Ahmedabad Plane Crash : ब्लॅक बॉक्सची माहिती कधी मिळेल? केंद्रिय मंत्र्यांनी दिलं महत्वाचं अपडेट

Ahmedabad Air India Plane Crash Black Box Update : अहमदाबादहून लंडनला जाणाऱ्या एअर इंडियाच्या विमानाचा (Air India Plane Crash) 12 जून रोजी अपघात झाला. अपघातग्रस्त एअर इंडियाच्या विमानाच्या ब्लॅक बॉक्सची (Black Box) चौकशी सुरू आहे. ही चौकशी एअरक्राफ्ट अॅक्सिडेंट इन्व्हेस्टिगेशन ब्युरोकडून केली जात आहे. राम मोहन नायडू यांनी स्पष्ट केले की, विमानाचा ब्लॅक बॉक्स परदेशात (Ahmedabad Plane Crash) पाठवला जाणार नाही. नायडू यांनी सर्व अटकळ फेटाळून लावली आहेत.

नागरी विमान वाहतूक मंत्री के राममोहन नायडू यांनी आज स्पष्ट केले की, अहमदाबादमध्ये झालेल्या एअर इंडिया विमान अपघातातील ब्लॅक बॉक्सची तपासणी विमान अपघात तपास ब्युरो करत आहे. विश्लेषणासाठी तो परदेशात पाठवण्यात आल्याच्या वृत्तांचं त्यांनी खंडण केलंय. लंडनला जाणारे एअर इंडिया बोईंग 787-8 ड्रीमलायनर 12 जून रोजी सरदार वल्लभभाई पटेल आंतरराष्ट्रीय विमानतळावरून उड्डाण घेतल्यानंतर लगेचच अहमदाबादमधील एका हॉस्टेल कॉम्प्लेक्समध्ये कोसळले. ज्यामध्ये 241 जणांचा मृत्यू झाला.

काय सांगता! काचेच्या बाटल्यांत प्लास्टिकपेक्षाही जास्त मायक्रोप्लास्टिक; नव्या अभ्यासात धक्कादायक खुलासा

ब्लॅक बॉक्स परदेशात ?

या अपघातात एक प्रवासी बचावला. 13 जून रोजी अपघातस्थळावरून ब्लॅक बॉक्स सापडला. FICCI आणि नागरी विमान वाहतूक मंत्रालयाने संयुक्तपणे आयोजित केलेल्या हेलिकॉप्टर आणि लहान विमान शिखर परिषदेच्या बाजूला बोलताना नायडू म्हणाले, हे सर्व केवळ अनुमानच आहेत. ब्लॅक बॉक्स भारतातच आहे. सध्या विमान अपघात तपास ब्युरो (AAIB) कडून त्याची चौकशी केली जात आहे.

Rekha Jare Murder Case : मर्डर केसमधून जामीनावर सुटला अन् दुसऱ्या गुन्ह्यात अडकला…

अपघाताच्या कारणांची चौकशी

ब्लॅक बॉक्स डेटा मिळविण्याच्या वेळेबद्दल विचारले असता, नायडू म्हणाले की ही एक तांत्रिक बाब आहे . ब्युरो योग्य प्रक्रियांचे पालन करत आहे. एएआयबीला चौकशी करू द्या आणि संपूर्ण प्रक्रिया पार पाडा, असे त्यांनी पुढे म्हटले. या घटनेनंतर, सरकारने अपघाताच्या कारणांची चौकशी करण्यासाठी उच्चस्तरीय पॅनेल स्थापन करण्याची घोषणा केली होती. मंत्र्यांनी यापूर्वी म्हटले होते की, ब्लॅक बॉक्स डीकोड केल्याने अपघाताच्या आधीच्या क्षणांबद्दल महत्त्वपूर्ण माहिती मिळेल.

तपासासाठी उच्चस्तरीय पॅनेल

राम मोहन नायडू म्हणाले की, ब्लॅक बॉक्समधून डेटा कधी उपलब्ध होईल हा तांत्रिक बाब आहे. तपासासाठी उच्चस्तरीय पॅनेल स्थापन करण्यात आले आहे. सरकारने घटनेनंतर म्हटले होते की, ब्लॅक बॉक्स डीकोड केल्याने अपघातापूर्वी काय घडले याची सखोल माहिती मिळेल. मंत्रालयाने म्हटले आहे की, संपूर्ण तपास प्रक्रिया तांत्रिक पद्धतीने केली जाईल.

संबंधित बातम्या