‘अपेक्षितच उमेदवारी! मी अजिबात नाराज नाही’; भुजबळ गोडसेंच्या उमेदवारी खूश

तसेच हेमंत गोडसे यांना आता उमेदवारी जाहीर झाली असून उद्या त्यांचा उमेदवार अर्ज भरण्यात येणार आहे. गोडसेंचा उमेदवारी अर्ज भरण्यासाठी उपमुख्यमंत्री देवेंद्र फडणवीस यांच्यासह इतर नेते येण्याची शक्यता आहे. उद्या हेमंत गोडसेंच्या प्रचारार्थ महायुती म्हणून राष्ट्रवादी काँग्रेस, भाजप, शिवसेनेचे सर्वच कार्यकर्ते पदाधिकारी मोठ्या संख्येने उपस्थित राहणार आहेत. माझ्या उमेदवारीवरुन समता परिषदेचे कार्यकर्ते नाराज असतील पण आम्ही त्यांची समजूत काढणार आहोत. मी खासदार व्हावं अशी इच्छा इथल्या दलित, ओबीसी समाज, अल्पसंख्यांची आहे पण असं झालं म्हणून राजकारण संपलं असं होतं नाही. संधी येतात जातात. वरिष्ठांच्या आदेशाचे पालन करावं लागतं, काही वेळेला अपेक्षा दूर ठेवाव्या लागतात, असंही छगन भुजबळ म्हणाले आहेत.

2019 साली आम्ही हेमंत गोडसे यांच्यासह शिवसेनेच्या विरोधात होतो. तेव्हा गोडसेंना पंतप्रधान नरेंद्र मोदींचा पाठिंबा होता. त्यांच्या पाठिंब्यामुळेच ते निवडून आले होते. त्यानंतर त्यांच्याच शिवसेनेसोबत आम्ही सरकार स्थापन केलं होतं. त्यावेळी आमच्यासोबत हेमंत गोडसे, एकनाथ शिंदे, उद्धव ठाकरे सर्वच शिवसेनेचे नेते होते. राजकारणात अशा उलाढाली होत असतात, त्यामुळे जुनं सगळं विसरुन आता आम्ही जोमाने कामाला लागणार असल्याचं निर्धार छगन भुजबळांनी केला आहे. दरम्यान, महायुतीचे उमेदवार हेमंत गोडसे यांच्याविरोधात महाविकास आघाडीचे राजाभाऊ वाजे रिंगणात उभे आहेत.

संबंधित बातम्या