Kalyan Crime : विशाल गवळीसह त्याच्या पत्नीला 7 दिवसांची पोलीस कोठडी
- Written By: Rohini Gudaghe Published:
Kalyan Minor Girl Murder Case Police Custody Vishal Gawli : कल्याणमध्ये 13 वर्षाच्या अल्पवयीन मुलीचं अपहरण करून तिच्यावर लैंगिक अत्याचार (Kalyan Crime) करण्यात आला. यानंतर त्या मुलीची हत्या करण्यात आली. याप्रकरणी पोलिसांनी विशाल गवळी आणि त्याच्या पत्नीला पोलिसांनी बेड्या ठोकल्या (Rape Case) आहेत. आता पोलिसांनी आरोपी विशाल गवळी याला सात दिवसांची पोलीस कोठडी सुनावण्यात आलीय.
EVM संदर्भात सुप्रिया सुळेंनी घेतली वेगळी भूमिका; म्हणाल्या, पुराव्याशिवाय दोष…
कल्याणमधील अल्पवयीन मुलीच्या हत्येप्रकरणातील आरोपींना पोलिसांनी आज कल्याण येथील न्यायालयात हजर केलं. तेव्हा सुनावणीवेळी न्यायालयाने दोघांनाही सात दिवसांची पोलीस कोठडी सुनावली आहे. आरोपी विशाल गवळी याला न्यायाधीश व्ही.ए. पत्रावळे यांच्यासमोर हजर करण्यात आलं होतं. तेव्हा न्यायालयाने या जोडप्याला सात दिवसांची पोलीस कोठडी सुनावली. त्यानंतर आरोपीला सोबत घेवून पोलीस ठाण्याच्या दिशेने रवाना झाल्याचं समोर आलं होतं.
काय आहे प्रकरण?
कल्याण पूर्वमधून 23 डिसेंबर रोजी संध्याकाळी एका 13 वर्षीय अल्पवयीन मुलीचं अपहरण झालं होतं. ही मुलगी आईकडून 20 रूपये घेवून खाऊ आणण्यासाठी दुकानात गेली होती. बाहेर गेल्यानंतर बरेच तास उलटले, पण ती घरी परतलीच नाही. त्यामुळे तिच्या वडिलांनी कोशळेवाडी पोलीस ठाण्यात मुलगी बेपत्ता असल्याची तक्रार दिली होती. घटनेचं गांभीर्य लक्षात घेत पोलिसांनी प्रकरणाचा तपास सुरू केला. परंतु या मुलीचा मृतदेह 24 डिसेंबर रोजी कल्याण जवळ असलेल्या बापगाव परिसरात सापडला.
शरद पवार पुन्हा भाकरी फिरवणार? विधानसभेतील पराभवानंतर मोठा निर्णय घेण्याच्या तयारीत
या प्रकरणाचा तपास करत असताना पोलिसांना विशाल गवळी नावाच्याच व्यक्तीने या मुलीचं अपहरण केलं असून तिच्यावर अत्याचार करून हत्या केलं असल्याचं समोर आलं. विशाल गवळीच्या बायकोने घडलेला सर्व घटनाक्रम सांगितला आहे. सीसीटीव्ही फुटेजच्या उकलमुळे देखील या प्रकरणाची उकल सहजरित्या झाली आहे. विशाल गवळीचा स्वभाव विकृत स्वभावात असल्याचं समोर आलंय. त्यानेच या चिमुकलीवर अत्याचार करून हत्या केल्याचं समोर आलंय.
संबंधित बातम्या
मुलाच्या मित्रासोबत अनैतिक संबंध; तब्बल अकरा वर्षांपूर्वी मोहिनी आणि अक्षय हे जवळ कसे आले?
