शेअर बाजार उघडताच प्रॉफिट बुकींग; सेन्सेक्स-निफ्टीची घसरणीसह सुरुवात, कोणते शेअर्स वधारले?

Share Market : चांगले संकेत असूनही आज शेअर बाजारात घसरण झाली आहे. शेअर बाजारात आज नफा बुकिंगचा बोलबाला होताना दिसत आहे. सेन्सेक्स-निफ्टी सपाट व्यवहार करताना दिसत आहेत. (Share Market) बँक निफ्टीही कधी हिरव्या आणि कधी लाल रंगात वळताना दिसत आहे. आज मेटल शेअर्समध्ये चांगली वाढ झाली.

पूजा खेडकरचं खोटं बोलण्याचं सत्र कायम; हायकोर्टात चुकीची माहिती,UPSC कडून न्यायाधीशांसमोर पोलखोल

देशांतर्गत बाजारात व्यवहार सुरू होण्यापूर्वी तेजी कायम राहण्याचे संकेत मिळत होते. प्री-ओपन सत्रात सेन्सेक्स सुमारे 130 अंकांच्या वाढीसह 83,100 अंकांच्या जवळ व्यवहार करत होता. तर, निफ्टी सुमारे 42 अंकांच्या वाढीसह 25,430 अंकांवर व्यवहार करत होता. सकाळी बाजार उघडण्यापूर्वी, GIFT सिटीमधील निफ्टी फ्युचर्स सुमारे 56 अंकांच्या प्रीमियमसह 25,390 अंकांवर व्यवहार करत होते. मात्र, बाजार उघडताच ते लाल रंगात गेले.

जागतिक शेअर बाजार तेजीत

काल अमेरिकन बाजारात तेजी दिसून आली. वॉल स्ट्रीटवरील डाऊ जोन्स इंडस्ट्रियल ॲव्हरेजमध्ये 0.58 टक्के वाढ झाली. S&P 500 निर्देशांक 0.75 टक्क्यांनी वाढला आणि तंत्रज्ञान-केंद्रित निर्देशांक Nasdaq 1 टक्क्यांनी वाढला. आज आशियाई बाजारात संमिश्र कल दिसून येत आहे. जपानचा निक्केई 0.43 टक्क्यांनी घसरला, तर टॉपिक्स निर्देशांक 0.58 टक्क्यांनी घसरला. कोस्पी आणि कोस्डॅक सपाट आहेत. हाँगकाँगचा हँगसेंग निर्देशांक आज तेजीची चिन्हे दाखवत आहे.

BJP Membership : शाळेतील विद्यार्थीही..भाजपकडून चौथीच्या विद्यार्थ्यांना पक्षात प्रवेश करण्याचं आवाहन

सेन्सेक्सचे कोणते शेअर्स तेजीत?

सेन्सेक्सवरील सुमारे 20 शेअर्स सुरुवातीच्या व्यवहारात घसरत होते. टाटा स्टील आणि जेएसडब्ल्यू स्टीलचे शेअर्स प्रत्येकी 1 टक्क्यांहून अधिक वाढले आहेत. दुसरीकडे, एशियन पेंट्स 1.65 टक्क्यांनी घसरले आहेत. महिंद्रा अँड महिंद्रा, बजाज फायनान्स, आयटीसी, इन्फोसिस सारखे शेअर्सही सुरुवातीच्या व्यवहारात घसरले आहेत. NSE वर उपलब्ध डेटानुसार, 12 सप्टेंबर 2024 रोजी, विदेशी पोर्टफोलिओ गुंतवणूकदार (FII) निव्वळ खरेदीदार होते आणि त्यांनी 7695 कोटी रुपयांचे शेअर्स खरेदी केले होते. या कालावधीत, देशांतर्गत संस्थात्मक गुंतवणूकदार (DII) निव्वळ विक्रेते होते आणि त्यांनी 12 सप्टेंबर रोजी 1800.54 कोटी रुपयांचे शेअर्स विकले.

संबंधित बातम्या