिवसीय सामने खेळले आहेत. यामध्ये त्याने 42.09 च्या सरासरीने 1389 धावा केल्या आहेत. यामध्ये दोन शतके आणि सहा अर्धशतकांचा समावेश आहे. गोलंदाजीत केदारने एकूण 27 विकेट्स घेतल्या आहेत.

रेती धोरण ते सिंधी विस्थापितांना दिलासा; मंत्रिमंडळ बैठकीत घेतले महत्त्वाचे निर्णय

टी 20 सामन्यात मात्र केदारला फारशी संधी मिळाली नाही. केदारला त्याच्या कार्यकाळात फक्त 9 टी 20 सामने खेळण्याची संधी मिळाली. या सामन्यांत केदारने 20.33 च्या सरासरीने 122 धावा केल्या आहेत. कसोटीत तर केदारची पाटी कोरीच राहिली आहे. केदार जाधवला त्याच्या कारकीर्दित एकही कसोटी सामना खेळण्याची संधी मिळाली नाही. फेब्रुवारी 2020 मध्ये केदार टीम इंडियासाठी शेवटचा सामना खेळला होता. यानंतर केदारचे पुन्हा संघात पुनरागमन झाले नाही.

सोनं खरेदीसाठी सुवर्णसंधी! सलग चौथ्या दिवशी किमतीत घट, 24 कॅरेटचा भाव 90 हजारांच्या खाली

जून 2024 मध्ये केदार जाधवने क्रिकेटच्या सर्व प्रकारांतून निवृत्ती जाहीर केली होती. केदार जाधवने माजी कर्णधार एमएस धोनीच्या स्टाईलने क्रिकेटमधून निवृत्तीची घोषणा केली होती . यानंतर आता केदारला राजकारणाचे वेध लागले आहेत. आज मुख्यमंत्री देवेंद्र फडणवीस आणि महसूलमंत्री चंद्रशेखर बावनकुळे यांच्या उपस्थितीत मुंबईतील भारतीय जनता पार्टीच्या कार्यालयात पक्षप्रवेश कार्यक्रम आयोजित करण्यात आल्याचे सांगण्यात आले.

संबंधित बातम्या