राजद’चं नेतृत्व लालू प्रसादांकडून चिरंजीवाकडं, राष्ट्रीय कार्यकारिणीच्या अध्यक्षपदी तेजस्वी यांची निवड

या बैठकीला लालू प्रसाद यादव, राबडी देवी, मीसा भारती आणि संजय यादव यांच्यासह पक्षाचे अनेक वरिष्ठ नेते उपस्थित होते.

बिहार विधानसेभातील विरोधी पक्षनेते आणि ज्येष्ठ नेते (RJD) लालू प्रसाद यादव याचे चिरंजीव तेजस्वी यादव यांची राजदच्या राष्ट्रीय कार्यकारिणी (कार्यवाहक) अध्यक्षपदी नियुक्ती करण्यात आली आहे. पाटण्यातील हॉटेल मौर्य येथे झालेल्या आरजेडीच्या राष्ट्रीय कार्यकारिणीच्या बैठकीत भोला यादव यांनी या पदाचा प्रस्ताव मांडला, ज्याला सर्व नेत्यांनी एकमताने मान्यता दिली.

या बैठकीला लालू प्रसाद यादव, राबडी देवी, मीसा भारती आणि संजय यादव यांच्यासह पक्षाचे अनेक वरिष्ठ नेते उपस्थित होते. बिहार निवडणुकीतील पराभवावरही चर्चा झाली, ज्यावर तेजस्वी म्हणाले, आपण सर्व काही विसरून पुढं गेलं पाहिजे, एकतर नरेंद्र मोदींच्या पायाशी थांबा किंवा त्यांच्याशी लढा. नितीश कुमार त्यांच्या पायाशी गेले आहेत, सर्वांनी व्हिडिओ पाहिला आहे, पण आम्ही झुकणार नाही.

जिथं जिथं SIR, तिथं तिथं मतचोरी; राहुल गांधींनी थेट कागदपत्रेच आणली समोर

यावेळी लालू प्रसाद म्हणाले, तेजस्वी यादव पदावर नसतानाही ते खूप चांगलं काम करत होते. आता ते आणखी चांगले काम करतील. संघटना मजबूत करण्यासाठी सर्वांनी एकत्र काम केलं पाहिजे. भविष्यात सर्वांना लढावं लागेल आणि जिंकावं लागेल. तेजस्वी यादव आधीच पक्षात बहुतेक महत्त्वाचे निर्णय घेत आहेत. संघटनात्मक बाबींपासून ते राजकीय रणनीतीपर्यंत त्यांची भूमिका सातत्याने मजबूत होत आहे. पक्षाचे राष्ट्रीय नेते म्हणूनही त्यांच्याकडं पाहिलं जातं आहे.

2025 च्या विधानसभा निवडणुकीपूर्वी, भाजपची बंद दाराआड बैठक झाली होती, ज्यामध्ये निवडणुकीत लालू प्रसाद किंवा तेजस्वी कोणावर प्रश्न विचारणे अधिक योग्य असेल यावर चर्चा करण्यात आली. भाजप नेते सम्राट चौधरी म्हणाले की, लालू प्रसाद यांना कोंडीत पकडणे अधिक योग्य ठरेल. नितीशकुमार हे प्रत्येक निवडणुकीत लालूप्रसाद यांच्या जंगलराजवरही निशाणा साधत होते. कारण तेजस्वी नितीश सत्तेत असताना त्यांच्यासोबत होते.

लालूप्रसाद शारीरिकदृष्ट्या खूप कमकुवत झाले आहेत. न्यायालयीन खटल्यांमुळेही ते त्रस्त आहेत. चारा घोटाळ्यात त्यांना शिक्षा झाली आहे. नोकरीसाठी जमीन आणि आयआरसीटीसी घोटाळ्यातही ते अडकले आहेत. त्यांना हृदयरोग, रक्तदाब आणि मधुमेहासह अनेक आजारांनी ग्रासले आहे. त्यांचे मूत्रपिंड प्रत्यारोपण झाले आहे. त्यांची प्रकृती अनेक वेळा गंभीर झाली आहे, ज्यामुळे त्यांना पाटण्याहून दिल्लीतील एम्स येथे विमानाने नेण्यात आलं. त्यामुळे ते आता नाजूक स्थितीत आहेत. अलिकडेच त्यांच्यावर मोतीबिंदूची शस्त्रक्रिया झाली आहे.

संबंधित बातम्या