नार्वेकरांचा निर्णय आश्चर्यकारकच; अपात्र आमदार निकालावर असदुद्दीन ओवैसींचे टीकास्त्र

जनता जलीली यांनाच निवडून देणार..
सध्या निवडणुकीची जोरदार तयारी सुरु असून इम्तियाज जलील यांनी अनेक विकासाची कामे केली आहेत. त्यांच्या पाच वर्षांच्या काळात दोन वर्ष कोरोनाचं संकट होतं. मात्र, इतर तीन वर्षांत त्यांनी विकासाची कामे केली आहे. याआधीच्या काळातील खासदारांनी इथला विकास केला नव्हता तो विकास आता जलील यांनी केला असून इथली जनता आगामी निवडणुकीत जलील यांनाच निवडून देणार असल्याचा विश्वास ओवैसी यांनी व्यक्त केला आहे.

महाराष्ट्रातील नेते कपडे बदलल्यासारखे पक्ष बदलतात…
राज्यात सध्या कोणी या पक्षात तर कोणी त्या पक्षात प्रवेश करीत आहेत. त्यावरही ओवैसी यांनी थेट भाष्य केलं आहे. जसे कपडे बदलले जातात तसेच नेते पक्ष बदलत आहेत. कोणीही कोणत्याही रंगाचे कपडे घालत आहेत. पण आम्ही एकाच रंगाचे कपडे घालत असल्याचं ते म्हणाले आहेत.

येत्या 22 जानेवारील अयोध्येत रामलल्लाच्या प्राणप्रतिष्ठेचा सोहळा पार पडत आहे. या सोहळ्यासाठी केंद्र सरकारसह उत्तर प्रदेश सरकारकडून जोरदार तयारी सुरु करण्यात आली आहे. यावरही ओवैसी यांनी भाष्य केलं आहे. ते म्हणाले, आम्ही आमच्या भूमिकेवर ठाम आहोत, आम्ही भूमिका बदललेली नाही, जर 6 डिसेंबर नसतं झालं तर काय झालं असतं, असं ओवैसी म्हणाले आहेत.

संबंधित बातम्या