1 मे पासून होणार ‘हे’ 5 मोठे बदल, तुमच्या खिशावर कसा परिणाम होईल?

5 Big Changes From 1 May 2025 : दर महिन्याच्या पहिल्या दिवशी अनेक मोठे बदल होतात. यात एलपीजी गॅसचा (LPG Gas) समावेश आहे. यावेळी मे महिन्यातही (1 May 2025) अनेक बदल दिसून येतील. याचा सर्वात जास्त परिणाम सामान्य माणसाच्या खिशावर (Railway) होईल. या बदलांबद्दल सविस्तरपणे जाणून घेऊया.

1. एटीएममधून पैसे काढण्याच्या शुल्कात वाढ
आरबीआयने जाहीर केले होते की, आता ग्राहकांना एटीएममधून पैसे काढण्यासाठी अधिक शुल्क द्यावे लागेल. पूर्वी हे शुल्क 21 रुपये होते, परंतु आता ते वाढवून 23 रुपये केले जाईल. हे नवीन शुल्क 1 मे 2025 पासून लागू होईल. मीडिया रिपोर्ट्सनुसार, हा बदल देशाच्या मध्यवर्ती बँक, आरबीआय आणि एनपीसीआय (नॅशनल पेमेंट्स कॉर्पोरेशन ऑफ इंडिया) यांनी संयुक्तपणे केला आहे. सध्या, महानगरांमध्ये तीन वेळा पैसे काढणे मोफत आहे. परंतु जर तुम्ही मर्यादेपेक्षा जास्त पैसे काढले तर तुम्हाला 21 रुपये शुल्क भरावे लागेल. ते पैसे तुमच्या बँक खात्यातून आपोआप कापले जाते.

शेअर बाजारात तेजी, सेन्सेक्सने 1000 अंकांनी वाढला, ‘या’ शेअर्समध्ये गुंतवणूकदारांना फायदा

2. एलपीजी गॅसवर होणारा परिणाम
दर महिन्याला गॅस एजन्सीकडून घरगुती गॅस ते व्यावसायिक गॅसच्या किमती सुधारित केल्या जातात. म्हणजेच 1 तारखेला त्याच्या किमतीत वाढ किंवा घट होईल. एप्रिलमध्येच सरकारने सर्व सिलिंडरच्या किमती सुमारे 50 रुपयांनी वाढवल्या आहेत.

3. एफडी आणि बचत खात्यात बदल
आरबीआयने या वर्षी सलग दोनदा रेपो दर कमी केला आहे. याचा परिणाम बँकेच्या एफडी खात्यांपासून ते कर्जापर्यंतच्या व्याजदरांवर दिसून आला. अनेक सरकारी आणि मोठ्या खाजगी बँकांनी त्यांचे व्याजदर बदलले आहेत. येणाऱ्या काळात अनेक बँका व्याजदरात बदल करू शकतात.

मोठी बातमी! 10 लाखांचं प्रकरण अंगलट, रणजीत कासलेवर अंबाजागाईमध्ये गुन्हा दाखल

4. स्थानिक बँकेत बदल
1 मे पासून ग्रामीण बँकांमध्ये मोठा बदल होऊ शकतो. प्रत्येक राज्यातील सर्व ग्रामीण बँकांचे विलीनीकरण करून एक मोठी बँक तयार करण्याची योजना आहे. हे काम एक राज्य, एक आरआरबी योजनेअंतर्गत केले जाईल. हा बदल पहिल्यांदा 11 राज्यांमध्ये दिसून येईल. यामध्ये पश्चिम बंगाल, आंध्र प्रदेश, उत्तर प्रदेश, बिहार, जम्मू आणि काश्मीर, कर्नाटक, गुजरात, मध्य प्रदेश, ओडिशा, राजस्थान, मध्य प्रदेश या राज्यांचा समावेश आहे.

5. रेल्वेमध्ये काय बदल होतील?
1 मे पासून रेल्वे तिकीट बुकिंगमध्ये मोठा बदल होणार आहे. आता प्रवाशांना वेटिंग तिकिटांवर स्लीपर आणि एसी कोचमध्ये प्रवास करता येणार नाही.

संबंधित बातम्या